ສານລຶບບໍ່ສູນ ພໍ່ເຖິງລູກ.

ປີນຈ່ອງຂຶ້ນ ຕົນເພິ່ງແຮງຕົນ

ປະວາງມື ພຸ່ງລົງຕົກພື້ນ

ຕາຍເສັຍຖິ້ມ ໃຜເດ້ຈະຊ່ວຍ

ເຈົ້າເພິ່ງເຈົ້າ ເປັນເຈົ້າຈຶ່ງຍືນ ແທ້ແລ້ວ

ຍິ່ງທຸກ ເຂົາຍິ່ງຊໍ້າ ປັດເປົ່າຕາມລົມ

ຫາທາງຕົວະ ໄຫລ່ໜີທາງອ້ອມ

ກັມຫຍັງສ້າງ ເວນຫຍັງມາຈ່ອງ

ຊໍ້າຍິ່ງຊໍ້າ ຫາຊົ້ນທີ່ໃດ ເດ້ນໍ

ລູກເອີ້ຍ ໃຈຢ່າຖໍ້ ແຂງຕໍ່ການຮຽນ

ຫາວິຊາ ເກັ່ງໂຕເຕັມໄວ້

ຮຽນດີໄດ້ ສິນໄຊພໍ່ແມ່

ມື້ນຶ່ງ ພວກໝູ່ເຈົ້າ ສອນກ້າເກັ່ງຄັນ ແທ້ແລ້ວ

ຍາມເມື່ອ ລູກເກັ່ງແລ້ວ ມີໃຜ່ຕາມຕິດ

ພາກັນຄຶດ ທ່ຽງທໍາແຂງໄວ້

ພາຄົນກ້າ ເຈາະຫີນໄຫໃຫຍ່

ຄິດເຖິງ ພໍ່ມິ່ງເຈົ້າ ຈາໄວ້ສັ່ງຄວາມ ນັ້ນແລ້ວ

ຄົນນໍຄົນ ເລືອກບໍ່ໄດ້ ເກີດອື່ນຫົນໃດ

ຄົນຫລາຍຄົນ ຕ່າງກັນເຫລືອລໍ້າ

ກັມຫຍັງສ້າງ ເຂົາມາຂົ່ມຂູ່

ມານໝູ່ນີ້ ໃຜແກ້ງສົ່ງມາ ເດ້ນໍ

ລູກເອີ້ຍ ໃນລຸ່ມຟ້າ ມວນໝູ່ຍັງມີ

ຄົນຫວັງດີ ພໍ່ຄຸນຮຽມເຈົ້າ

ສາຍໃຍແໜ້ນ ຫາທາງຊູຊ່ວຍ

ໃຫ້ລູກ ປີນໄຕ່ຂຶ້ນ ເຖິງເທົ້າທີ່ໝາຍ ລູກເອີ້ຍ

ຫາກເຈົ້າ ເປັນໃຫຍ່ແລ້ວ ປຸກກໍ່ເຮືອນຊານ

ເອົາວົງວານ ຊ່ວຍກັນແປງຮົ້ວ

ມີຫລາຍໄມ້ ແຂງລໍາດຶງໃສ່

ແມ່ ມອນ ມິ່ງໄມ້ ສິນ ພ້ອມພໍ່າກັນ ແດ່ເນີ້

ເພັດຢູ່ນໍ້າ ຕົກເຮັ່ຍໃນຕົມ

ຍັງມີວັນ ພຸ່ງແສງໃສແຈ້ງ

ແສງສີເຈົ້າ ມີວັນເຮືອງຮຸ່ງ

ຂຶ້ນນໍາ ພວກໝູ່ເຈົ້າ ເປັນເຈົ້າຮ່ວມກັນ ແທ້ແລ້ວ

ພໍ່ເຈົ້າ ປະປ່ອຍໄວ ສານສື່ທົງສິນ

ຝັງໃນຈິດ ບົ່ງໄຂຂຽນໄວ້

ລຶບບໍ່ສິ້ນ ສານສິນຂອງພໍ່

ຈໍາຈື່ໄວ້ ສານໃຫ້ລຶບບໍ່ສູນ ແດ່ເນີ້

@ວິມາດອກບົວແກ້ວ