ກອນ: ບໍ່​ມີ​ໃຜ​ຈະ​ນ້ອຍ​ເກີນ​ໄປ​ທີ່​ຈະ​ສາ​ມາດ​ຍິ່ງ​ໃຫຍ່​ໄດ້.

ບໍ່​ມີ​ໃຜ​ຈະ​ນ້ອຍ​ເກີນ​ໄປ​ທີ່​ຈະ​ສາ​ມາດ​ຍິ່ງ​ໃຫຍ່​ໄດ້. Man ist nie zu klein, um grossartig zu sein. (HOBEA-Germany)   ຕອນຍັງເປັນບ່າວນ້ອຍ ເຕະກະໂລ້ງດັງໄກ ແບກຫາມໄຖຄາດຫນັກ ແລ່ນລົງນາຕາກ້າ ຫາປາຕາມແຄມຫ້ວຍ ຝົນຕົກມາທົນຜ່ານ ໜາວພຽງໃດບໍ່ຢ້ານ ລົງດໍານໍ້າໄລ່ປາ ແທ້ແລ້ວ   ຍາມບຸນໂຮຮໍ່າຮ້ອງ ສຽງດັງສົ່ງໄປໄກ ມີອັນໃດກໍກິນ ນັ່ງນອນໄປຕາມພື້ນ ຢືນຂາດຽວທົນໄດ້ ໄປນອນຄືນຫາຍຫ່ວງ ພາກັນນອນຊ່ວງແລ້ວ ​ດັງ​ໄຟຕົ້ມໄກ່ກິນ ເຈົ້າເອີ້ຍ   ຝົນຕົກ​ມາ​ອັ່ງ​ຖ້ວມ ​ກົບ​ຂຽດ​ສົ່ງ​ສຽງ​ດັງ ງົວ​ຄວາຍ​ທັງ​ໝູ​ໝາ ແລ່ນ​ຊອກ​ຫາ​ທາງ​ຊົ້ນ ປູ​ປາ​ຊົນ​ຊູ​ຊ້ອງ ຕາມ​ຄອງ​ເໝືອງ​ເປັນ​ໝູ່ ຄົນ​ຮັກ​ຊູຢູ່​ຂ້າງ ເຊີນ​ຝົນ​ຟ້າ​ລັ່ງ​ລົງ ເຈົ້າ​ເອີ້ຍ   ​ໝົດ​ຍາມເປັນ​ບ່າວ​ນ້ອຍ ເຫດ​ການ​ໃໝ່​ຕາມ​ມາ ຄາ​ວຽກ​ງານ​ຄືນ​ວັນ ນັ່ງ​ນອນ​ເວ​ລາ​ໜ້ອຍ ຄົນ​ອອຍ​ໃຈ​ໄກ​ຂ້າງ ມອງ​ທາງ​ໃດ​ແປນ​ເປົ່າ ວັນ​ເດືອນ​ປີ​ຜ່ານ​ເຂົ້າ ສັງ​ຂານ​ກ້າວ​ປ່​ຽນ​ໄປ ແທ້ແລ້ວ   ຄິດ​ວ່າ​ເປັນ​ໃຫຍ່​ແລ້ວ ຈະ​ກັບ​ຕ່າວ​ເມືອງນອນ ກັບຄືນຄອນຄັງເດີມ…

ໂອ້ ແມ່​ຍິງ​ລາວ ວັດ​ທະ​ນະ​ທຳ​ລາວ

 ໂອ້ ແມ່​ຍິງ​ລາວ ວັດ​ທະ​ນະ​ທຳ​ລາວ Laotische (Lao Loum) Frauen in traditioneller Kleidung.   ງາມຍິງລາວແຕ່ງເອ້ ປະດັບເຄື່ອງໃໝລາວ ຮີດຄອງຍາວນານມາ ຕັ່ງແຕ່ເດີມດາເຄົ້າ ຜົມຄຽນຫົວນາງເກົ້າ ສາຍ​ສ້ອຍ​​ຄໍາ​ຄຽນໃສ່ ມາໄລຈໍາປາສັບຕື່ມເອ້ ຄົງ​ງາມ​ເກ້​ເກິ່ງ​ລາວ ແທ້ນ່າ ງາມນາງຍົກຍ່າງຍ້າຍ ເກີບສຸບໃສ່ສີທອງ ສອງມືຈັບຖືຂັນ ບ່າໄຫລ່ປົກແພຕຸ້ມ ຄຸມກາຍແຜໃໝສິ້ນ ຕີນເສີມລາຍຫລຽບຄ່ອງ ແສງສີໃສສ່ອງເຫລື້ອມ ມອງເຫັນແລ້ວຊື່ນໃຈ ລາວເອີ້ຍ ອັນ​ໃດ​ດີ​ຜ່ານ​ພົ້ນ ຂໍ​ສືບ​ຕໍ່​ກັນ​ໄປ ໃນ​ສັງ​ຄົມ​ລາວ​ເຮົາ ຊ່ວຍ​ປະ​ດັບ​ປະ​ດາ​ເອ້ ປະ​ເພ​ນີ​ລາວ​ກ້າວ ຈິດ​ໃຈ​ລາວ​ເຣືອງ​ຮຸ່ງ ຍິງ​ລາວ​ປຸງ​ຊ່ວຍ​ແຕ້ມ ສີ​ສັນ​ໃຫ້​ຄ່ອງ​ຄື ແດ່​ທ້ອນ ງາມນອກ​ໃນ​ຕໍ່​ຕັ້ງ ພະ​ລັງ​ຮ່ວມ​ແຮງ​ໃຈ ໄມ​ຕີ​ຈິດຮວມ​ມິດ ຊື່​ລາວ​ເຄີຍດັງ​ກ້ອງ ຄົນ​ທາງ​ໄກ​ເຄີຍ​ຍ້ອງ ອາ​ພອນ​ລາວ​ເຂົາ​ຮົ່ມ ຍິງ​ລາວ​ສົມ​ແມ່ແກ້ວ ມີ​ຄຸນ​ລ້ຳ​ຄ່າ​ສູງ ແທ້​ແລວ @ວິມາດອກບົວແກ້ວ ຮູບ ສິນ​ລະ​ປະ​ຫັດ​ຖະ​ກຳ​ລາວ 1997 ຕະ​ຫລາດ​ເຊົ້າ​ວຽງ​ຈັນ ງາມ​ປາ​ນີດ​ດີ ຊົມ​ເຊີຍ ສີ​ມື​ຄົນ​ລາວ​ເຮົາ.

ທໍາບຸນ ໄດ້ບຸນ ຄົງເປັນໄປຕາມກົດແຫ່ງກໍາ.

ທໍາບຸນ ໄດ້ບຸນ ຄົງເປັນໄປຕາມກົດແຫ່ງກໍາ.   ເຈົ້າຜູ້ເນົາລຸ່ມຟ້າ ໂລກາແຫ່ງເມືອງຄົນ ວົນວຽນໄປຕາມກໍາ ຜ່ານວັນເວລາຫຍ້າຍ ບາງຄົນ ຫລຽວເຫັນປາຍລືມເຫງົ້າ ລືມທາງເດີນເຄີຍຜ່ານ ສິນທໍາມີບໍ່ຢ້ານ ກໍາສິຕ້ອງບໍ່ກົວ ແທ້ນ່າ ເວນຫລືກໍາຈ່ອງໜ້າວ ໄປຕາມແຫ່ງຜົນກໍາ ຄຸນພະທໍາພະສົງ ເລື່ອມງໍາຜົນບຸນສ້າງ ເດີນຕາມທາງດີໄວ້ ບຸນກຸສົນຄົງຊ່ວຍ ໂຊກລາບຕາມຕໍ່ດ້ວຍ ໂພຍໄພຮ້າຍຫ່າງໜີ ແທ້ແລ້ວ ແນວນາມມານໝູ່ຮ້າຍ ຫລັກຫລອບເພິ່ນຂອງເຂົາ ເຖິງຈະເນົາວຽງວັງ ຕື່ມມານມົນທິນເຂົ້າ ຫວັງຫາເອົາຕົວະຕົ້ມ ບັງຕາຄົນຊຸກເຊື່ອງ ຜົນກໍາຫາກຕໍ່ເຕື້ອງ ປິດບັງໄວ້ບໍ່ເປັນ ດອກນ່າ ຄວາມຫວັງມີຕໍ່ຕັ້ງ ທຸກຄົນຝັ່ນໃຈປອງ ເຮັດໄປຕາມຄອງທໍາ ປ່ອຍປະການທໍາຮ້າຍ ກາຍເປັນຄົນດີໄດ້ ໄລລືມກໍາທໍາຊົ່ວ ຊີວິດຄົງບໍ່ມົ້ວ ສູນເສັຍເສົ້າໝົ່ນໝອງ ແທ້ແລ້ວ @ວິມາດອກບົວແກ້ວ

ມື້ທໍາອິດຂອງປີໃຫມ່

01ມື້ທໍາອິດຂອງປີໃຫມ່   ຫຍັບເຄື່ອນຫຍ້າຍ ຫລັບເຫລື່ອນຈະຫາຍໄປ ດວງຕາເວັນໄລລາລັບ ປະປ່ອຍແສງສີທອງໄວ້ ໃນເວຫາເດືອນຂຶ້ນ ປະກາຍສີໃສສ່ອງ ຫາກວ່າ ແສງເດືອນສ່ອງບໍ່ແຈ້ງ ດາວເຕັມຟ້າຊ່ວຍແຍງ ແດ່ທ້ອນ Der erste Tag des Jahres, heute war er schön und Morgen wird er es auch sein. @ວິມາດອກບົວແກ້ວ

ອວຍພອນເຂົ້າປີໃໝ່ສາກົນ ປີ 2021 – Guten Rutsch ins neue Jahr.

Guten Rutsch ins neue Jahr.   ອວຍພອນເຂົ້າປີໃໝ່ສາກົນ ປີ 2021 ປີໃໝ່ ຂໍໃຫ້ໝົດທຸກຄົນທຸກທ່ານ ຈົ່ງໂຊກດີມີໄຊ ສຸກສົມຫວັງ ສຸກສົມໃຈ ດັ່ງໝາຍປອງ ດ້ວຍເຖີ້ນ. ຄົນເຮົາຈະໃຫຍ່ນ້ອຍ ຄວາມຫວັງຕ່າງກັນໄປ ໃຜກໍຢາກພານພົບ ສິ່ງຄາດຝັນໝາຍໄວ້ ບາງຄົນຕົກທຸກໄຮ້ ໝົດປີໄປປີຕໍ່ ຫາພໍມີແຕ່ໄດ້ ອົດທົນສູ້ບໍ່ຖອຍ ແທ້ແລ້ວ ບາງຄົນໂຊກໃຫຍ່ລໍ້າ ສົມບູນດັ່ງໃຈຫວັງ ມີມູນມັງສືບກັນ ຢູ່ສະບາຍຫາຍຮ້ອນ ບາງຄົນສັນຈອນຍ້າຍ ຈໍາໃຈໄປໄກຫ່າງ ບາງຄົນຮັກຫ່າງຊູ້ ນອນດຽວເສົ້າເປົ່າດາຍ ແທ້ນ່າ ຫລາຍຄົນ ມີຄວາມຝັນເປົ່າຫວ້າງ ໂຊກໄຊຫ່າງກາຍໜີ ເໝືອນມີເວນມີກໍາ ຈ່ອງນໍາທາວດຶງໄວ້ ທໍາບຸນສິນຫວັງໄດ້ ຫລຸດໂພຍໄພທຸກຢ່າງ ໄປຕາມທາງບໍ່ຢັ້ງ ບຸກບືນສູ້ບໍ່ຍອມ ແທ້ແລ້ວ ປີໃໝ່ສາກົນ 2021 ທຸກຄົນເຮົາໃຫຍ່ນ້ອຍ ຂໍຈົ່ງພົບຄວາມຫວັງ ແດ່ເຖີ້ນ ຄວາມຝັນຍັງລໍຄອຍ ຈົ່ງເກີດມີຈິງໄດ້ ຄວາມທຸກໃຈອຸກເອົ້າ ໂພຍໄພໜີເຫີນຫ່າງ ເດີນທາງໃດຈົ່ງໄດ້ ໄປເຖິງເປົ້າທີ່ໝາຍ…

Merry Christma 2020

Merry Christmas – 24. Dec. ວັນເກີດພະເຢຊູ. ທີ່ຊາວສີ່ ຂ້ອນແຈ້ງ ແສງຮຸ່ງເທິງເວຫາ ເຢຊູເກີດໃນຄັງ ຢູ່ຫ່າງເມືອງໄກບ້ານ ມາຣີອາໂຢເຊັບນ້ອມ ທັງສັດສາວາສິ່ງ ພາກັນຊູຕ່ອມຕຸ້ມ ເຢຊູນ້ອຍຮົ່ມເຟືອງ ວັນເກີດເຢຊູເຈົ້າ ປວງຊົນຊື່ນທໍາບຸນ ແມຣີຄະຣິດສະມັສ ສົ່ງຂ່າວກັນສັນສ້າງ ໄກຄົນທາງຝາກຟ້າ ໄກຕາໃຈບໍ່ຫ່າງ ຂໍສົ່ງພອນພໍ່າດ້ວຍ ມະໂນແມ້ງຮ່ວມດອມ ແທ້ແລ້ວ ບກ@ວິມາ.ລາວ ໄມ້ຂັວດປີ 1995 ບ່ອນປະສູດເຢຊູ ແບບລາວ & Baiosphere – Holzschnitt die Krippe laotischer Art.

ໂອ້ ຫິມະຝອຍນ້ອຍໆ ທະຍອຍລັ່ງກັນລົງມາ

ໂອ້ ຫິມະຝອຍນ້ອຍໆ ທະຍອຍລັ່ງກັນລົງມາ ຈາກເວຫາແດນໄກ ເລື່ອນລອຍຕົກມາພື້ນ ຫວນຄືນທາງເດີນຜ້າຍ ກາຍເວຫາສຸດໄກຍິ່ງ ພາກັນຫລິງເລັ່ງຍ້າຍ ລົງເມືອງໄຕ້ຖິ່ນຄົນ ເຈົ້າເອີ້ຍ ເຖິງຈະໜາວລື່ນຫລົ້ນ ເກີນກວ່າທໍາມະດາ ຫິມະຝອຍຂາວງາມ ສົ່ງສີແສງໃສແຈ້ງ ແປງໃຈຄົນທົນສູ້ ຊູກາຍໃຈແຂງແກ່ນ ເປັນສາຍແມນກັນທ່ຽງແທ້ ແສນໄກລໍ້າກໍດົ່ງຫາ ເຈົ້າເອີ້ຍ @ວິມາດອກບົວແກ້ວ  

Vimalao

ຍິນດີຕ້ອນຮັບ ທຸກທ່ານ ທີ່​ເຂົ້າ​ມາ​ອ່ານ​ໃນ ​ວິ​ມາ​ລາວ VIMALAO ​ນີ້. ວິມາລາວ ມີຈຸດປະສົງ ໂດຍອີງຕາມ​ຄວາມ​ສາ​ມາດ ​ແລະ ​ການ​ເວ​ລາ ຢາກນຳ​ເອົາ​ຂ່າວ​ຕ່າງ​ໆ ເປັນ​ຕົ້ນ​ແມ່ນ ຂ່າວ​ທາງ​ດ້ານ​ການ​ເມືອງ ​ທາງ​ດ້ານ​ເສດ​ຖະ​ກິດ ສັງ​ຄົມ ແລະ ເຕັກ​ໂນ​ໂລ​ຢີ ທີ່​ພົ້ນ​ເດັ່ນ​ຂຶ້ນໃນ​ໂລກ ມາ​ວິ​ໃຈ​ເວົ້າ​ສູ່​ທ່ານ​ຜູ້​ອ່ານ​ໄດ້​ຮູ້​ນຳ ເພື່ອ​ເປັນ​ການ​ຄົ້ນ​ຄິດ​ແຫລກ​ປ່ຽນ​ຄວາມ​ຄິດ​ຄວາມ​ເຫັນ​ຊຶ່ງ​ກັນ​ແລະ​ກັນ ເພາະຄິດວ່າ ທ່ານຜູ້ອ່ານ ຄົງໄດ້ຕິດຕາມຂ່າວເດັ່ນອື່ນໆ ໃນສື່ມວນຊົນທົ່ວໄປເຊັ່ນກັນ. ແນ່ນອນ ໃນ​ແຕ່​ລະ​ມື້​ ມັນ​ເກີດ​ມີ​ຂ່າວ​ຕ່າງໆ​ໃນ​ສື່​ອອນ​ລາຍ ​ເປັນ​ຈຳ​ນວນ​ຫລວງ​ຫລາຍ ໃນ​ຫລາຍ​ພາ​ສາ ແຕ່​ສິ່ງ​ສຳ​ຄັນອັນ​ຕົ້ນ​ຕໍ ​ແມ່ນການ​ຄັດ​ຈ້ອນ​ຊອກ​ຫາ​ແຫລ່ງ​ຂ່າວ​ທີ່​ຫນ້າ​ເຊື່ອ​ຖື​ໄດ້. ໃນທີ່ນີ້ ວິມາລາວ ຈະນຳເອົາຂ່າວ​ມາ​ແປເປັນພາສາລາວ ຄົ້ນ​ຄິດ​ມີ​ຄວາມ​ເຫັນ ຂຽນ​ອອກໃຫ້​ຜູ້​ອ່ານ​ໄດ້​ເຂົ້າ​ໃຈ ແລະ ຄົ້ນ​ຄິດ​ນຳ ຕາມ​ເຫດ​ແລະ​ຜົນ ເພື່ອ​ຫລີກ​ລ້ຽງ​ຄວາມ​ເຂົ້າ​ໃຈ​ຜິດ​ທີ່​ຈະນໍາໄປສູ່ການ​ວິ​ຈານ​ຖົກ​ຖຽງ​ກັນ​ໄປ​ໃນ​ທາງ​ບໍ່​ຖືກ​ຕ້ອງ. ບາງບົດ ວິມາລາວ ກໍຈະຂຽນຂຶ້ນເອງ ເປັນຂ່າວ ແລະ ຄວາມຮູ້ຕ່າງໆ ແລະ ກາບກອນ ບົດເລື້ອງ ສັ້ນ ບົດຮຽນຈາກວຽກງານໂຄງການ ແລະ ອື່ນໆ. ນອກຈາກນັ້ນ…

JobsDashboard

(ກ່ອນຈະເຂົ້ານໍາໃຊ້ລະບົບໄດ້ ທ່ານຕ້ອງໄດ້ ກົດເຂົ້າສູ່ລະບົບ ຫລື ກົດເຂົ້າເປັນສະມາຊິກ ໃນລະບົບກ່ອນ: registration or login) ໃນທີ່ນີ້ ທ່ານ ຊຶ່ງແມ່ນ ເຈົ້າຂອງວຽກ ຫລື ບໍລິສັດ ຖຸລະກິດຕ່າງໆ ສາມາດ ປ່ຽນແປງ ດັດແກ້ ຂໍ້ມູນຂອງທ່ານ ໄດ້ໂດຍຕົນເອງ ໃນທຸກເວລາ ພາຍຫລັງທີ່ທ່ານໄດ້ກົດເຂົ້າລະບົບແລ້ວ.

Registration

ຖ້າທ່ານເປັນສະມາຊິກແລ້ວ ກໍສາມາດ ກົດເຂົ້າລະບົບໄດ້ເລີຍ: ຖ້າທ່ານ ບໍ່ທັນໄດ້ກົດເຂົ້າເປັນສະມາຊິກ ທ່ານສາມາດ ກົດເຂົ້າສ້າງຂໍ້ມູນ ເປັນສະມາຊິກ ໃນລະບົບໄດ້ລຸ່ມນັ້ນ. ການເຂົ້າເປັນສະມາຊິກ ບໍ່ມີຂໍ້ຜູກມັດ ແລະບໍ່ໄດ້ເສັຍຄ່າໃດໆທັງຫມົດ ແຕ່ຈະເປັນຜົນດີໃຫ້ແກ່ທ່ານ ທີ່ຈະສາມາດ ນໍາໃຊ້ລະບົບ ເປັນຜົນປະໂຫຍດ ໃຫ້ແກ່ທ່ານ ຫລື ບໍລິສັດ ຫລື ຖຸລະກິດ ຂອງທ່ານເອງ.(ຂໍ້ມູນທັງຫມົດ ຈະຖືກນໍາໃຊ້ ຢູ່ແຕ່ໃນລະບົບນີ້ເອງ ແລະຈະບໍ່ຖືກນໍາໃຊ້ໄປບ່ອນອື່ນ ເດັດຂາດ.)

SubmitJobs

ສາງຂໍ້ມູນ ສະເຫນີຮັບຄົນງານ ຊຶ່ງແມ່ນ ເຈົ້າຂອງວຽກ ຫລື ບໍລິສັດ ຖຸລະກິດຕ່າງໆ (ກ່ອນຈະເຂົ້ານໍາໃຊ້ລະບົບໄດ້ ທ່ານຕ້ອງໄດ້ ກົດເຂົ້າສູ່ລະບົບ ຫລື ກົດເຂົ້າເປັນສະມາຊິກ ໃນລະບົບກ່ອນ: registration or login) ຂໍສະແດງຄວາມ ຊົມເຊີຍ ທີ່ທ່ານເຂົ້າມານໍາໃຊ້ ລະບົບຂອງພວກເຮົາ ທີ່ຈະສ້າງຜົນປະໂຫຍດ ໃຫ້ແກ່ວຽກງານຖຸລະກິດຂອງທ່ານ ທີ່ຈະເປັນປະໂຫຍດໃຫ້ແກ່ ຊາວຜູ້ອອກແຮງງານ ທີ່ີຄວາມສາມາດ ແລະຊອກຫາວຽກເຮັດງານທໍາ. ຖ້າທ່ານມີ ຂໍ້ຂ້ອງໃຈ ຫລື ຢາກພົວພັນກັບ ທີມງານຂອງພວກເຮົາ ພວກເຮົາມີຄວາມຍິນດີ ເຊີນທ່ານຕິດຕໍ່ກັບພວກເຮົາໄດ້ ຕາມຂໍ້ມູນທີມງານຂອງພວກເຮົາຕາມທີ່ບົ່ງໄວ້ນັ້ນ. (ກ່ອນຈະເຂົ້ານໍາໃຊ້ລະບົບໄດ້ ທ່ານຕ້ອງໄດ້ ກົດເຂົ້າສູ່ລະບົບ ຫລື ກົດເຂົ້າເປັນສະມາຊິກ ໃນລະບົບກ່ອນ. registration or login) ພາຍຫລັງທີ່ທ່ານປ້ອນຂໍ້ມູນແລ້ວ ທ່ານສາມາດ ກົດປຸ່ມ preview ແລ້ວຟອມຂໍ້ມູນ ຂອງທ່ານກໍຈະສະຖືກແດງອອກ ແລ້ວທ່ານສາມາດ ດັດແກ້ ດ້ວຍການກົດປຸ່ມ edit ຫລື ດ້ວຍການກົດປຸ່ມ submitoblisting…