TATSU 
ໝານ້ອຍຂ້ອຍ ນາມຊື່ຕັດສູ
ແປຄວາມເປັນ ໜໍ່ນາມແນວນາກ
ນິທານເວົ້າ ຂອງຄົນຍີ່ປຸ່ນ
ບອກຊື່ໃຫ້ ຄວາມກ້າໄຝ່ປອງ ເຈົ້າເອີ້ຍ
ໝານ້ອຍ ຄືເພື່ອນແທ້ ສັດຊື່ດອມກັນ
ໄປມາໃສ ແລ່ນນໍາຮຽງຂ້າງ
ເໝືອນແອນ້ອຍ ຍາມນອນຫລັບງ່າຍ
ຂອງເຄື່ອງຫລິ້ນ ຕິດເນື້ອບໍ່ໄລ ແທ້ແລ້ວ
ຕັດສູ ຮຽນເກັ່ງໄດ້ ສອນນັ່ງຟັງຄວາມ
ເຖິງຍາມກິນ ແລ່ນມາລໍເຝົ້າ
ກິນໝົດແລ້ວ ລົງເຮືອນຫາແລ່ນ
ກາງເດີ່ນບ້ານ ຂະໂຍງເຕັ້ນໄຫລ່ແມວ
ຕັດສູ ພາຫຍ່າງຍ້າຍ ເດີນແລ່ນກິລາ
ອອກແຮງກາຍ ເຄື່ອນໄຫວແລງເຊົ້າ
ອອນຊອນແທ້ ຕັດສູເຕີບໃຫຍ່
ຄຽງຄູ່ຂ້ອຍ ປົກປ້ອງຊ່ວຍແລ ແທ້ແລ້ວ
@ວິມາດອກບົວແກ້ວ