ເດີນທາງໄກໄປທ່ຽວບ້ານເພິ່ນ, ແຄມທະເລປະເທດຕວກກີ້.
Antalya Türkeiອອກຫ່າງບ້ານ ມາທ່ຽວແດນໄກ
ສົມທິວທັດ ຊ່າງງາມຕາລໍ້າ
ທະເລກ້ວາງ ຫາດຊາຍຂາວອ່ອນ
ແດດສ່ອງແຈ້ງ ແສງເຫລື້ອມຮຸ່ງລົງ
ຄົນທ່ຽວນີ້ ຈາກຖິ່ນແດນໄກ
ເດີນທາງມາ ທົ່ວໂລກາກ້ວາງ
ຍາມພັກແລ້ງ ລະດູການທ່ຽວ
ຫາຍຫ່ວງຮ້ອນ ເຊົານີ້ຊື່ນໃຈ
ເນົາແຫ່ງນີ້ ເຫມືອນຖິ່ນແດນສະຫວັນ
ທຸກແນວມີ ຢູ່ກິນທັງຫລິ້ນ
ການຮັບຕ້ອນ ແຂກຄົນຈາມ່ວນ
ສະອາດພ້ອມ ເຫັນແລ້ວອຸ່ນໃຈ
ຄົນຕ່າງເຊື້ອ ຊາດຕ່າງຜິວພັນ
ເປັນຂະບວນ ຢູ່ດອມກັນໄດ້
ລົງລອຍນໍ້າ ເບີຍກາຍລົມຜ່ານ
ຕາກແດດຮ້ອນ ຜິວເນື້ອຜ່ອງດໍາ
ໂລກແຫ່ງນີ້ ຄົນຊື່ນເປັນສຸກ
ຫາກສິນທໍາ ກໍ່ກວມໃຈຕັ້ງ
ສັນຕິກຸ້ມ ໃຈຄົນຊົມຊື່ນ
ທຸກທົ່ວຫນ້າ ໂຮມເຕົ້າເພິ່ງກັນ
ເຈ້າເອີ້ຍ
@ວິມາດອກບົວແກ້ວ