ໜາວແຕ່ກາຍ ຕ້ອງທໍາໃຈໃຫ້ອົບອຸ່ນ.

ບາງມື້ ມືດຊຸ່ມຊົ້ວ ມົວທົ່ວໄປໝົດ

ຫລຽວທາງໃດ ບໍ່ມີແສງພົ້ນ

ກາງເວັນສັ້ນ ລົງແລງມືດງ່າຍ

ໄຄແຕ່ ກັບສູ່ບ້ານ ຫາຕຸ້ມຫົ່ມຄີງ ເຈົ້າເອີ້ຍ

ວັນຕ່າງມື້ ລະດູຕ່າງເວລາ

ແສງສີສັນ ຕ່າງກັນປານຟ້າ

ກົກໄມ້ ຢືນລຽງຕົ້ນ ຊອນແຊມເຫັນຮ່າງ

ໃບຫລົ່ນຖິ້ມ ປົກພື້ນຮ່ວມຕົມ ແທ້ແລ້ວ

ຍາມໜາວ ປັບປ່ຽນຮ້ອນ ເຢັນໃສ່ທາງກາຍ

ພາຄົນ ຈໍາເປັນປັບ ປ່ຽນໄປຕາມຕ້ອງ

ແພຜືນຜ້າ ນໍາມາສວບໃສ່

ກັນຊ່ວຍໃຫ້ ກາຍເນື້ອອຸ່ນໃຈ ເຈົ້າເອີ້ຍ

@ວິມາດອກບົວແກ້ວ