ສຸກສັນວັນບຸນ ໂອດສະເຕີ້ນ frohe Ostern – Happy Easter. ຕົງກັບໄລຍະບຸນປີໃຫມ່ລາວ- ປະເພນີສາກົນແບບຄອບຄົວ.
Autor: vimalao (page 3)
ສົ່ງພອນປີໃຫມ່
ປີໃຫມ່ລາວ ຫລຸລ່ວງເຂົ້າ ສັງກາດໃຫມ່ວຽນມາ ການເວລາຫມູນໄປ ໄຫລ່ລືມວັນເດືອນກ້າວ ເຖິງຄາວມາໂຮມເຕົ້າ ສະຫລອງວັນປີໃຫມ່ ຂໍອວຍພອນສົ່ງໃຫ້ ມາເຖິງເຈົ້າທ່ານທຸກຄົນ ເຈົ້າເອີ້ຍ ຂໍໃຫ້ ຄວາມທຸກອຸກອັ່ງເເຄ້ນ ຫາຍຂາດເສື່ອມສູນໄປ ໂພຍໄພຄວາມເຈັບເປັນ ຈົ່ງ ລ່ອງໄຫລໄປຕາມນໍ້າ ການກະທໍາຜິດຕ້ອງ ອະໄພກັນປັບປ່ຽນ ຍົກທູບທຽນຂາບໄຫວ້ ບູຊາໄທ້ພໍ່ແມ່ຕົນ ເຈົ້າເອີ້ຍ ຂໍອວຍພອນສົ່ງໃຫ້ ໄປທົ່ວໂລກໂລກາ ຄົນລາວ ປາດຖະຫນາແນວໃດ ຈົ່ງ ຊື່ນຊົມສົມໃຈແມ້ງ ແຂງແຮງດີຍືນຫມັ້ນ ພັນວັດສາໃສສ່ອງ ເງິນທອງໄຫລລັ່ງເຂົ້າ ຈິດໃຈເຫລື້ອມຜ່ອງໃສ ປີໃຫມ່ ຮັກແພງກັນແກ່ນໄວ້ ສືບຕໍ່ທໍາຄວາມດີ ມີຫລາຍເຊີນຍໍຍົກ ແບ່ງປັນທໍາທານໃຫ້ ຫລິງແລໄປທາງຫນ້າ ສັດທາມີບຸນສົ່ງ ຈຸດປະສົງຮ່ວມເຕົ້າ ລາວເຮົາກ້າວຮ່ວມກັນ ພີ້ນ້ອງເອີ້ຍ @ວິມາດອກບົວແກ້ວ
ຂໍເຊີນຊວນ ເຂົ້າຊົມເຂົ້າຟັງ ບົດເພັງໃຫມ່ ລົດໄຟລາວ-ຈີນກ້າວໄກ.
ຂໍເຊີນຊວນ ເຂົ້າຊົມເຂົ້າຟັງ ບົດເພັງໃຫມ່ ລົດໄຟລາວ-ຈີນກ້າວໄກ. ເນື່ອງໃນໂອກາດ ບຸນປີໃຫມ່ລາວເຮົາ ຈະມາເຖິງນີ້ ພວກຂ້າພະເຈົ້າ ຜູ້ແຕ່ງ ຜູ້ລຽບລຽງ-ທໍານອງ ຜູ້ຮ້ອງ ແລະ ຫ້ອງອັດເພັງທີ່ວຽງຈັນ ມີຄວາມພູມໃຈ ຂໍຝາກບົດເພັງນີ້ ເປັນຂອງຂັວນປີໃຫມ່ລາວ ປະກອບໃສ່ ຄວາມອວຍພອນອັນປະເສີດ ໃຫ້ແກ່ ຫມູ່ເພື່ອນ ຍາດມິດພົງພັນ ໃນລາວ ແລະ ນອກປະເທດ, ໂດຍສະເພາະ ໃຫ້ແກ່ການນໍາພັກລັດ (ມີລົດໄຟລາວຈີນ ຈຶ່ງມີເພັງນີ້ເກີດຂຶ້ນມາໄດ້ – ລົດໄຟລາວຈີນ ປະຫວັດສາດອັນຍິ່ງໃຫຍ່ ຂອງຊາດ ແລະ ປະຊາຊົນລາວ, ປູພື້ນຖານໃຫ້ແກ່ການຂະຫຍາຍຕົວ ທາງດ້ານເສດຖະກິດ, ອໍານວຍຄວາມສະດວກໃຫ້ແກ່ການຂົນສົ່ງ ແລະ ການເຊື່ອມຕໍ່ຊາດ ອອກສູ່ສາກົນ) ຈົ່ງມີ ສຸຂະພາບແຂງແຮງ ສົມບູນພູນສຸກ ພ້ອມກັນກ້າວໄປ ປະສົບຜົນສໍາເຫລັດ ອັນໃຫມ່ຍິ່ງໃຫຍ່ ດ້ວຍໄຊຊະນະໃຫມ່ ເພື່ອຄວາມອຸດົມຮັ່ງມີ ແລະ ສີວິໄລ ຂອງປະຊາຊົນລາວ ແລະ ຂອງຊາດ ສືບຕໍ່ໄປ. ພ້ອມດຽວກັນນີ້ຂໍເຊີນຊວນ…
ຮັກຫ່າງຈາກແດນໃກ ປີໃຫມ່ວຽນມາ
ຮັກຫ່າງຈາກແດນໃກ ປີໃຫມ່ວຽນມາ ຂໍສົ່ງຄວາມອວຍພອນຫາ ເອື້ອຍອ້າຍນ້ອງ ຍາດມິດ ທັງວົງວານ… ປີໃຫມ່ ຫຍັບມາໃກ້ ໃຈຍີ່ງຫ່ວງຄະນີງຫາ ການເວລາຫມູນໄປ ໄຫລ່ລືມວັນເດືອນກ້າວ ຄິດຖິງຄາວຢູ່ຄຽງໃກ້ ເຄີຍໄປມາຫາຊູ່ ຫມູ່ຄູ່ພ້ອມພີ່ນ້ອງ ສະບາຍບ້າງຢູ່ບໍນໍ ຂໍສົ່ງພອນມາໃຫ້ ເປັນປັດໃຈອັນລໍ້າຄ່າ ປາດຖະຫນາໃຫ້ໄດ້ ສົມແມ້ງດັ່ງກະໃຈ ໂຣກໄພຢ່າມາໃກ້ ມະໂນໃນໃຫ້ແຂງແກ່ນ ຮັກແພງກັນຮັດແຫນ້ນ ຈົນເທົ່າຊົ່ວຊີວາ ຫລາຍເກາະດອນຂວາງກັ້ນ ແຍກເຮົາຫ່າງໃກກັນ ມີມົນຢາກເສກສັນ ຕໍ່ດິນໂຮມດອນເຂົ້າ ພັບຕາດຽວບິນເຖິງເຈົ້າ ວົງວານບ້ານແມ່ພໍ່ ໃຫ້ໄດ້ມາພົບພໍ້ ດອມເຈົ້າດັ່ງປະສົງ ແດ່ທ້ອນ ຂໍວິ່ງວອນເຖິງເຈົ້າ ຜູ້ເນົາຢູ່ດາວະດິງ ສິ່ງສັກສິດທັງຫລາຍ ໃຫ້ເຮື່ອງມາໂຮມເຕົ້າ ເຝົ້າຮັກສາຊ່ວຍໃຫ້ ວົງວານທັງຫມູ່ຄູ່ ປີໃຫມ່ຈົ່ງຊ່ວຍຍູ້ ສຸກລໍ້າຈົ່ງເກີດມີ ແດ່ທຸກຄົນເຖີ້ນ! ບ@ວິມາ.ລາວ
ຊວນຄິດ: ເວລາເປັນເງິນເປັນຄໍາແທ້ບໍ?
ຊວນຄິດ: ເວລາເປັນເງິນເປັນຄໍາແທ້ບໍ? ໃນການດໍາລົງຊີວິດຫາລ້ຽງຊີບຂອງຄົນເຮົາ ໃນການເຮັດວຽກເຮັດງານ ວິ້ງເຕັ້ນຊື້ ຂາຍເຮັດຖຸລະກິດ ຄົນສ່ວນຫລວງຫລາຍ ຈະຟ້າວຝັ່ງຂ້ຽວຂອດ ແລະ ມັກຈະເວົ້າກັນເລີຍໆວ່າ: “ເວລາເປັນເງິນເປັນຄໍາ“ ຫລື “ເວລາຄືເງິນຄືຄໍາ“. ຄວາມເວົ້າດັ່ງກ່າວ ຖືກຕ້ອງແທ້ບໍ? ຖ້າຍັງມີຄົນເຂົ້າໃຈແບບນີ້ຢູ່ຕະຫລອດໄປ ຢາກຂໍຝາກແນວຄິດຄວາມເຫັນ ໂດຍອີງໃສ່ຄວາມເຫັນ ຂອງຫລາຍໆຄົນຜູ້ໄດ້ຄົ້ນຄິດ ມາແລ້ວຕໍ່ບັນຫາດັ່ງກ່າວ ແລະ ໄດ້ປັບປ່ຽນໂຕເອງ ຍ້ອນຮູ້ໄດ້ເຖິງຄຸນຄ່າອັນແທ້ຈິງຂອງຊີວິດ ທີ່ຕິດພັນກັບ “ເວລາຂອງຊີວິດ“ ຄືຖ້າມັນຜ່ານໄປແລ້ວ ຈະບໍ່ກັບຄືນມາອີກ. ຫາກເຫັນວ່າ “ເວລາເປັນເງິນເປັນຄໍາ“ ແມ່ນບໍ່ຖືກຕ້ອງເສັຍແລ້ວ. ຖ້າເຫັນແຕ່ດັ່ງນີ້ໄປ ອາດຈະພາໃຫ້ຕົນເອງເປັນທຸກໄດ້. ເງິນຄໍາຫລືຊັບສິນ ຖ້າຫມົດໄປແລ້ວ ຍັງສາມາດຫາໃຫມ່ໄດ້ ແຕ່ ເວລາແຫ່ງຊີວິດຂອງຄົນເຮົາ ແຕ່ລະວິນາທີ ຫາກຜ່ານໄປ ແມ່ນຫມົດໄປ ລື້ມຄືນໃຫມ່ ຫລື ຫາໃຫມ່ບໍ່ໄດ້, ມັນຕ່າງຈາກການຫາເງິນ. ດັ່ງນັ້ນ ຈຶ່ງເວົ້າໄດ້ວ່າ ເວລາມີຄຸນຄ່າຕ່າງຈາກເງິນ ແຕ່ຄົນສ່ວນຫລາຍ ມັກເຂົ້າໃຈວ່າ ເສັຍເວລາແມ່ນເສັຍເງິນ ແຕ່ໃນຕົວຈິງແມ່ນເສັຍເວລາຊີວິດຂອງຕົນເອງ ທີ່ມີຢູ່ນັ້ນ ນັບມື້ນັບສັ້ນໄປເທົ່ານັ້ນ. ດັ່ງນັ້ນ ຄວນໃຊ້ເວລາຊີວິດຂອງຕົນເອງ…
ລົດໄຟລາວ-ຈີນ ກ້າວໄກ
ລົດໄຟລາວ-ຈີນ ກ້າວໄກ ວຽງຈັນຂຸນໝິງ ນັ້ນໄກກັນ ຢູ່ສຸດຂອບຟ້າ ກ່ອນໄດ້ໄປມາ ໃຊ້ທາງລົດ ເວລາຊ້ານານ ດຽວນີ້ລາວມີ ທາງລົດໄຟ ໄວສູງເດີນຜ່ານ ລາວ-ຈີນໝຸ້ງໝັ້ນ ຮ່ວມກັນສ້າງ ດ້ວຍຄວາມຈິງໃຈ ລົດໄຟລາວ-ຈີນ ຜ່ານດິນແດນ ເຂດແຂ້ວນຂອງລາວ ລາວທຸກຊົນເຜົ່າ ຊາວຕ່າງດ້າວ ເຂົ້າມາຊົມໃຊ້ ຂົນສົ່ງໂດຍສານ ທັງສິນຄ້າ ເຄື່ອງຂອງວ່ອງໄວ ເຊື່ອມຊາດໄກ້ໄກ ໃນອາຊຽນ ໄດ້ຢ່າງຂາດຕົວ ເຖິງພູຈະສູງ ຜາຈະຊັນ ລໍາທານຈະເຫລິກ ນໍ້າໃຈບຸກເບີກ ສ້າງແລວທາງ ມັ່ງຄັ່ງເຕີບໂຕ ສົ່ງເສີມການຜະຫລິດ ທຸລະກິດ ສະໜອງຄ່ອງຕົວ ເພີ້ມປະສິດຕິຜົນ ເພື່ອປະໂຫຍດ ຊຶ່ງກັນແລະກັນ ກ້າວໄກເຊື່ອມຕໍ່ ອາຊີກາງ ໄປເຖິງຢູໂຣບ ວັນແບວວັນໂຣດ ທົ່ວພິພົບ ໄປໄດ້ເຖິງກັນ ລົດໄຟລາວ-ຈີນ ສັນຍາຫລັກ ສາຍໃຍຜູກພັນ ຍືນຍົງຄົງໝັ້ນ ຮ່ວມແຮງກັນ ສອງຊາດລາວຈີນ
ຊັບແຮ່ ຊັບຄົນ ຊັບພະວິຊາ ຊັບພະຍາກອນມະນຸດ ຈະຂຸດກັນຕໍ່ຢູ່ລຸມໃດ?
ຊັບແຮ່ ຊັບຄົນ ຊັບພະວິຊາ ຊັບພະຍາກອນມະນຸດ ຈະຂຸດກັນຕໍ່ຢູ່ລຸມໃດ? (ບົດກອນ ແບບກອນອ່ານປູ່ປາງຄໍາ ກອນເຈັດ) ຊັບພະຍາກອນ ລືຊື່ໄວ້ ທຶນໃຫຍ່ສໍາຄັນ ຂອງໝົດເປັນ ແຮ່ທອງຄໍາເກ້ ຖືກຂຸດຄົ້ນ ຂາຍເອົາຄຸນຄ່າ ດັບຮ່ອນສິ້ນ ໝົດແລ້ວບໍ່ມີ ແທ້ນ່າ ຊັບພະຍາກອນ ແນວອື່ນນັ້ນ ຄຸນຄ່າຍືນຍົງ ຄົນຮຽນຈົບ ຄ່າສູງຍືນລໍ້າ ມີຫລາຍໄດ້ ແປງເມືອງເຮືອງຮຸ່ງ ຫມົດບໍ່ສິ້ນ ແຊມຊ້ອນຕໍ່ກັນ ແທ້ແລ້ວ ສອງຊັບ ເກີດກໍ່ຂຶ້ນ ນານລ່ວງປີການ ຫລາຍລ້ານປິ ຈຶ່ງມີເປັນໃຊ້ ຊັບຄົນນັ້ນ ຊາວປີເຕີບໃຫຍ່ ໝົດບໍ່ສ້າງ ເສັຍສິ້ນເຊັ່ນກັນ ແທ້ນ່າ ຊັບຄົນ ຄຸນຄ່າລໍ້າ ຕາມເບິ່ງເມືອງເຂົາ ເປັນບົດຮຽນ ຜ່ານມາເຫັນແລ້ວ ຊັບຄົນ ໜ້ອຍ ວິຊາການຕໍ່າ ສູງແຕ່ເວົ້າ ທໍາໄດ້ບໍ່ເປັນ ສິເປັນບໍ່ ຄົນຮຽນຮູ້ ກໍາແກ່ນກົດເກນ ມີວິຊາ ກໍ່ແປງເມືອງບ້ານ ຕັດໃຈສ້າງ ”ຊັບຄົນ“…
ເພັງນີ້ຈະອອກໃຫມ່ຕ້ອນຮັບບຸນປີໃຫມ່ລາວທີ່ຈະມາເຖິງ
ເພັງນີ້ຈະອອກໃຫມ່ຕ້ອນຮັບບຸນປີໃຫມ່ລາວທີ່ຈະມາເຖິງ. ເປັນເພັງທໍາອິດໃນຊີວິດທີ່ໄດ້ແຕ່ງຂຶ້ນ. ເຊີນເພື່ອນເຟສ ຈົ່ງຕິດຕາມ ໃຫ້ກໍາລັງໃຈ ແລະ ຫວັງວ່າ ເພັງນີ້ ໃນຈັງວະບັດສະລົບ ຈະສາມາດປະກອບສ່ວນ ພາກັນຟ້ອນເຮັດໃຫ້ງານບຸນປີໃຫມ່ລາວປີນີ້ ຟົດຟື້ນຂຶ້ນຕື່ມ. My First Song . The song is coming soon for the Lao New Year.
ປັນຄວາມຊົງຈໍາອັນດີ ໄດ້ຕາງຫນ້າໃຫ້ແກ່ໂຮງຮຽນມູນລະປະຖົມສົມບູນບ້ານໂພນແຮ່
ປັນຄວາມຊົງຈໍາອັນດີ ໄດ້ຕາງຫນ້າໃຫ້ແກ່ໂຮງຮຽນມູນລະປະຖົມສົມບູນບ້ານໂພນແຮ່ ມອບໃບຍ້ອງຍໍ ໃຫ້ແກ່ຜູ້ຕາງຫນ້າ ຂອງໂຮງຮຽນແຮກສ່ຽວ ທີ່ເມືອງແອກຟອດ ປະເທດເຢັຍລະມັນ ທີ່ໄດ້ໃຫ້ການຊ່ວຍເຫລືອໂຮງຮຽນ ຕະຫລອດມາ. Schule am Adreasried Erfurt
ຢ່າຢູ່ໂດດດ່ຽວ!
ຢ່າຢູ່ໂດດດ່ຽວ! Never be Lonely. ໂດດດ່ຽວເສົ້າ ເຖິງຮັ່ງເງິນທອງ ຄໍາແຂນຄໍ ໜ່ວງລົງໜັກເນື້ອ ໃຜຈະຊ້ວນ ຍາມເຈັບນອນປ່ວຍ ຍາດພີ່ນ້ອງ ຄົງເສົ້າຫ່ວງນໍາ ແທ້ແລ້ວ ມີແບ່ງໃຫ້ ແຕກໜໍ່ຂະຫຍາຍພັນ ບັງເກີດຜົນ ບໍ່ມີສູນເຊື້ອ ຄົນຄຽງຂ້າງ ມີກິນມີຢູ່ ໄຫໃຫຍ່ນ້ອຍ ເຕັມລົ້ນປ່ຽມກັນ ດີແລ ເປັນກຸ່ມກ້ອນ ແຂງແກ່ນເໝືອນຫວາຍ ມັດໂຮມກັນ ແກ່ຄໍດຶງຊ້າງ ທົນທານໝັ້ນ ເປັນດຽວໝົດໝູ່ ເໝືອນໄຜ່ລ້ອມ ຫລາຍຕົ້ນຮ່ວມກໍ ນັ້ນແລ້ວ ໂດດດ່ຽວໄດ້ ຍາມເມື່ອແຮງມີ ຫາກແຮງຫາຍ ປ່ວຍໂຊຍາມເຖົ້າ ນອນດຽວແລ້ງ ໃຜນໍຈະເບິ່ງ ຍັງບໍ່ຊ້າ ຫັນປີ້ນປ່ຽນໃຈ ເຈົ້າເອີ້ຍ @ວິມາດອກບົວແກ້ວ
ລາວທ່ຽວລາວ ມ່ວນແບບລາວໆ
ລາວທ່ຽວລາວ ມ່ວນແບບລາວໆ ດຽວນີ້ ລາວມ່ວນແມ້ງ ລາວທ່ຽວເມືອງລາວ ເດີນທາງໄກ ທ່ຽວເໜືອເຖິງໄຕ້ ເມືອງເຟືອງຟື້ນ ອານຸວົງຈຸດໃໝ່ ຫລວງພະບາງຊື່ນຊ້ອຍ ລາວຂຶ້ນລ່ອງອູ ເຈົ້າເອີ້ຍ ທຸກແຫ່ງຫ້ອງ ມີຢູ່ມີກິນ ສຽງເພັງດັງ ເນື່ອງນັນໂຮຮ້ອງ ແບບລາວແທ້ ຊຸມແຊວເປັນໝູ່ ກິນບໍ່ອັ້ນ ຍໍເຍັ້ນຍືນເບັຍ ລາວເອີ້ຍ ຕູບຢັ່ງນໍ້າ ແພກ່າຍແຄມເຊ ເຫລາະລຽບຕາມ ປ່າດົງດອນກ້ວາງ ພູຜາຕັ້ງ ເປັນວີວງາມຍິ່ງ ທຸກທົ່ວແຄ້ນ ຄວາມເສົ້າບໍ່ມີ ໂລກປ່ວນຢ້ານ ຢູໂຣບຕື່ນສົງຄາມ ໂຄວິດຍັງ ແຜ່ລາມເປັນຮ້າຍ ນໍ້າມັນ ສູງແພງຂຶ້ນ ລາຄາປີນໄຕ່ ລາວທ່ຽວ ລາວບໍ່ງໍ້ ໄປໄດ້ບໍ່ຖອຍ ແທ້ແລ້ວ ເຊົາຢ່າເວົ້າ ລາວບໍ່ທັນເຂົາ ລາວຫາຍທຸກ ຊ່ວຍກັນຫາຊື້ ອຸດໜູນຄໍ້າ ລາວທໍາລາວຮັ່ງ ທຸກບໍ່ເສົ້າ ໄຜເວົ້າຢ່າເຂົາ ເຊົາເຢີ້ @ວິມາດອກບົວແກ້ວ ຮູບຈາກເພື່ອນເຟສ
ຊູສີ ຂອງຕ້ອນ
ຊູສີ ຂອງຕ້ອນ.ກິນຕ່າງບ້ານ ຂອງເພິ່ນແດນໄກຊູສີໄວ ໃສ່ຖົງມາຕ້ອນຕັດເປັນກ້ອນ ຊາຍມອນພັນໃສ່ໃນຫໍ່ຫຸ້ມ ເຕີມເຂົ້າໃສ່ງາຈຸແຈ່ວຈໍ້າ ຄີບຖູ່ລົງຊໍາຮໍາຂີງຊອຍ ຈຸ່ມໂຊຍຢານໍ້າຄໍາດຽວມ້ວນ ກືນກິນເຕັມຕ່ອນຊອນຕໍ່ເຂົ້າ ໝົດແລ້ວຈຶ່ງເຊົາທໍ່ນັ້ນແລ້ວ@ວິມາດອກບົວແກ້ວSong – Dynamite – VIZE
ລະດູບານໃໝ່
ລະດູບານໃໝ່ Jeder hat seine Schönheit. ແສງແດດເຮືອງຮຸ່ງຟ້າ ອາກາດຊື່ນສົດໃສ ສັກກູນາບິນໄປ ໄລ່ກັນເທິງປາຍໄມ້ ສຽງດັງໄກແວວຮ້ອງ ປະສານກັນເປັນໝູ່ ບາງໂຕຫາຄູ່ຊ້ອນ ບິນຊອນກ້ຽວເວີ່ນຕາມ ເຈົ້າເອີ້ຍ ທໍາມະຊາດປ່ຽນປີ້ນ ລະດູໃໝ່ວຽນມາ ພຶກສາໄຂກີບບານ ຈໍ່ຈູມປະດັບເອ້ ເໝືອນເທວາລົງປັ້ນ ອຸທິຍານໂລກລຸ່ມ ທຸກດິນແດນຫໍ່ຫຸ້ມ ມາລາກຸ້ມກິ່ນຫອມ ແທ້ແລ້ວ ອາກາດອົບອຸ່ນຂຶ້ນ ຈິດໃຈຊື່ນສົດໃສ ຄວາມໜາວເຢັນຫາຍໄປ ປ່ຽນລະດູຫາຮ້ອນ ດົງດອນສີຂຽວທຸ້ມ ແສງສີທອງສອດໃສ່ ໄຂສັງກາດໃໝ່ໃຫ້ ຊີວາຊື້ນຊື່ນບານ ເຈົ້າເອີ້ຍ ອຸທິຍານແຫ່ງນີ້ ສະຫວັນແຫ່ງເມືອງຄົນ ທຸກຈົນຫລືເປັນສຸກ ເພື່ອແຜ່ກັນທໍາສ້າງ ລະວາງຄວາມກຽດແຄ້ນ ຮັກແພງກັນດີກ່ວາ ຄວາມມືດມົວຫ່າງເວັ້ນ ເອົາແສງເຂົ້າສູ່ໃຈ ດີແລ້ວ @ວິມາດອກບົວແກ້ວ Song – Dancing Alone – VIZE
ເວົ້າສູ່ກັນຟັງ ສົງຄາມ ແລະ ການຂ້ວມບາດ
ເວົ້າສູ່ກັນຟັງ ສົງຄາມ ແລະ ການຂ້ວມບາດ ສົງຄາມໃນ ຢູເຄຣນ ໄດ້ຖືກດໍາເນີນມາເປັນເວລາ 20 ມື້ແລ້ວ ທີ່ກອງທະຫານ ຂອງຣັດເຊຍ ໄດ້ເຂົ້າບຸກໂຢມຕີ ເຂົ້າໃນຕົວເມືອງຕ່າງໆ ສົງຄາມນັບມື້ນັບແກ່ຍາວເທົ່າໃດ ຍິ່ງເຮັດໃຫ້ ຜົນເສັຍຫາຍ ທາງດ້ານຊັບສິນ ແລະ ຊີວິດ ຂອງປະຊາຊົນ ນັບມື້ນັບຫລາຍຂຶ້ນ ແລະ ການ ສູນເສັຍກໍາລັງທະຫານ ແລະ ອາວຸດການຕໍ່ສູ້ຂອງທັງສອງຝ່າຍ ກໍນັບມື້ນັບຫລາຍຂຶ້ນ ປະຊາຊົນຈໍານວນຫລວງຫລາຍ ໄດ້ຫາທາງຫລົບຫນີສົງຄາມໄປອາໃສປະເທດຕ່າງໆຕາມຊາຍແດນປະເທດເພື່ອນບ້ານ ແລະ ໄປປະເທດຕ່າງໆ ມີເກືອບເຖິງ ສອງລ້ານປາຍຄົນແລ້ວ ແລະ ຍັງຈະມີຫລາຍຂຶ້ນຕໍ່ໄປ ຖ້າສົງຄາມບໍ່ຜ່ອນຄາຍ ຫລືຢຸດຕິລົງ
ໂຄວິດຍັງບໍ່ສ້ຽງ ສົງຄາມຕໍ່ຕາມມາ
ໂຄວິດຍັງບໍ່ສ້ຽງ ສົງຄາມຕໍ່ຕາມມາ ສົງຄາມລາມທົ່ວພື້ນ ດິນແດນແຫ່ງອູກະຣາອີນ ເຮືອບິນທັງຍານຍົນ ເຄື່ອນໄຫວທໍາລາຍມ້າງ ຫລາຍຕົວເມືອງເປັນຮ້າງ ຄົນຫລົບໜີແຕກຕື່ນ ຫລາຍໝື່ນໜີຫ່າງບ້ານ ໄປຫາຊົ້ນເພິ່ງເຢັນ ເຈົ້າເອີ້ຍ ສົງຄາມລາມທົ່ວກໍ້າ ໄປທຸກຖິ່ນແດນໄກ ໃນໂຊຊຽວເປັນໄຟ ຂ່າວອອກໄປໄວແທ້ ຄົນສໍແສສອງກໍ້າ ໂຈມຕີກັນເປັນກຸ່ມ ສຸມແນວຄິດແບ່ງມ້າງ ກໍມີຫລົ້ນທົ່ວໄປ ແທ້ແລ້ວ ໃຜຖືກຜິດກັ່ນແກ້ງ ຄວາມເຫັນຕ່າງກັນໄປ ມັນເຫລິກໃນນານມາ ຊ່ວງຊີງສັບສົນແທ້ ສົງຄາມແປຜັນປີ້ນ ຄວາມດີກາຍເປັນຊົ່ວ ອໍານາດມົວແບ່ງເບື້ອງ ເປັນສອງຂົ້ວແຂ່ງກັນ ນັ້ນແລ້ວ ໂຄວິດຍັງບໍ່ສ້ຽງ ສົງຄາມຕໍ່ຕາມມາ ຊາຕາກໍາຂອງຄົນ ປ່ຽນແປງທັງວາຍວຸ້ນ ຂໍເຖີດທູນວອນໄຫວ້ ໂຄວິດໄປຫາຍຜ່ານ ການທະຫານຕໍ່ສູ້ ກໍເໝືອນດ້າມດັ່ງກັນ ແດ່ທ້ອນ @ວິມາດອກບົວແກ້ວ