ຍິນດີຕ້ອນຮັບ ທຸກທ່ານ ທີ່ເຂົ້າມາອ່ານໃນວິມາລາວນີ້!
ວິມາລາວ ມີຈຸດປະສົງ ໂດຍອີງຕາມຄວາມສາມາດ ແລະ ການເວລາ ຢາກນຳເອົາຂ່າວຕ່າງໆ ເປັນຕົ້ນແມ່ນ ຂ່າວທາງດ້ານການເມືອງ ທາງດ້ານເສດຖະກິດ ສັງຄົມ ແລະ ເຕັກໂນໂລຢີ ທີ່ພົ້ນເດັ່ນຂຶ້ນໃນໂລກ ມາວິໃຈເວົ້າສູ່ທ່ານຜູ້ອ່ານໄດ້ຮູ້ນຳ ເພື່ອເປັນການຄົ້ນຄິດແຫລກປ່ຽນຄວາມຄິດຄວາມເຫັນຊຶ່ງກັນແລະກັນ ເພາະຄິດວ່າ ທ່ານຜູ້ອ່ານ ຄົງໄດ້ຕິດຕາມຂ່າວເດັ່ນອື່ນໆ ໃນສື່ມວນຊົນທົ່ວໄປເຊັ່ນກັນ.
ແນ່ນອນ ໃນແຕ່ລະມື້ ມັນເກີດມີຂ່າວຕ່າງໆໃນສື່ອອນລາຍ ເປັນຈຳນວນຫລວງຫລາຍ ໃນຫລາຍພາສາ ແຕ່ສິ່ງສຳຄັນອັນຕົ້ນຕໍ ແມ່ນການຄັດຈ້ອນຊອກຫາແຫລ່ງຂ່າວທີ່ຫນ້າເຊື່ອຖືໄດ້.
ໃນທີ່ນີ້ ວິມາຈະນຳເອົາຂ່າວມາແປ ຄົ້ນຄິດມີຄວາມເຫັນ ຂຽນອອກໃຫ້ຜູ້ອ່ານໄດ້ເຂົ້າໃຈ ແລະ ຄົ້ນຄິດນຳ ຕາມເຫດແລະຜົນ ເພື່ອຫລີກລ້ຽງຄວາມເຂົ້າໃຈຜິດທີ່ຈະນໍາໄປສູ່ການວິຈານຖົກຖຽງກັນໄປໃນທາງບໍ່ຖືກຕ້ອງ.
ບາງບົດ ວິມາລາວ ກໍຈະຂຽນຂຶ້ນເອງ ເປັນຂ່າວ ແລະ ຄວາມຮູ້ຕ່າງໆ ແລະ ກາບກອນ ບົດເລື້ອງສັ້ນ ບົນຊວນຄິດ ບົດຮຽນຈາກວຽກງານໂຄງການ ແລະ ອື່ນໆ.
ນອກຈາກນັ້ນ ວິມາລາວ ຍັງມີຈຸດປະສົງ ຢາກຊ່ວຍສ້າງສັນສາຍພົວພັນ ລະຫວ່າງຄົນລາວເຮົາ ໃຫ້ດີຂຶ້ນໄປເຫລື້ອຍໆ ເຖິງຈະມີແນວຄິດແຕກຕ່າງກັນ ແລະ ຈະຢູ່ມູມໂລກໃດກໍຕາມ ໃຫ້ຫັນຫນ້າເຂົ້າຫາກັນ ເວົ້າລົມກັນ ໃຫ້ຄວາມເຫັນແບບສ້າງສັນ ນໍາໄປສູ່ ການສະຫລຸບໄດ້ສິ່ງທີ່ດີ ທີ່ຈະເປັນຜົນປະໂຫຍດໃຫ້ທັງສອງກໍ້າສອງຝ່າຍ ໄປໃນທໍານອງທີ່ວ່າ:
„ພວກເຮົາມີແນວຄິດແຕກຕ່າງກັນ ແຕ່ພວກເຮົາບໍ່ແມ່ນສັດຕູກັນ“ ນັ້ນເອງ.
ໃນວິມາລາວ ນີ້ ຈະເນັ້ນໃສ່ ເອົາພາສາລາວ ເປັນຕົ້ນຕໍ່ ເພື່ອຄົນລາວ ເຊື້ອສາຍລາວ ເພື່ອປະກອບສ່ວນ ໃນການນໍາໃຊ້ພາສາລາວ ໃຫ້ຂະຫຍາຍຕົວດີຖືກຕ້ອງ ເປັນກ້າວໆໄປ ເປັນຕົ້ນໃນການແປຄໍາສັບ ແລະ ອະທິບາຍຄໍາຊັບ ເປັນພາສາລາວ ໃຫ້ສາມາດເຂົ້າໃຈຄວາມຫມາຍຢ່າງຖືກຕ້ອງ.
ດ້ວຍຄວາມຫວັງດີ
ວິມາລາວ
![](https://vimalao.de/wp-content/uploads/2021/01/buddha-sisaketh-225x300.jpg)
ເປັນຮູບແຕ້ມທີງາມ ແລະ ປານີນດີ. ຂໍສະແດງຄວາມສັນລະເສີນນັກແຕ້ມ ຢ່າງສຸດໃຈ.
ພະພຸດຫະຮູບ ປະກາຍຄວາມເປັນສະມາທິ ເຮັດໃຫ້ຊາວພຸດ ທີ່ໄດ້ພົບເຫັນ ເກີດມີຄວາມເຫລື້ອມໃສໃນຈິດມະໂນທໍາອັນສູງສົ່ງຂອງເພິ່ນ.