Impressionen von der Ostsee. ສຸດຊຶ້ງປະທັບໃຈໃນແຄມທະເລ ຮຽມຍ່າງຫຍ້າຍ ເດີນທ່ຽວແຄມທະເລ ອາກາດດີ ຊື່ນຊົມແສງແຈ້ງ ຟອງຕີເຂົ້າ ຕໍາຊາຍຫາດຝັ່ງ ແໜໝູ່ໄມ້ ຟູຂຶ້ນຕໍ່າລົງ ນົກແອ່ນເຕົ້າ ເປັນໝູ່ຕາມກັນ ຊອກເຈີດກິນ ໝູ່ແມງເທິງນໍ້າ ສຽງແຊວຮ້ອງ ຕາມກັນເປັນໝູ່ ບິນເວີ່ນຟ້າ ໄປກໍ້າແກ່ວໄກ ພຸ້ນແລ້ວ ຍາມເມື່ອ ແນມສ່ອງນໍ້າ ສົດຊື່ນໃສດີ ເຫັນກະປູ ແລ່ນໄປຕາມພື້ນ ຫອຍດໍາກີ້ ຈັບຫີນຕິດແກ່ນ ພວກໝູ່ກຸ້ງ ໂຍງເຍ້ງຍ່າງໄປ ເຈົ້າເອີ້ຍ ໄປທະເລ ທຸກເທື່ອຕ້ອງ ອາບສົ່ງສົງກາຍ ລົງລອຍດໍາ ຈຸ່ມຫົວລົງນໍ້າ ທະເລລ້າງ ສະສາງປັດເປົ່າ ທຸກສິ່ງຮ້າຍ ຫາຍຖິ້ມສົ່ງໜີ ແດ່ທອ້ນ ຕາເວັນຕົກຕໍ່າຟ້າ ອາກາດປ່ຽນສີສັນ ລົມໂພຍພັດ ສົ່ງສຽງແຮງຂຶ້ນ ຟອງຕີນໍ້າ ດັງມາເປັນຍ່ານ ລາສັ່ງເຈົ້າ ຄືນກໍ້າບ່ອນເຊົາ ກ່ອນແລ້ວ ບຸນຍິ່ງລໍ້າ ທະເລສັ່ງອໍາລາ ເບີຍໂບກແສງ ຕື່ມສີຂຽນແຕ້ມ…
Monat: Juli 2021
ເວົ້າສູ່ກັນຟັງ ຄໍາຂັວນຕ້ານໂຄວິດປະສິດການແຜ່ເຊື້ອ:
ເວົ້າສູ່ກັນຟັງ ຄໍາຂັວນຕ້ານໂຄວິດປະສິດການແຜ່ເຊື້ອ: ເງື່ອນໄຂທີ່ຈະນໍາໄປສູ່ ການປ້ອງກັນຫລຸດຜ່ອນການແຜ່ເຊື້ອ ຕາມຄໍາຂັວນ 3 G ໃນເຢັຍລະມັນ ຄື – Geimpft, – Genesung und – Getestet ທຽບໃສ່ພາສາລາວ ກໍຈະເວົ້າໄດ້ແບບ 3 ສ ທີ່ວ່າ – ສັກຢາແລ້ວ, – ເສື່ອມເຊື້ອຫາຍດີແລ້ວ ແລະ – ສອບກວດປອດເຊື້ອແລ້ວ ເປັນເງື່ອນໄຂນໍາໄປສູ່ການຫລຸດຜ່ອນການລອກດາວ ໂຍະຍານໄປສູ່ການເປີດກ້ວາງພົວພັນກັນຄືນໃຫມ່ໃນສັງຄົມ.
ເຈົ້າເອີ້ຍ ແນວນາມກາດໍາແຫລ້ ຮູບຊົງຕ່າງເສືອດາວ
ເຈົ້າເອີ້ຍ ແນວນາມກາດໍາແຫລ້ ຮູບຊົງຕ່າງເສືອດາວ ສັງທາວລົງລອຍສີ ປ່ຽນແປງສັບລາຍພ້ອມ ເຊົາຊອມຈັບສັດນ້ອຍ ຄອຍຫາໂຕບັກໃຫຍ່ ໃຜເດ້ ສັງມາອອບອ່ອຍໃຫ້ ໄລລືມເຊື້ອໜໍ່ລາວ ເຈົ້າເອີ້ຍ ແນວນາມເສືອດ່າງແລ້ວ ໃຜຈະເຊື່ອໃຈນໍາ ຫາຄໍາຫວານມາຕົວະ ອ່ອນໄປພຽງຫວັງຕົ້ມ ຄາລົມຕິດຕາມລີ້ນ ໃຈຫຶງແນວເສືອໂຄ່ງ ຄວນໄປດົງປ່າໄມ້ ຫາກິນເນື້ອຈຶ່ງສົມ ນັ້ນແລ້ວ ມືຖືສາກໃຫຍ່ໂຕ້ ປາກຢາກກ່າວຖືສິນ ຫາກິນນໍາແຮງຄົນ ແລ່ນກັນຕາມຜົນໄດ້ ໄປເຖິງທາງຄົດໂງ້ງ ລືມຄາວເລີຍກາຍຜ່ານ ຕົກໃນແດນດ່ານດ້າວ ຕາຍເສັຍຖິ້ມກ່ອນເຖິງ ຫາກເຈົ້າ ກັບປ່ຽນປີ້ນ ປະປ່ອຍລາຍໃນ ກັບໃຈເປັນຄົນດີ ຊື່ຕົງປະສົງແທ້ @ວິມາດອກບົວແກ້ວ
ໄປຜັກຜ່ອນໄດ້ໃນຕອນໂຄວິດ ແຕ່ຕ້ອງຄິດຫ່າງ ອອກໄປທາງທະເລ.
ໄປຜັກຜ່ອນໄດ້ໃນຕອນໂຄວິດ ແຕ່ຕ້ອງຄິດຫ່າງ ອອກໄປທາງທະເລ. Liebe Grüße von der Ostsee. ເດີນທາງອອກຫ່າງບ້ານ ໄປຫາສູ່ແຄມທະເລ ບົນທາງໄກລົດຕິດ ຕໍ່ກັນເປັນແຖວຊ້ອງ ອາກາດດີຍາມແລ້ງ ການກົດກັນຫລຸດຜ່ອນ ຄົນພາກັນເຄື່ອນຫຍ້າຍ ໄປຫາກໍ້າທີ່ໄກ ແທ້ແລ້ວ ອອກລົດກາຍຜ່ານບ້ານ ສະຖານທີ່ເຄີຍທຽວ ດີໃຈກັບຄືນເຫັນ ປ່ອງແປວເດີນໄປໜ້າ ໂຄວິດກີດກັນໄວ້ ດົນນານສອງປີລ່ວງ ບາດນີ້ ຄົນຫາທາງທ່ຽວແລ້ວ ເປີດໃຈກ້ວາງຊື່ນຄືນ ເຖິງຈຸດໝາຍບົ່ງໄວ້ ເຂດຖິ່ນແດນທະເລ ໃຈເຜີດເພີນຫລຽວນໍາ ແມ່ນະທີວັງກ້ວາງ ພົມແດນຫາຍເສັຍສິ້ນ ແສນສະອອນໃຈຊື່ນ ແນວຄິດລອຍລ່ອງນໍ້າ ຕາມຟອງເຕັ້ນເຄື່ອນໄປ ເຈົ້າເອີ້ຍ ຫາດຫີນຊາຍໃຫຍ່ນ້ອຍ ຢຽດຢາຍຢັ່ງຕາມກັນ ຟອງທະເລມາຕໍາ ເປົ່າລົມເຢັນຫາຍຮ້ອນ ກາຍໃຈແສນສຸດຊື້ນ ບັນເທົາໃນໝົດຫ່ວງ ທໍາມະຊາດຊ່ວຍເພີ້ມ ພະລັງໃຫ້ເບັ່ງບານ ແທ້ແລ້ວ ມາຢືນຢູ່ແຫ່ງນີ້ ຂໍວອນສົ່ງພອນໄຊ ກັບເຖິງດິນແດນລາວ ເພື່ອນເຮົາສະຫາຍພ້ອມ ໂຮມໃຈກັນເດີເຈົ້າ ເອົາໂຄວິດແຕກຜ່າຍ ຂໍໃຫ້ ຊາວລາວເຮົາພີ່ນ້ອງ ໄປມາໄດ້ດັ່ງເດີມ ແດ່ທ້ອນ @ວິມາລາວດອກບົວແກ້ວ
ພາຍຫລັງປະເທດຊາດຖືກປົດປ່ອຍ ແລະ ຖືກສ້າງຕັ້ງຂຶ້ນໃນປີ 1975
ພາຍຫລັງປະເທດຊາດຖືກປົດປ່ອຍ ແລະ ຖືກສ້າງຕັ້ງຂຶ້ນໃນປີ 1975 ບັນດາປະເທດສັງຄົມນິຍົມຕ່າງໆໃນຕອນນັ້ນ ໃນທຸກໂຂງເຂດແຕ່ອາຊີເຖິງຢູໂຣບຕາເວັນອອກຮອດລາຕ້າຍອາເມລິກາ ພ້ອມທັງອົງການຈັດຕັ້ງສາກົນຈໍານວນນຶ່ງ ໄດ້ໃຫ້ການຊ່ວຍເຫລືອຮັບເອົານັກຮຽນລາວໄປຮຽນຕໍ່ ເປັນຕົ້ນຢູ່ເຢັຍລະມັນ ເຂົ້າຊັ້ນຕົ້ນ ຊັ້ນກາງວິຊາຊີບ ແລະ ຊັ້ນສູງ ຈົນຮອດປີ 1989, ຫລັງຈາກບັນດາປະເທດສັງຄົມນິຍົມຢູໂຣບຕາເວັນອອກໄດ້ພັງທະລາຍລົງ ແລ້ວການຮັບເອົາກໍຖືກຢຸດຕິລົງ. ດັ່ງນັ້ນຍ້ອນການສຶກສາຈຶ່ງເຮັດໃຫ້ຄົນລາວເຮົານຸ່ມນ້ອຍໃນຕອນນັ້ນຕ້ອງໄດ້ເຫີນຫ່າງອອກຈາກປະເທດຊາດໄປຢູ່ຕ່າງປະເທດ ທີ່ລັດທະບານໄດ້ສົ່ງໄປຮຽນ ແລະ ທຸກຄົນລ້ວນແລ້ວແຕ່ມີຄວາມພູມໃຈ ແລະ ດີໃຈທີ່ໄດ້ໄປຮຽນຕໍ່ຕ່າງປະເທດ. ມາເຖິງປະຈຸບັນ ເວົ້າລວມ ອາດີດນັກສຶກສາໃນສະໃໝDDR ສ່ວນໃຫຍ່ຢູ່ລາວ ແມ່ນໄດ້ເຂົ້າສູ່ຊ່ວງໄລຍະບໍານານແລ້ວ. ອາດີດນັກສຶກສານັກຮຽນຮູ້ຄົນລາວ ທີ່ດໍາລົງຊີວິດຢູ່ເຢັຍລະມັນ ຄືດັ່ງ ນ້ອງສຸລັດໄດ້ເລົ່າເຖິງນັ້ນ ໄດ້ເຕີມໃຫຍ່ຂະຫຍາຍຕົວສ້າງຄອບຄົວ ມີວຽກເຮັດງານທໍາໄດ້ດີຢູ່ໃນສັງຄົມຂອງປະເທດເຈົ້າພາບ ແຈກຢາຍກັນໄປທົ່ວເຢັຍລະມັນ ແຕ່ເໜືອເຖິງໄຕ້. ໃນປະຈຸບັນຜູ້ທີ່ເຄີຍຮູ້ຈັກຮັກແພງກັນໃນຜ່ານມາກໍ່ຍັງສືບຕໍ່ຜູກພັນຮັກແພງກັນຕະຫລອດມາ, ເຖິງວ່າຈະບໍ່ໄດ້ພົບພໍ້ກັນກໍຕາມຍ້ອນຢູ່ຫ່າງໄກກັນ ແລະ ມີພາລະກິດວຽກງານຂອງໃຜມັນ. ຕົນເອງມີຄວາມດີໃຈ ທີ່ຍາມໃດຄວາມຮັກແພງຂອງຄົນລາວພວກເຮົາໄດ້ໝັ້ນແກ່ນຕະຫລອດມາ. ໂດຍສະເພາະດີໃຈ ແລະ ພູມໃຈທີ່ຄົນລາວເຮົາດໍາລົງຊີວິດຢູ່ໃນສັງຄົມຂອງເຂົາເຈົ້າບໍ່ເຄີຍມີບັນຫາຫຍັງເກີດຂຶ້ນ ມີການຈັດຕັ້ງສະມາຄົມລາວຕ່າງໆ ພົວພັນດີກັບສະຖານທູດລາວ ພ້ອມກັນເຜີຍແຜ່ວັດທະນະທໍາຂອງຊາດລາວເຮົາ ທໍາບຸນສິນກິນທານ ບຸນປະເພນີ ຜູກຮັກຜູກແພງກັບເພື່ອນມິດປະເທດເຈົ້າພາບໄດ້ດີ ແລະ ຫາທາງຊ່ວຍເຫລືອບ້ານເກີດເມືອງນອນຂອງຕົນຢູ່ລາວເຮົາ ໃນຫລາຍຮູບຫລາຍແບບ. ພິເສດດີໃຈ…
ສານລຶບບໍ່ສູນ ພໍ່ເຖິງລູກ.
ສານລຶບບໍ່ສູນ ພໍ່ເຖິງລູກ. (ບົດກອນ ແບບກອນອ່ານປູ່ປາງຄໍາ ກອນເຈັດ) ຍາມເມື່ອເຈົ້າ ປີນຈ່ອງຂຶ້ນ ຈັບໄຕ່ຕາມຮາວ ສອງມືກໍາ ປ່ຽນນໍາກັນຂຶ້ນ ໃຈເຕັມພ້ອມ ພະລັງສູງສົ່ງ ຈັບຈ່ອງນ້າວ ທາວຂຶ້ນຢ່າວາງ ແທ້ເນີ ປີນຈ່ອງຂຶ້ນ ຕົນເພິ່ງແຮງຕົນ ປະວາງມື ພຸ່ງລົງຕົກພື້ນ ຕາຍເສັຍຖິ້ມ ໃຜເດ້ຈະຊ່ວຍ ເຈົ້າເພິ່ງເຈົ້າ ເປັນເຈົ້າຈຶ່ງຍືນ ແທ້ແລ້ວ ຍິ່ງທຸກ ເຂົາຍິ່ງຊໍ້າ ປັດເປົ່າຕາມລົມ ຫາທາງຕົວະ ໄຫລ່ໜີທາງອ້ອມ ກັມຫຍັງສ້າງ ເວນຫຍັງມາຈ່ອງ ຊໍ້າຍິ່ງຊໍ້າ ຫາຊົ້ນທີ່ໃດ ເດ້ນໍ ລູກເອີ້ຍ ໃຈຢ່າຖໍ້ ແຂງຕໍ່ການຮຽນ ຫາວິຊາ ເກັ່ງໂຕເຕັມໄວ້ ຮຽນດີໄດ້ ສິນໄຊພໍ່ແມ່ ມື້ນຶ່ງ ພວກໝູ່ເຈົ້າ ສອນກ້າເກັ່ງຄັນ ແທ້ແລ້ວ ຍາມເມື່ອ ລູກເກັ່ງແລ້ວ ມີໃຜ່ຕາມຕິດ ພາກັນຄຶດ ທ່ຽງທໍາແຂງໄວ້ ພາຄົນກ້າ ເຈາະຫີນໄຫໃຫຍ່ ຄິດເຖິງ ພໍ່ມິ່ງເຈົ້າ ຈາໄວ້ສັ່ງຄວາມ…
ເຂົ້າພັນສາແລ້ວ! ພູມໃຈໄດ້ເຫັນຄົນລາວຍິ້ມແຍ້ມຮ່ວມກັນທໍາບຸນ.
ເຂົ້າພັນສາແລ້ວ! ພູມໃຈໄດ້ເຫັນຄົນລາວຍິ້ມແຍ້ມຮ່ວມກັນທໍາບຸນ. ຊາວພຸດລາວຕໍ່ຕັ້ງ ພາກັນກໍ່ທໍາບຸນ ຕັກບາດວັນສິນພະ ສົ່ງຈັງຫັນເພນພ້ອມ ອຸທິດເຖິງຄຸນເຈົ້າ ດວງວິນຍານພໍ່ແມ່ ຮັບຜົນທານຊ່ວຍໃຫ້ ເປັນສຸກໄດ້ຢູ່ສະຫວັນ ເຈົ້າເອີ້ຍ ວິນຍານໃດເລື່ອນເລ້ ຂາດມິດເພື່ອນພົງພັນ ຫວັງອາໃສຜົນບຸນ ທ່ານເມດຕາທານໃຫ້ ທຸກສຸກບັນເທົາເກື້ອ ຈູນກັນໃນທຸກແຫ່ງ ແດ່ທ້ອນ ຄົນ ວິນຍານຢູ່ຢັ້ງ ຮັກຄຽງຂ້າງຮ່ວມກັນ ນັ້ນແລ້ວ ເຂົ້າພັນສາເພິ່ນເວົ້າ ອຸທິດສົ່ງຜົນບຸນ ໄປຫາດວງວິນຍານ ເຄື່ອງຂອງມີທານໃຫ້ ສາມເດືອນດົນລໍຖ້າ ໄປມາພັນສາຜ່ານ ຮອດໃນຕອນເມື່ອນັ້ນ ສຸກສົມໄດ້ຢູ່ກິນ ເພິ່ນວ່າເດ້ ທໍາບຸນ ບຸນຊ່ວຍຄໍ້າ ສິນທັມຊ່ວຍຊູໜູນ ຊາວພຸດລາວຄອງທັມ ຊື່ນໃຈປອງໝາຍໄວ້ ຜົນທານໄປເຖິງແຄ້ວນ ແດນສະຫວັນຄົນຮັກຢູ່ ຈິດໃຈສຸກຊື່ນຊ້ອຍ ກິນທານແລ້ວຊື່ນໃຈ ແທ້ແລ້ວ @ວິມາດອກບົວແກ້ວ
ຂໍໄວອາໄລເຖິງດວງວິນຍານຂອງເພື່ອນ ບຸດ ແກ່ນທະລັງສີ.
ຂໍໄວອາໄລເຖິງດວງວິນຍານຂອງເພື່ອນ ບຸດ ແກ່ນທະລັງສີ. ການສົ່ງສະການໄດ້ຖືກດໍາເນີນໄປຢ່າງສົມກຽດ ໂດຍການເຂົ້າຮ່ວມຂອງຍາດຕິພີ້ນ້ອງ ເພື່ອນມິດ ຄົນຮູ້ຈັກຮັກແພງກັນ ພ້ອມທັງການຈັດຕັ້ງທຸກພາກສ່ວນ. ຕົນເອງພ້ອມຄອບຄົວ ແລະ ຂໍຕາງໜ້າໃຫ້ແກ່ຄອບຄົວແກ່ນທະລັງສີພ້ອມດ້ວຍຍາດຕິພີ້ນ້ອງ ຂໍສະແດງຄວາມຂອບອົກຂອບໃຈ ມາຍັງເພື່ອນມິດ ບັນດາທ່ານທັງໝົດ ແລະ ການຈັດຕັ້ງ ທີ່ໄດ້ໃຫ້ຄວາມອົບອຸ່ນອອກຄວາມເຫັນແບ່ງເບົາຄວາມໂສກເສົ້າ ແລະ ໄດ້ປະກອບສ່ວນປັດໃຈໃຫ້ສິນກິນທານນໍາຄອບຄົວຂອງເພື່ອນ. ພ້ອມດຽວກັນນີ້ ຂໍອວຍພອນໃຫ້ທຸກໆທ່ານຈົ່ງມີສຸຂະພາບແຂງແຮງດີ ອາຍຸໝັ້ນຍືນ ພົບພໍ້ແຕ່ຄວາມສົມບູນພູນສຸກຕະຫລອດໄປເຖີ້ນ. ແດ່ເພື່ອນ! ທາງຊີວິດເຄື່ອນຍ້າຍ ເໝືອນດັ່ງສາຍຕໍາລາ ເປັນເສັ້ນຍາວຢຽດໄປ ລ່ວງຂອບແດນກັນໄວ້ ໄປໄກເກີນຂອບກັ້ນ ອະສົງໄຂຕາມໂຕປ່ຽນ ຂໍພະອິນ ເບັດຊ່ວຍໃຫ້ ເສັ້ນສາຍກ້າວສູ່ສະຫວັນ ແດ່ທ້ອນ ຕອນຮັບຂ່າວສົ່ງໃຫ້ ຮຽມແສນຕື່ນຕົກໃຈ ຄິດຈະໂທຖາມຫາ ແຕ່ເວລາຂວາງກັ້ນ ສອງດິນດອນເວລາເຄື້ອນ ຢາກໂທຫາຈໍາລໍກ່ອນ ບໍ່ຢາກປຸກເພື່ອນຂ້ອຍ ຜູ້ນອນນິ່ງຕໍ່ແຮງ ເຈົ້າເອີ້ຍ ເດິກດື່ນນອນບໍ່ໄດ້ ໃຈເປັນຫ່ວງທວນຄິດ ລັບຕາມອງແນມເຫັນ ເພື່ອນເຮົາຮຽນຄຽງຂ້າງ ປະຊຸມການຈັດຕັ້ງ ນໍາພາໃນລູກໜ່ວຍ ຍາມຫວ່າງຄົວແຕ່ງເຂົ້າ ພາກັນເຕົ້າມ່ວນກັນ ແທ້ແລ້ວ ຫ້າໂມງເຊົ້າຕື່ນຂຶ້ນ ມືຄົວໃສ່ມືຖື ຫວັງຈະໂທຖາມຫາ…
New at Home – Dendrobium nobile
New at Home – Dendrobium nobile – ສາຍຫລວງພັນໃຫມ່ໃນເຮືອນ. ສາຍຫລວງຂ້ອຍ ແຕກກິ່ງກ້ານ ຂຽວອ່ອນງາມດີ ມີຫລາຍໃບ ຊ່ອນແຊມກັນຂຶ້ນ ຫົດສົງນໍ້າ ເຕີມຕາມລົງຝຸ່ນ ແສງຊ່ວຍໃຫ້ ຫລວງຂຶ້ນໃຫຍ່ໄວ ສາຍຫລວງ ສາຍຊໍ່ໄມ້ ພັນໃໝ່ໃນເຮືອນ ນໍາມາພຽນ ລໍ່າແລແພງໄວ້ ຖະໜອມຕຸ້ມ ຄອງວັນດອກປົ່ງ ເຖິງເມື່ອນັ້ນ ໃຈຕັ້ງຕໍ່ລໍ ແທ້ແລ້ວ @ວິມາດອກບົວແກ້ວ
ຢ່າເບິ່ງຂ້າມສິ່ງນ້ອຍໆ ແຕ່ຄຸນຄ່າມີສູງ
ຢ່າເບິ່ງຂ້າມສິ່ງນ້ອຍໆ ແຕ່ຄຸນຄ່າມີສູງ. Im Kleinen das Wunderbare sehen ທຸກສິ່ງ ໃນລຸ່ມຟ້າ ແຕກຕ່າງກັນໄປ ຫລາຍຊີວິດ ປ່ຽນຊົງແປງເນື້ອ ຕາມອິນຕັ້ງ ເສກສັນຕົກແຕ່ງ ຊີວິດ ມີຄ່າລໍ້າ ເໜືອເຊື້ອຕໍ່ພັນ ແທ້ນ່າ ຄວາມສຸກ ມີຊົ່ວຟ້າ ຫາກ ຕາສ່ອງເຫັນນໍາ ແຕ່ວ່າ ຄົນແນມໄປ ເບິ່ງໄກກາຍໜ້າ ໃຈເພີນຕັ້ງ ຫວັງທາວຫາໃຫຍ່ ລືມສິ່ງນ້ອຍ ຄຸນລໍ້າແກ່ໃຈ ນັ້ນແລ້ວ ຄວາມສຸກ ມີທົ່ວຫ້ອງ ຂອງຢູ່ຄຽງກາຍ ຕາຄວນແນມ ເບິ່ງນໍາຄົນໄກ້ ຄົນຄົວເຈົ້າ ວົງວານມິດເພື່ອນ ເຊົາເບິ່ງຂ້າມ ຈາເວົ້າອ່ອມກັນ ດີແລ້ວ ຄວາມຮັກ ເກີດກໍ່ໄດ້ ຫາກ ໃຈຕໍ່ຕາມຕິດ ຕາແລນໍາ ສົ່ງເເຮງໃຈໃຫ້ ເຊີດຊູພ້ອມ ວາຈາດອມມ່ວນ ເຖິງຈະ ເປັນສິ່ງນ້ອຍ ຄຸນຫລົ້ນເກິ່ງດິນ ແທ້ແລ້ວ @ວິມາດອກບົວແກ້ວ
ນໍ້າໃຈກິລາ ແມ່ນຍິ່ງໃຫຍ່ກ່ວາໂຄວິດ ທີ່ສະແດງອອກໃນການແຂ່ງຂັນເຕະບານຢູໂຣບ ທີ່ສິ້ນສຸດລົງໃນວັນອາທິດຜ່ານມານີ້, ວັນທີ່ 11.
ນໍ້າໃຈກິລາ ແມ່ນຍິ່ງໃຫຍ່ກ່ວາໂຄວິດ ທີ່ສະແດງອອກໃນການແຂ່ງຂັນເຕະບານຢູໂຣບ ທີ່ສິ້ນສຸດລົງໃນວັນອາທິດຜ່ານມານີ້, ວັນທີ່ 11. ການແຂ່ງຂັນເຕະບານຢູໂຣບໄດ້ສິ້ນສຸດລົງຢ່າງຄຶ້ກຄື້ນ ຢູ່ສະໜາມ ແວມບະເຣ Wembley ທີ່ລອນດອນ ເມືອງຫລວງຂອງປະເທດອັງກິດ. ຄູ່ແຂ່ງສຸດທ້າຍ ລະຫວ່າງ ທີມຂອງອັງກິດ ແລະ ອີຕາລີ ໄດ້ມີການຕໍ່ສູ້ກັນ ຢ່າງດຸເດືອດ ທ່າມກາງຜູ້ຊົມທີ່ຖືກອານຸຍາດໃຫ້ເຂົ້າຊົມໃນເດີນ ຈໍານວນ ຫລາຍກ່ວາຫົກສິບພັນຄົນ (ເດີ່ນສາມາດບັນຈຸຄົນໄດ້ເຖິງເກົ້າສິບພັນຄົນ), ຊຶ່ງສ່ວນຫລາຍແມ່ນນັກເຊັຍຄົນອັງກິດເອງ ແລະ ນັກເຊັຍຂອງອີຕາລີຈໍານວນພຽງສອງພັນຄົນ ທີ່ຖືກອານຸຍາດໃຫ້ເຂົ້າຮ່ວມ. ແຕ່ລະທີມແມ່ນໄດ້ຜ່ານການແຂ່ງຂັນເຂົ້າຮອບມາ ຢ່າງເຜັດມັນ ແລະ ຢ່າງມີໄຊ. ກ່ອນການແຂ່ງຂັນ ແຕ່ລະການນໍາ ກໍຄື ປະຊາຊົນ ຂອງແຕ່ລະປະເທດ ໄດ້ສົ່ງແຮງໃຈອັນສູງສົ່ງຊຸກຍູ້ນໍ້າໃຈທີມເຕະບານຂອງຊາດຕົນເອງ. ທ່ານ ບໍລິດ ຈອນເຊີນ ນາຍົກອັງກິດ ໄດ້ເວົ້າວ່າ ຖ້າທີມຂອງອັງກິດຊະນະ ຕົນເອງໃນນາມຫົວໜ້າລັດຖະບານຈະສະເໜີເອົາວັນຊະນະນັ້ນເຂົ້າເປັນວັນພັກແຫ່ງຊາດອີກວັນນຶ່ງ. ສ່ວນທີມຂອງອີຕາລີ ໄດ້ເຂົ້າເຖິງຮອບສຸດທ້າຍກໍຖືວ່າຍິ່ງໃຫຍ່ໄປກ່ວາເກົ່າຫລາຍ ເພາະເປັນເວລາ 55ປີແລ້ວ ທີ່ ອີຕາລີໄດ້ຂັນຊະນະການແຂ່ງຂັນເຕະບານຢູໂຣບ ທີ່ຖືກຈັດຕັ້ງຂຶ້ນໃນສີ່ປີໃດເທື່ອນຶ່ງ, ດັ່ງນັ້ນຄວາມມຸ້ງຫວັງຂອງທີມຈຶ່ງສູງສົ່ງກ່ວາຍາມໃດໝົດ ທີ່ຈະຕ້ອງເອົາຊະນະທີມຂອງອັງກິດໃຫ້ໄດ້. ສຸດທ້າຍມາ ພາຍຫລັງການຕໍ່ເວລາໄດ້ປະຕູ…
ການແຂ່ງຂັນເຕະບານເອີຣົບພາ ກໍາລັງເຂັ້ມຂຸ້ນ ສ້າງບັນຍາກາດຕ້ານຄວາມເຫງົາໂຄວິດ.
ການແຂ່ງຂັນເຕະບານເອີຣົບພາ ກໍາລັງເຂັ້ມຂຸ້ນ ສ້າງບັນຍາກາດຕ້ານຄວາມເຫງົາໂຄວິດ. Fußball-EM-Stimmung gegen Corona-Verstimmung. ໃນສະພາບເຂັ່ງຮ້ອນ ຢູໂຣບມ່ວນການກິລາ ເອີຣົບພາເຕະບານ ແຂ່ງຂັນກັນສັນສ້າງ ຄົນຫາທາງເປີດກ້ວາງ ປາບຄວາມເຫງົາຫາຍຊ່ວງ ປວງຊົນສົດຊື່ນຂຶ້ນ ສຽງເຊັຽຮ້ອງໂຮ່ກັນ ເຈົ້າເອີ້ຍ ເຂົາມີການປ່ອຍໃຫ້ ຄົນໄປສູ່ສະໜາມຫລວງ ທວງຫາການກວດກາ ຜ່ານໂຄໂຣນາຮ້າຍ ຄົນຫລາຍໄປໂຮມເຕົ້າ ຈໍານວນມີຕາມສ່ວນ ເປັນຂະບວນໃຫຍ່ນ້ອຍ ເຊັຽທີມກໍ້າຝ່າຍຕົນ ແທ້ແລ້ວ ການກິລາແຂ່ງໄດ້ ທີມໃດເກັ່ງມີໄຊ ຫລາຍທີມຕົກເສັຍໄປ ຫ່າງໄລໜີໄກເປົ້າ ຄົນເຊັຍພາກັນເສົ້າ ບາງຄົນນໍ້າຕາລັ່ງ ໃຜກໍຫວັງຕໍ່ໄດ້ ຈິດໃຈເຂັ້ມແຂ່ງກິລາ ນັ້ນແລ້ວ ມາເຖິງຕອນເຄິ່ງນີ້ ລວມມີສີ່ທີມແຂງ ອີຕາລີເຈິສະປານຽນ ຄໍ່າຄືນໃນວັນນີ້ ອັງກິດກັບເດນມາກສູ້ ຕອນແລງຂອງມື້ອື່ນ ໃຜຊະນະຜ່ານໄດ້ ສອງທີມເຂົ້າແຂ່ງກັນ ແທ້ແລ້ວ ຕາມເຮືອນຊານຢູ່ບ້ານ ຄົນຊອມເບິ່ງທີວີ ມີການຊົມຮວມກັນ ມ່ວນໄປລືມຄວາມເສົ້າ ເອົາກໍາລັງໃຈໃຫ້ ທີມໃດຫາກເຕະເກັ່ງ ຍາດຊີງເສັງແຂ່ງໄດ້ ຂັນຄວາມກ້າແຫ່ງຢູໂຣບ ນັ້ນແລ້ວ @ວິມາດອກບົວແກ້ວ
ຍຸກດິຈິຕອນ ຄົນແມ່ນໃຈກາງ.
ຍຸກດິຈິຕອນ ຄົນແມ່ນໃຈກາງ. Digitalisierung sinnvoll nutzbar machen. (ບົດກອນ ແບບກອນອ່ານປູ່ປາງຄໍາ) ຍຸກສະໄໝປ່ຽນກ້າວ ເດີນຜ່ານໄປໄວ ເຕັກນິກໄກ ເດັ່ນສູງໄປໜ້າ ໃຜໄປຊ້າ ວິຊາການຕໍ່າ ນໍາບໍ່ໄດ້ ເຂົາກ້າວດ່ວນໄກ ແທ້ແລ້ວ ສັງຄົມ ຫາແຕ່ໃຊ້ ຂອງເພິ່ນເມືອງເຂົາ ຂາດຂອງເຮົາ ແຕ່ງປຸນແປງຂຶ້ນ ມີທຶນໜ້ອຍ ປັນຍາຍັງຕໍ່າ ທໍາແຕ່ໄດ້ ພໍແລ້ວແຕ່ວັນ ບໍ່ດີແລ້ວ ເຂົາເຮັດ ການປ່ຽນປີ້ນ ຫັນໃສ່ເຕັກນິກ ມີພິກໄຫວ ຊ່ວຍຄົນທໍາສ້າງ ຫາທາງກ້າວ ປັບປຸງແປງໃຫມ່ ຊູຊ່ວຍໃຫ້ ນໍາໃຊ້ທ່າແຮງ ແທ້ນ່າ ດິຈິຕອນ ພວມແລ່ນກ້າວ ເປີດປ່ອງແນວຄິດ ວິທະຍາປະດິດ ເຄື່ອນໄຫວເອງໄດ້ ຍົນຍານໃຊ້ ສະໝອງທຽມຄິດຊ່ວຍ ດຸເດັ່ນດ້ວຍ ງານສ້າງຄ່າສູງ ເຈົ້າເອີ້ຍ ຄົນເຂົາ ຮຽນຮໍ່າຮູ້ ເຫລິກເຊິ່ງເຖິງຖອງ ເຮັດທົດລອງ ເລັ່ງຫາທາງກ້າວ ຄິດຍາວໄວ້ ເຫັນໄກຍຸກໃໝ່ ໃນຕໍ່ໜ້າ…
ລົດໄຟລາວ ສັງກາດໃຫມ່ ໃນປະຫວັດສາດ – ສອງທັນວາ 2021
ລົດໄຟລາວ ສັງກາດໃຫມ່ ໃນປະຫວັດສາດ – ສອງທັນວາ 2021 (ປະກອບບົດກອນ ແບບກອນອ່ານປູ່ປາງຄໍາ) Die erste China-Laos-Eisenbahn ein Abschnitt der Seidenstraße mit einer Höchstgeschwindigkeit von 160 km/h zwischen Kunming und der Hauptstadt Vientiane von Laos wird am 02. Dezember 2021 eröffnet. Sie ist 414 km lang und führt über 198 km in Tunneln und 62 km über Brücken, Baukosten etwa 5,7…