ສົມຄວນບໍ່ທີ່ຊື່ສຽງຕັ້ງແຕ່ໃດໆມາ ແລະ ມູນເຊື້ອອັນດີງາມ ຂອງໂຮງຮຽນມູນລະປະຖົມບ້ານໂພນແຮ່ບ້ານເກິນ ຈະຫາຍສາບສູນໄປ? ຄິດເຖິງເດ້ ຄິດເຖິງແນວຜ່ານພົ້ນ ເຫດການປ່ຽນແປງມາ ເປັນເວລາຕິດພັນ ຫ່າງກັນໃຈຍັງຊຶ້ງ ຕົກຕະລຶງບາງຄັ້ງ ສັງມາເປັນລາຍຕ່າງ ທາງເດີນແປງກໍ່ໄວ້ ສັງຈະສິ້ນເສື່ອມໄປ ເດ້ນໍ່ ມີຄົນມັກເບິ່ງຂ້າມ ຫລືໃຈປ່ຽນກົງໄປ ຄວາມສົນໃຈຜິດທາງ ຕ່າງແຕກກັນຫລາຍກໍ້າ ຫລືແນມນໍາຜົນໄດ້ ເລີຍລືມໄລຄຸນຄ່າ ລູກປະຊາຄົນປ່ອມດ້ອຍ ເງື່ອນໄຂຫນ້ອຍຕໍ່ໄປ ສິເປັນບໍ່? ແນ່ນອນ ການພັດທະນາປ່ຽນປີ້ນ ເປັນກົດແຫ່ງສັງຄົມ ມີແນວກົມກຽວກັນ ສິ່ງດີຮັກສາໄວ້ ລາຄາມີບອກໃຫ້ ຄວນນໍາໄປປຸກກໍ່ ຫາທາງສືບຕໍ່ໄວ້ ລູກຫລານໄດ້ຮໍ່າຮຽນ ແທ້ແລ້ວ ຄິດເຫັນ ຄົນເພິ່ນພຸ້ນ ສັດທາໃຫຍ່ເຊີຍຊູ ດູແລອຸດໜູນມາ ຄ່າຄຸນມີສູງລໍ້າ ທັງນໍ້າໃຈແຮງກ້າ ອຸທິດມາຊູຊ່ວຍ ຫາກຈະຫາຍປ່ວຍຖິ້ມ ສິອາຍບ້ານເພິ່ນແລ ທ່ານເອີ້ຍ ຄິດເຫັນ ບຸນຄຸນທຸກທ່ານເຈົ້າ ສາຍເລືອດແຫ່ງທຸລະຄົມ ລະດົມກັນໂຮມໃຈ ກໍ່ແປງໂຮງຮຽນຂຶ້ນ ຍໍຍື່ນດິນປຸກສ້າງ ຮັກສາມາສືບຕໍ່ ບໍ່ຂໍລືມຜູ່ໃຫ້ ຮັກສາໄວ້ຊື່ສຽງ ເຈົ້າເອີ້ຍ ຫວັງວ່າ…
Autor: vimalao (page 5)
ໂຮງຮຽນມູນລະປະຖົມໂພນແຮ່ບ້ານເກິນ
ໂຮງຮຽນມູນລະປະຖົມໂພນແຮ່ບ້ານເກິນ ໄດ້ຮັບການຊ່ວຍເຫລືອນັບແຕ່ປີ 1997 ເປັນຕົ້າມາ ໃນເບື້ອງຕົນ ແມ່ນຈາກຄອບຄົວວິມາລາວົງ ຕໍ່ມາ ໂຮງຮຽນເມືອງແອກຟອດ ປະເທດເຢັຍລະມັນໄດ້ປະກອບສ່ວນຊ່ວຍເຫລືອທຶນຮອນຈໍານວນຫລວງຫລາຍ ໃນການສ້ອມແປງກໍ່ສ້າງ ໃນແຕ່ລະປີຈົນມາເຖິງປະຈຸບັນ ເປັນການພົວພັນແບບແຮກສ່ຽວຂອງສອງໂຮງຮຽນ. ຄູສອນຈາກເຢັຍລະມັນໄດ້ມາຢ້ຽມຢາມໂຮງຮຽນບ້ານໂພນແຮ່ ແລະ ຄູສອນຈາກໂຮງຮຽນໂພນແຮ່ ກໍຖືກເຊີນໄປທັດສະນະສຶກສາຢູ່ເຢັຍລະມັນ ທັງຫມົດໄດ້ກາຍເປັນຄວາມຮັກແພງສາມັກຄີກັນມາໄດ້ດີຕະຫລອດ. ໃນບໍ່ດົນມານີ້ ຂ້າພະເຈົ້າເອງ ໄດ້ຮັບຂ່າວຈາກຍາດມິດທາງບ້ານເກິນວ່າ ໂຮງຮຽນໄດ້ຖືກຜົນກະທົບຈາກໂຄງການ ທີ່ຈະກໍ່ສ້າງເດີນບິນບ້ານເກິນຄືນໃຫມ່ ແຕ່ບໍ່ຮູ້ລະອຽດກ່ຽວກັບໂຄງການດັ່ງກ່າວວ່າໃຜຮັບຜິດຊອບ. ພ້ອມດຽວກັນນັ້ນກໍໄດ້ຮັບຂ່າວຈາກຫົວຫນ້າແນວໂຮມບ້ານໂພນແຮ່ ບອກໃຫ້ຮູ້ວ່າ ໂຄງການໄດ້ຕີລາຄາ ຄ່າຊົດເຊີຍໂຮງຮຽນ ແລະ ທີ່ດິນແລ້ວ ແລະ ມອບເງິນໃຫ້ແກ່ເມືອງທຸລະຄົມ ແລະ ໄດ້ມີການແບ່ງປັນກັນໃຫ້ແກ່ພາກສ່ວນຕ່າງໆຂອງເມືອງແລ້ວ (ມີເອກກະສານ ຈາກຄະນະອໍານວຍການ ແລະ ແນວໂຮມບ້ານໂພນແຮ່ ຍື່ນເຂົ້າ ຂາເຂົ້າຂາອອກຂອງກະຊວງສຶກສາໃນວັນທີ 23.11.2021 ຜ່ານມາ). ຫມາຍຄວາມວ່າ ຈະບໍມີການປຸກສ້າງໂຮງຮຽນຫລັງໃຫມ່ຂຶ້ນແທນແຕ່ຢ່າງໃດ ຊຶ່ງຕ້ານຕໍ່ຈຸດປະສົງຂອງປະຊາຊົນ ກໍຄືພໍ່ແມ່ນັກຮຽນບ້ານໂພນແຮ່. ຂ້າພະເຈົ້າເອງເມື່ອໄດ້ຮັບຂ່າວກໍໄດ້ມີການປຶກສາຫາລືກັບຄະນະອໍານວຍການແລະ ຄູອາຈານສອນ ທີ່ເມືອງແອກຟອດ ແລະ ໄດ້ຕົກລົງເປັນເອກກະພາບກັນວ່າ ສະເຫນີໃຫ້ມີການປຸກສ້າງໂຮງຮຽນຫລັງໃຫມ່ຂຶ້ນແທນ ດ້ວຍເງິນທີ່ໂຄງການຊົດເຊີຍໃຫ້ ເພາະຍັງມີຈຸດປະສົງ ຢາກສືບຕໍ່ການຊ່ວຍເຫລືອຕ່າງໆສືບຕໍ່ໄປ. ພ້ອມດຽວກັນນັ້ນ…
ບາງຮູບພາບແຫ່ງຄວາມຊົງຈໍາ ພາໃຫ້ຄິດເຖິງອານາຄົດ
ບາງຮູບພາບແຫ່ງຄວາມຊົງຈໍາ ພາໃຫ້ຄິດເຖິງອານາຄົດ ຂອງໂຮງຮຽນສົມບູນສຶກສາໂພນແຮ່ບ້ານເກິນ ໃນເມື່ອກ່ອນຕັ້ງແຕ່ ປີ 1997 ເປັນຕົ້ນມາ ຈົນເຖິງປະຈຸບັນ ໂຮງຮຽນບ້ານໂພນແຮ່ ໄດ້ມີການປ່ຽນແປງຫລາຍຢ່າງ ດ້ວຍການຊ່ວຍເຫລືອ ຈາກຄອບຄົວວິມາລາວົງ(ໃນເບື້ອງຕົ້ນ) ແລະ ຕໍ່ມາ ໄດ້ມີການສົມທົບທຶນການຊ່ວຍເຫລືອຢ່າງຫລວງຫລາຍປະກອບສ່ວນໃນການສ້ອມແປງກໍ່ສ້າງຕ່າງໆ ຈາກໂຮງຣຽນຂອງເມືອງແອກຟອດ ທີ່ປະເທດເຢັຍລະມັນ. ຕົນເອງພ້ອມດ້ວຍຄອບຄົວ ແລະ ຄູສອນຈາກເຢັຍລະມັນ ໄດ້ທຽວມາຢ້ຽມຢາມໂຮງຮຽນບ້ານເກິນ ບ້ານເກີດເມືອງນອນ ຈຶ່ງເຫັນໄດ້ຄວາມຕ້ອງການຕົວຈິງຂອງໂຮງຮຽນ ແລະ ໄດ້ຫາທາງຊ່ວຍເຫລືອຕະຫລອດມາ. ຄູສອນຈາກໂຮງຮຽນໂພນແຮ່ ກໍໄດ້ຖືກເຊີນໄປທັດສະນະສຶກສາຢ້ຽມຢາມໂຮງຮຽນທີ່ເຢັຍລະມັນ. ການພົວພັນທັງຫມົດໃນຜ່ານມາ ໄດ້ກາຍເປັນການຜູກຮັດຄວາມຮັກແພງ „ແບບແຮກສ່ຽວ“ ຂອງສອງໂຮງຮຽນຕະຫລອດມາ ຈົນເຖິງປະຈຸບັນ. ຍ້ອນໄດ້ຮັບຂ່າວ ວ່າໂຮງຮຽນສົມບູນສຶກສາໂພນແຮ່ບ້ານເກິນ ມີຜົນສະທ້ອນຈາກການຈະກໍ່ສ້າງເດີນບິນບ້ານເກິນຄືນໃຫມ່ ຊຶ່ງຈະເຮັດໃຫ້ ໂຮງຮຽນ ຖືກມ້າງ ໃນຕໍ່ຫນ້ານີ້ ແລະ ເສັຍທີ່ດິນໄປ. ເມື່ອໄດ້ຮັບຂ່າວດັ່ງກ່າວ(ເຖິງວ່າຍັງບໍ່ເປັນທາງການໃຫ້ຮູ້ນໍາກໍຕາມ!) ຕົນເອງພ້ອມດ້ວຍຄອບຄົວຍາດຕິພີ້ນ້ອງ ແລະ ບັນດາຄູອາຈານສອນຂອງໂຮງຮຽນເມືອງແອກຟອດ ປະເທດເຢັຍລະມັນ ສຸດທີ່ມີຄວາມເປັນຫ່ວງຕໍ່ອານາຄົດຂອງລູກຫລານ ຂອງຄູສອນ ແລະ ຂອງໂຮງຮຽນດັ່ງກ່າວ. ຍ້ອນຜູ້ຊ່ວຍເຫລືອ ທາງເຢັຍລະມັນ ຍັງມີຈຸດປະສົງ ຈະສືບຕໍ່ໃຫ້ການຊ່ວຍເຫລືອ ການສອນ…
ຊີ້ນພັນ – Weihnachts-Rouladen
ຊີ້ນພັນ – Weihnachts-Rouladen ນຶ່ງອາຫານພິເສດ ແຕ່ງກັນເອງໃນວັນບຸນຄະຣິສມາສ ຂອບໃຈ ພໍ່ຄົວພິເສດ! ສຸກສັນວັນບຸນຄະຣິສມາສ
Merry Christmas
Merry Christmas ທ້າຍປີ ຫຍັບເຄື່ອນເຂົ້າ ປີໃໝ່ໝູນມາ ວັນເວລາ ລ່ວງເລີຍເມືອໜ້າ ຍ້ອນວ່າ ສັດທາກຸ້ມ ພາໃຈຊຸ່ມຊື່ນ ຫາທາງ ບືນຕໍ່ໜ້າ ພຽນຕັ້ງຕໍ່ໄປ ເຈົ້າເອີ້ຍ ຄວາມຮັກແພງ ເປັນແກ່ນເຫງົ້າ ຕິດຕໍ່ເຖິງກັນ ແທ້ແລ້ວ ສາຍສໍາພັນ ບໍ່ມີຫຍັງມ້າງ ໝູ່ເພື່ອນ ທາງໄກໄກ້ ທວນເຖິງຖາມຂ່າວ ພວກເຮົາ ລາວພີ່ນ້ອງ ຈົ່ງ ສຸກຫລົ້ນແກ່ໃຈ ດ້ວຍເຖີ້ນ ບຸນກະຣີສມາສ ອົບອຸ່ນໃຫ້ ໃຈຫ່ວນຄະນິງຫາ ແທ້ເດ້ ເປັນເວລາ ສົ່ງພອນວອນໄຫວ້ ສິ່ງໃດ ແນວໃດລໍ້າ ເຊີນມາຊູຊ່ວຍ ພາຈິດ ສຸກຊື່ນດ້ວຍ ຫາຍເສົ້າຊ່ວງໃຈ ເຈົ້າເອີ້ຍ ປີໃໝ່ 2022 ຫຍັບໝໍ່ໄກ້ ຮຽມ ຂໍສົ່ງພອນໄຊ ໄປທຸກຫົນ ແຫ່ງໂລກາກ້ວາງ ໄປເຖິງ ປວງຊົນເຊື້ອ ລາວເຮົາທຸກແຫ່ງ ຂໍໃຫ້ ແພງເຊື່ອມໝັ້ນ ພັນກ້ຽວຢ່າວາງ ກັນເທີ້ນ…
ວຽຽຈັນຂຸນໝິງ ເຖິງໄກກັນ ຄົນລະຝາກຟ້າ
ວຽຽຈັນຂຸນໝິງ ເຖິງໄກກັນ ຄົນລະຝາກຟ້າ ກ່ອນຈະໄປມາ ດ້ວຍທາງບົກ ເວລາເນີນນານ ແຕ່ມາບາດນີ້ ໃຊ້ຄວາມໄວ ລົດໄຟເດີນຜ່ານ ລາວຈີນປະສານ ສໍາເຫລັດການ ສໍາພັນກ້າວໄວ ລົດໄຟລາວຈີນ ຜ່ານດິນແດນ ເຂດແຄ້ວນຂອງລາວ ລາວທຸກຊົນເຜົ່າ ລວມຕ່າງດ້າວ ພ້ອມກັນຊົມໃຊ້ ຂົນສົ່ງໂດຍສານ ແຮງສະດວກ ສະບາຍເລື້ອຍໄປ ເຊື່ອມໄທ ມາເລ ອິນໂດ ແລະ ສິງກະໂປ ເຖິງພູຈະສູງ ຜາຈະຊັນ ລໍາທານຈະເຫລິກ ນໍ້າໃຈບຸກເບີກ ສອງຊາດລາວຈີນ ແຂງແກ່ນ ການກໍ່ສ້າງ ທຸກສິ່ງຢ່າງ ເປັນໄປຕາມແຜນ ຮັກແພງກັນຮັດແຫນ້ນ ສອງຊາດດິນແດນ ລາວຈີນ ວຽງຈັນ ຢູໂຣບ ເຢັຍລະມັນ ເຖິງຈະໄກກັນ ບໍ່ນານຄວາມຝັນ ໄປມາຫາກັນຄົງໄດ້ ລົດໄຟ ລາວຈີນ ສັນຍາລັກ ແຫ່ງຄວາມກ້າວໄປ ເສດຖະກິດ ຜ່ອງໃສ ຄົນລາວພູມໃຈ ພາຍໃຕ້ການນໍາ @ວິມາດອກບົວແກ້ວ
ແຂວງຫລວງນໍ້າທາ
ແຂວງຫລວງນໍ້າທາ ສາຍຍານາມ ຊື່ນໍ້າ ໃນເຂດຖິ່ນ ດິນເໜືອລາວ ຍືນຍົງມາຍາວນານ ຊື່ສຽງດັງໄກກ້ອງ ປະຊາຊົນເຄີຍປົກປ້ອງຕີສັດຕູແຕກຜ່າຍ ບ້ານເມືອງຂະຫຍາຍຕົວຕໍ່ຕັ້ງ ເປັນແຂວງກ້າວພັດທະນາ. ສອງເຂດເມືອງກ້າວໜ້າ ເຂດໃໝ່ເສດທະກິດ ເຂດເກົ່າເປັນເຮືອນຊານຖິ່ນສະຖານເນົາຢັ້ງ. ສັງຄົມອົບອຸ່ນບຸກບືນກ້າວ ການນໍາພາຫັນຫ້າວ ຊາວເມືອງຫລາຍຊົນເຜົ່າ ຮັກແພງກັນຮ່ວມເຂົ້າ ໃນການສ້າງກໍ່ແປງ. ທ່າແຮງມີຫລາຍດ້ານ ທໍາມະຊາດຊື່ນຂຽວງາມ ຕິດຕໍ່ຕາມສາຍພູ ທົ່ງນາອຸດົມກ້ວາງ ມີທາງຫລວງ ຈາກບໍ່ແຕນ ໄປເຖິງແຄ້ວນ ແດນແຫ່ງກໍາພູເຈັຍ ສາຍເອເຊັຍ ໄທ ຫວຽດນາມ ຕໍ່ ຈີນ ຫາກັນໄດ້ ໄປມາທໍາການຄ້າ ຜົນຜະຫລິດນໍາສົ່ງ ຊື້ຂາຍກັນຊ່ວຍຍູ້ ຂະຫຍາຍກ້ວາງຕໍ່ໄປ ມີລົດໄຟໄວລາວຈີນເຂົ້າ ໄປມາເມືອງຫລວງໃຫຍ່ ຮອດຂຸນໝິງເຊື່ອມເຂົ້າ ໄປມາໄດ້ວ່ອງໄວ ແຖມຍັງມີສະຫນາມບິນໃຫມ່ພ້ອມ ນໍາຄົນເຂົ້າ ທ່ຽວຊົມ. ທ່ອງທ່ຽວຂຽວຊື່ກ້ອງ ມີຫລາຍແຫລ່ງ ແດນສະຫງວນ. ຫລວງນໍ້າທາ ຂໍເຊີນຊວນພີ້ນ້ອງ ທັງເພື່ອນມິດແດນໄກ ມາເດີ້ ຊາວຫລວງນໍ້າທາ ພູມໃຈຕ້ອນຮບ ວ່າບໍ່ຜິດຫວັງແທ້. Gefällt…
ຈາກບາງຄວາມເຫັນໃນມື້ນັ້ນ ກໍເດືອນນຶ່ງແລ້ວ
ຈາກບາງຄວາມເຫັນໃນມື້ນັ້ນ ກໍເດືອນນຶ່ງແລ້ວ https://www.facebook.com/bouakeovimalavong/posts/4489327987811782 ມາເຖິງມື້ນີ້ ລັດຖະບານຈຶ່ງກໍານົດການເປີດປະເທດຕ້ອນຮັບນັກທ່ອງທ່ຽວ ທີ່ຈະເລີ້ມໃນ ວັນທີ່ 01. ມັງກອນ 2022 ເປັນຕົ້ນໄປ. ເປັນການລິເລີ້ມທົດລອງ ທີ່ຈະເປັນການກະຕຸ້ນຢ່າງແຮງ ຕໍ່ການທ່ອງທ່ຽວລາວ ໃຫ້ມີການເຫນັງຕີງຂຶ້ນ ຊຸກຫຍູ້ ເສດຖະກິດ ໃຫ້ສາມາດຄ່ອຍຟື້ນຕົວຄືນໃຫມ່ ຈະເຮັດໃຫ້ປະຊາຊົນມີລາຍໄດ້ ແຕ່ ການເປີດປະເທດ ຕ້ອງໄດ້ມີການປະຕິບັດມາດຕາການປ້ອງກັນການຕິດເຊື້ອ ສືບຕໍ່ໄປ ດ້ວຍຄວາມຮັບຜິດຊອບສູງ ຂອງທຸກຝ່າຍ ທັງຜູ້ໃຫ້ການບໍລິການ ແລະ ຜູ້ທ່ອງທ່ຽວ ກໍຄື ທຸກຄົນໃນສັງຄົມ. ຂໍໃຫ້ ການເປີດປະເທດຈົ່ງຖືກດໍາເນີນຂຶ້ນ ດ້ວຍຜົນສໍາເຫລັດອັນດີ ຮັບປະກັນ ເປັນກ້າວໆໄປ.
ເໝືອນກັບວ່າບິນໄດ້
ເໝືອນກັບວ່າບິນໄດ້ ໄກເວີ່ນຟ້າ ຄືດັ່ງອິນຊີ ຕີປີກພຶງ ຜ່ານເວຫາກ້ວາງ ຕາມລວງເຝື້ອ ຂາວງາມລອຍລ່ອງ ແສງສ່ອງແຈ້ງ ລົງພື້ນແກ່ວໄກ ແທ້ແລ້ວ ນິທານ ເຄີຍກ່າວໄວ້ ໃນເມື່ອຄາວຫລັງ ສັງສິນໄຊສີໂຫ ລ່ວງບິນບົນຟ້າ ນໍາຫາເຈົ້າ ອາແພງຮັກໄຄ່ ຍ້ອນວ່າ ຍັກໃຫຍ່ເຖົ້າ ປອງໄດ້ຫລັກໜີ ເຈົ້າເອີ້ຍ ຄຶດວ່າ ຫາກໃຜ ບີນເວີ່ນໄດ້ ຄົງ ຊອກຢູ່ຕາມໃຈ ໃສມີກິນ ເວີ່ນໄປຈົນໄດ້ ໃຜຈະຫ້າມ ຂວາງທາງຕາມຊ່າງ ຈະຜ່າມ້າງ ບິນຂຶ້ນດ່ວນໜີ ແທ້ແລ້ວ ຢາກເດ້ ຢາກເກັ່ງກ້າ ຄືປູ່ປາງຄໍາ ບິນນໍາຫາ ບ່າວສິນໄຊກ້າ ເອົາອາພ້ອມ ກັບວຽງຄືນຕ່າວ ເສກເປົ່າໃຫ້ ໂຄວິດຮ້າຍຜ່າຍໜີ ເຈົ້າເອີ້ຍ @ວິມາດອກບົວແກ້ວ
ຕ້ອງໄດ້ແກ້ ປໍພາເສົ້າ ປາພາຕົກຕໍ່າ ຮຽນແຕ່ຮູ້ ທໍາໄດ້ບໍ່ເຖິງ ນັ້ນນ່າ
ຕ້ອງໄດ້ແກ້ ປໍພາເສົ້າ ປາພາຕົກຕໍ່າ ຮຽນແຕ່ຮູ້ ທໍາໄດ້ບໍ່ເຖິງ ນັ້ນນ່າ (ກອນແບບອ່ານປູ່ປາງຄໍາ ກອນເຈັດ) ຄົນເຮົາ ຕອນໜຸ່ມນ້ອຍ ຮຽນອ່ານປໍປາ ຄູພາສອນ ເຫລົ່າຄວາມຫານກ້າ ກ່າວເຖິງ ວິຊາລໍ້າ ດໍາດິນເຫາະເວີ່ນ ເດີນຫ່າງບ້ານ ເຫັນຟ້າຕ່າງແດນ ເຈົ້າເອີ້ຍ ຍາມເມື່ອ ເປັນບ່າວແລ້ວ ຮຽນຕໍ່ໄປສູງ ໄກລຸງອາ ໝູ່ມີຫລາຍຂຶ້ນ ບາງຄົນ ບືນບຸກໜ້າ ປະຕໍາລາເກົ່າ ບາງຄົນ ເອົາແຕ່ຍ້ອງ ຕົວະໄດ້ແບ່ງກິນ ຫລາຍຄົນ ຮຽນຜ່ານແລ້ວ ວຽກໃຫຍ່ມີເຮັດ ສໍາເລັດໄປ ຄ່ອງຄືນາຍເວົ້າ ເຮັດເອົາໜ້າ ຟັງຄວາມເຂົາກ່າວ ໜາວບໍ່ຮ້ອນ ກາຍມື້ຜ່ານວັນ ທໍ່ນັ້ນແລ້ວ ຫລາຍຄົນ ເກີນແກ່ແລ້ວ ຍັງກ່າວປໍປາ ຊອກຫາເຮັດ ອ່ອຍຈາຫວານເວົ້າ ປໍ ພາເສົ້າ ປາ ພາຕົກຕໍ່າ ຍ້ອນວ່າ ຄວາມເກົ່າຢໍ້າ ຄວາມກ້າບໍ່ຢໍາ ນັ້ນແລ້ວ @ວິມາດອກບົວແກ້ວ ຮູບ…
ນໍ້າໃຈ ວັນຊາດ ສອງທັນວາ ໝັ້ນຍືນ!
ນໍ້າໃຈ ວັນຊາດ ສອງທັນວາ ໝັ້ນຍືນ! ປີນີ້ ສອງທັນວາຊ່າກ້ອງ ເປີດສາກແຫ່ງປະຫວັດການ ດົນນານຄົນລໍມາ ຂີ່ລົດໄຟລາວ-ຈີນສ້າງ ການເດີນທາງເໜືອໄຕ້ ຄົງເປັນໄປສະດວກງ່າຍ ຄົນທັງຫລາຍລາວພີ່ນ້ອງ ສະອອນໂອ້ຊື່ນໃຈ ແທ້ແລ້ວ ດຽວນີ້ ເມືອງລາວສົມຊື່ເວົ້າ ດິນແດນໃຫຍ່ໄພສານ ຕໍານານເຄີຍຂານໄຂ ວ່າລາວຈະເລີນກ້າວ ມີຄາວສູນເສັຍບ້ານ ວຽງວັງເຜົາເປັນຖ່ານ ແຕ່ ຕໍານານຍັງກ່າວໄວ້ ລາວສິໂປ້ຮຸ່ງຈະເລີນ ເຈົ້າເອີ້ຍ ຄວາມຫວັງລາວພີ່ນ້ອງ ຢາກມີຢູ່ມີກິນ ແດນດິນລາວມີສຸກ ຢູ່ສະບາຍຫາຍຮ້ອນ ສິດສອນກັນເປັນເຈົ້າ ເອົາຄວາມດີເປັນໃຫຍ່ ທໍາດີມີສ່ວນໄດ້ ຄົນລາວຕຸ້ມຕ່ອມກັນ ເຈົ້າເອີ້ຍ 46ປີລ່ວງກ້າວ ເວລາຜ່ານກາຍມາ ສອງທັນວາເປັນວັນ ປ່າວເຕືອນສະຕິໃຫ້ ໄຊຊະນະຈະເກີດໄດ້ ພະລັງໃຈເປັນໃຫຍ່ ສຸມສະຕິຊ່ວຍໃຫ້ ເມືອງລາວກ້າວຮຸ່ງເຮືອງ ນັ້ນແລ້ວ ນໍ້າໃຈສອງທັນວາ ຈົ່ງແກ່ນໝັ້ນ ຜູກພັນເຜົ່າລາວເຮົາ ເນົາໃນແດນດິນໃດ ເຊື່ອມຈິດໃຈກັນເຂົ້າ ຮັກແພງກັນໂຮມເຕົ້າ ເປັນໃຈດຽວຮຽງຮ່ວມ ຄວາມຮັກແພງເທົ່ານັ້ນ ເປັນທຶນຄໍ້າຄ່າຄູນ ເຈົ້າເອີ້ຍ @ວິມາດອກບົວແກ້ວ
ເປັນໜໍ່ໄມ້ ແຂງໄດ້ອ່ອນໃນ ນັ້ນແລ້ວ
ເປັນໜໍ່ໄມ້ ແຂງໄດ້ອ່ອນໃນ ນັ້ນແລ້ວ (ກອນເຈັດ ແບບກອນອ່ານປູ່ປາງຄໍາ) ເມືອງຕ່າງບ້ານ ຄົນເພິ່ນຄົນໂຕ ຄົນໄທໄກ ຕ່າງຄົນໄທບ້ານ ໃຜເຫັນພ້ອມ ຫົວເຢັນຕີນອຸ່ນ ໃຜບໍ່ພ້ອມ ຫວານຍ້ອຍວ່າຂົມ ແທ້ແລ້ວ ຕົກໝູ່ແຮ້ງ ກິນເນົ່າກິນເໝັນ ຕົກຝູງກາ ປົ່ງສີດໍາຊ້ອນ ເຂົາພາຮ້ອງ ໂຮເຮຕາມຕໍ່ ດັງບໍ່ກ້ອງ ເອົາຄ້ອງຕ່ອຍຕີ ເຈົ້າເອີ້ຍ ມີຜູ່ທ້ວງ ເຫັນໝູ່ຫລົງຜິດ ເຂົາຊໍານານ ກໍ່ໂກງກິນໄດ້ ໃຜຈະເວົ້າ ເອົາຫຍັງມາປ່ຽນ ຜິດບໍ່ຮ້ອນ ຄືດັ້ງແຕ່ເດີມ ນັ້ນແລ້ວ ແນວໜໍ່ໄມ້ ເກີດຢູ່ໃນສຸມ ສູງກາຍດິນ ໝູ່ຝູງຢືນລ້ອມ ຕາເຂົາກຶ້ງ ແນມນໍາຕາມເບິ່ງ ເປັນໜໍ່ໄມ້ ແຂງໄດ້ອ່ອນໃນ ນັ້ນແລ້ວ @ວິມາດອກບົວແກ້ວ ຮູບປັ້ນປູ່ປາງຄໍາ ນັກກະວີຜູ້ນຶ່ງທີ່ລືຊື່ຂອງລາວ
ຄວາມຊົງຈໍານຶ່ງປີ. ຊີວິດເຮົາ ເປັນຂອງເຮົາເອງ.
ຄວາມຊົງຈໍານຶ່ງປີ. ຊີວິດເຮົາ ເປັນຂອງເຮົາເອງ. ຕ້ອງສ້າງຄວາມເຂັ້ມແຂງໃຫ້ຕົນເອງ. Eine Reise durch Leben ເພິ່ນວ່າ ຊີວິດຄື ການຕໍ່ສູ້ ຊອກຫາຢູ່ທໍາກິນ ເກີດມາເລືອຄານຫລຸກ ຫຍ່າງເດີນບຸກໄປໜ້າ ທຸກຈົນອົດໃຈສູ້ ໜັກເບົາທົນທານຜ່ານ ບັນຫາມີບໍ່ທໍ້ ຂໍພຽງໄດ້ຢູ່ກິນ ວ່ານາ ຊີວິດຄື ການຕໍ່ສູ້ ເດີນທາງສູ່ຈຸດຫມາຍ ທາງໄປຍາວສັບສົນ ຕ່າງກັນມີຫລາຍເປົ້າ ບາງຄົນບຸກບືນໄດ້ ໄປໄກໃຈແຂງແກ່ນ ເຖິງຈຸດໝາຍບົ່ງໄວ້ ບາງຄົນຫລົ້ມເຄິ່ງທາງ ແທ້ແລ້ວ ຊີວິດ ຈະມີຄຸນຄ່າໄດ້ ກາຍເປັນແວ່ນເຍືອງທາງ ເປັນບົດຮຽນອັນດີ ເພື່ອລູກຫລານເມືອໜ້າ ສັງຄົມຈາລຶກໄວ້ ຄົນດີເປັນແບບຢ່າງ ແປງທາງປະປ່ອຍໄວ້ ລູກຫລານໄດ້ໄຕ່ຕາມ ເຈົ້າເອີ້ຍ ເພິ່ນວ່າ ເຮົາເລືອກເກີດບໍ່ໄດ້ ໄປຕາມທີ່ໃຈໝາຍ ພອນສະຫວັນທຸກຄົນມີ ເຊື່ອງຊອນໃນໂຕຊ້ອນ ອາໃສຕົນເອງໄດ້ ອານາຄົດໄກເຮືອງຮຸ່ງ ຫາກອາໃສແຕ່ເພີ່ນຕຸ້ມ ກາຍເປັນຂ້ອຍຊົ່ວຊີບວາຍ ແທ້ນາ @ວິມາດອກບົວແກ້ວ
ວັນເພັງ ຂາດເດືອນ ແຕ່ບໍ່ຂາດຄວາມມຸ້ງຫວັງ ຍັງລໍຄອຍ ວັນໃຫມ່ເລື້ອຍໆໄປ.
ວັນເພັງ ຂາດເດືອນ ແຕ່ບໍ່ຂາດຄວາມມຸ້ງຫວັງ ຍັງລໍຄອຍ ວັນໃຫມ່ເລື້ອຍໆໄປ. Der Mond bei den Wolken ຫລາຍຄໍ່າ ຄືນຜ່ານຂ້າມ ລໍເບິ່ງດວງເດືອນ ພຽງພໍເຫັນ ແຕ່ເງົາເທິງຟ້າ ເມກໝອກກົ້ວ ຕັນແສງທາງສ່ອງ ໄດ້ແຕ່ຈ້ອງ ເດືອນຂ້າມຜ່ານຄືນ ເຈົ້າເອີ້ຍ ວັນເພັງ ມືດອຶ່ມຂຶ້ມ ເດືອນບໍ່ໃສແສງ ຮຽມນີ້ ໜາວຢືນລໍ ເບິ່ງເດືອນເທິງຟ້າ ແສງຕາຂ້ອຍ ຊອກເດືອນຫາໝູ່ ໄດ້ແຕ່ເພີ້ ເທິງຟ້າມົ່ນມົວ ແທ້ເດ້ ຄືນຜ່ານແລ້ວ ວັນໃໝ່ຫວນມາ ແສງຍັງມົວ ເບິ່ງເຫັນໝອກກົ້ວ ອາລົມຄ້ອຍ ຂາດແສງໃຈອ່ອນ ເມກໝູ່ເຝື້ອ ຄືກ້າກ່ວາແສງ ແທ້ນໍ ຄວາມຫວັງ ຍັງບໍ່ເອື້ອນ ຝາກຕໍ່ເດືອນດາວ ທັງຕາເວັນ ຢູ່ເທິງບົນຟ້າ ເມກໝອກຫຸ້ມ ພຽງຄືນຄົງຜ່ານ ແສງເດືອນ ແສງຕາເວັນ ຄົງຜ່ານພົ້ນ ລົງພື້ນຕ່າວມາ ເຈົ້າເອີ້ຍ @ວິມາດອກບົວແກ້ວ ຄືນນຶ່ງກ່ອນຄືນວັນເພັງ
ໜາວແຕ່ກາຍ ຕ້ອງທໍາໃຈໃຫ້ອົບອຸ່ນ.
ໜາວແຕ່ກາຍ ຕ້ອງທໍາໃຈໃຫ້ອົບອຸ່ນ. Winter – Nebel ເມກໝອກ ລອຍຫໍ່ຫຸ້ມ ຄຸມທົ່ງບັງແສງ ມືດມົວໄປ ດັ່ງແລງລົງແລ້ວ ຄວາມໜາວເຂັ້ມ ລົມເຢັນພັດຜ່ານ ໝອກຊຸ່ມຊື່ນ ຝົນຝອຍຍ້ອຍລັ່ງລົງ ບາງມື້ ມືດຊຸ່ມຊົ້ວ ມົວທົ່ວໄປໝົດ ຫລຽວທາງໃດ ບໍ່ມີແສງພົ້ນ ກາງເວັນສັ້ນ ລົງແລງມືດງ່າຍ ໄຄແຕ່ ກັບສູ່ບ້ານ ຫາຕຸ້ມຫົ່ມຄີງ ເຈົ້າເອີ້ຍ ວັນຕ່າງມື້ ລະດູຕ່າງເວລາ ແສງສີສັນ ຕ່າງກັນປານຟ້າ ກົກໄມ້ ຢືນລຽງຕົ້ນ ຊອນແຊມເຫັນຮ່າງ ໃບຫລົ່ນຖິ້ມ ປົກພື້ນຮ່ວມຕົມ ແທ້ແລ້ວ ຍາມໜາວ ປັບປ່ຽນຮ້ອນ ເຢັນໃສ່ທາງກາຍ ພາຄົນ ຈໍາເປັນປັບ ປ່ຽນໄປຕາມຕ້ອງ ແພຜືນຜ້າ ນໍາມາສວບໃສ່ ກັນຊ່ວຍໃຫ້ ກາຍເນື້ອອຸ່ນໃຈ ເຈົ້າເອີ້ຍ @ວິມາດອກບົວແກ້ວ