Kategorie: ຊວນຄິດ (page 2)

ການສໍ້ລາດບັງຫຼວງແມ່ນການສວຍໃຊ້ອຳນາດທີ່ໄດ້ຮັບມອບຫມາຍເພື່ອຜົນປະໂຫຍດຫຼືການໄດ້ປຽບສ່ວນຕົວ.ຖ້າເວົ້າເຖິງຄໍາວ່າສໍ້, ຈະສໍ້ແນວໃດ ແລະ ຜູ້ໃດເປັນຜູ້ສໍ້ ລ້ວນແຕ່ບົ່ງບອກເຖິງຄຸນລັກຊະນະຂອງຄົນບໍ່ດີທັງນັ້ນ ຈະຢູ່ໃນສັງຄົມໃດ ແລະ ໃນສະໃຫມໃດກໍຕາມ. ຄືດັ່ງທ່ານໄດ້ເວົ້ານັ້ນ ມັນບໍ່ສະເພາະແຕ່ສ້າງຄວາມເສັຍຫາຍໃຫ້ແກ່ຊັບສິນຂອງຊາດ ແລະ ຂອງປະຊາຊົນເທົ່ານັ້ນ ມັນເປັນການກົດຫນ່ວງຄວາມຈະເລີນຂອງຊາດ ຂາດຄວາມເປັນທໍາ ທັງເປັນແບບຢ່າງອັນບໍ່ດີໃຫ້ແກ່ຄົນໃນການນໍາວຽກງານລັດຫາທາງສວຍໃຊ້ຫນ້າທີ່ແລະອໍານາດເພື່ອສິດຜົນປະໂຫຍດຂອງຕົນເອງ ແຕ່ບໍ່ຖືກລົງໂທດ ກາຍເປັນສາຍຄະນວນໄຟລາມໃໝ້ໄປຕໍ່ ຮ້າຍແຮງໄປກ່ວານັ້ນ ຜູ້ສໍ້ໂກງ ມັນບໍ່ແມ່ນຄົນທໍາມະດາເຮັດ ແມ່ນຄົນໄດ້ຮຽນຮູ້ ມີຫນ້າທີ່ ມີອໍານາດ ຖືວ່າດື້ດ້ານເຮັດເພາະເຖິງຈະຖືກກ່າວປະນາມ ແລະ ມີການອົບຮົມບົ່ມສອນກັນທາງດ້ານການເມືອງແນວຄິດມາຕະຫລອດກໍຕາມ. ສັງຄົມມີແຕ່ໄດ້ຕັ້ງຄໍາຖາມໄດ້ວ່າ ເປັນຫຍັງມາເຖິງປະຈຸບັນມັນຍັງບໍ່ສາມາດແກ້ໄດ້ ແລະ ຄົງຈໍາເປັນຕ້ອງໄດ້ລໍຖ້າໄປ ໃຫ້ທ້ອງຂອງພວກເຂົາເບັງແຕກຕາຍເອງ ຄືທ້ອງພາມນັ້ນແລ້ວນໍທ່ານ.

ເວົ້າສູ່ກັນຟັງ ຄໍາຂັວນຕ້ານໂຄວິດປະສິດການແຜ່ເຊື້ອ: ເງື່ອນໄຂທີ່ຈະນໍາໄປສູ່ ການປ້ອງກັນຫລຸດຜ່ອນການແຜ່ເຊື້ອ ຕາມຄໍາຂັວນ 3 G ໃນເຢັຍລະມັນ ຄື – Geimpft, – Genesung und – Getestet ທຽບໃສ່ພາສາລາວ ກໍຈະເວົ້າໄດ້ແບບ 3 ສ ທີ່ວ່າ – ສັກຢາແລ້ວ, – ເສື່ອມເຊື້ອຫາຍດີແລ້ວ ແລະ – ສອບກວດປອດເຊື້ອແລ້ວ ເປັນເງື່ອນໄຂນໍາໄປສູ່ການຫລຸດຜ່ອນການລອກດາວ ໂຍະຍານໄປສູ່ການເປີດກ້ວາງພົວພັນກັນຄືນໃຫມ່ໃນສັງຄົມ.

ພາຍຫລັງປະເທດຊາດຖືກປົດປ່ອຍ ແລະ ຖືກສ້າງຕັ້ງຂຶ້ນໃນປີ 1975 ບັນດາປະເທດສັງຄົມນິຍົມຕ່າງໆໃນຕອນນັ້ນ ໃນທຸກໂຂງເຂດແຕ່ອາຊີເຖິງຢູໂຣບຕາເວັນອອກຮອດລາຕ້າຍອາເມລິກາ ພ້ອມທັງອົງການຈັດຕັ້ງສາກົນຈໍານວນນຶ່ງ ໄດ້ໃຫ້ການຊ່ວຍເຫລືອຮັບເອົານັກຮຽນລາວໄປຮຽນຕໍ່ ເປັນຕົ້ນຢູ່ເຢັຍລະມັນ ເຂົ້າຊັ້ນຕົ້ນ ຊັ້ນກາງວິຊາຊີບ ແລະ ຊັ້ນສູງ ຈົນຮອດປີ 1989, ຫລັງຈາກບັນດາປະເທດສັງຄົມນິຍົມຢູໂຣບຕາເວັນອອກໄດ້ພັງທະລາຍລົງ ແລ້ວການຮັບເອົາກໍຖືກຢຸດຕິລົງ. ດັ່ງນັ້ນຍ້ອນການສຶກສາຈຶ່ງເຮັດໃຫ້ຄົນລາວເຮົານຸ່ມນ້ອຍໃນຕອນນັ້ນຕ້ອງໄດ້ເຫີນຫ່າງອອກຈາກປະເທດຊາດໄປຢູ່ຕ່າງປະເທດ ທີ່ລັດທະບານໄດ້ສົ່ງໄປຮຽນ ແລະ ທຸກຄົນລ້ວນແລ້ວແຕ່ມີຄວາມພູມໃຈ ແລະ ດີໃຈທີ່ໄດ້ໄປຮຽນຕໍ່ຕ່າງປະເທດ. ມາເຖິງປະຈຸບັນ ເວົ້າລວມ ອາດີດນັກສຶກສາໃນສະໃໝDDR ສ່ວນໃຫຍ່ຢູ່ລາວ ແມ່ນໄດ້ເຂົ້າສູ່ຊ່ວງໄລຍະບໍານານແລ້ວ. ອາດີດນັກສຶກສານັກຮຽນຮູ້ຄົນລາວ ທີ່ດໍາລົງຊີວິດຢູ່ເຢັຍລະມັນ ຄືດັ່ງ ນ້ອງສຸລັດໄດ້ເລົ່າເຖິງນັ້ນ ໄດ້ເຕີມໃຫຍ່ຂະຫຍາຍຕົວສ້າງຄອບຄົວ ມີວຽກເຮັດງານທໍາໄດ້ດີຢູ່ໃນສັງຄົມຂອງປະເທດເຈົ້າພາບ ແຈກຢາຍກັນໄປທົ່ວເຢັຍລະມັນ ແຕ່ເໜືອເຖິງໄຕ້. ໃນປະຈຸບັນຜູ້ທີ່ເຄີຍຮູ້ຈັກຮັກແພງກັນໃນຜ່ານມາກໍ່ຍັງສືບຕໍ່ຜູກພັນຮັກແພງກັນຕະຫລອດມາ, ເຖິງວ່າຈະບໍ່ໄດ້ພົບພໍ້ກັນກໍຕາມຍ້ອນຢູ່ຫ່າງໄກກັນ ແລະ ມີພາລະກິດວຽກງານຂອງໃຜມັນ. ຕົນເອງມີຄວາມດີໃຈ ທີ່ຍາມໃດຄວາມຮັກແພງຂອງຄົນລາວພວກເຮົາໄດ້ໝັ້ນແກ່ນຕະຫລອດມາ. ໂດຍສະເພາະດີໃຈ ແລະ ພູມໃຈທີ່ຄົນລາວເຮົາດໍາລົງຊີວິດຢູ່ໃນສັງຄົມຂອງເຂົາເຈົ້າບໍ່ເຄີຍມີບັນຫາຫຍັງເກີດຂຶ້ນ ມີການຈັດຕັ້ງສະມາຄົມລາວຕ່າງໆ ພົວພັນດີກັບສະຖານທູດລາວ ພ້ອມກັນເຜີຍແຜ່ວັດທະນະທໍາຂອງຊາດລາວເຮົາ ທໍາບຸນສິນກິນທານ ບຸນປະເພນີ ຜູກຮັກຜູກແພງກັບເພື່ອນມິດປະເທດເຈົ້າພາບໄດ້ດີ ແລະ ຫາທາງຊ່ວຍເຫລືອບ້ານເກີດເມືອງນອນຂອງຕົນຢູ່ລາວເຮົາ ໃນຫລາຍຮູບຫລາຍແບບ. ພິເສດດີໃຈ…

ຈະສາມາດ ເອົາໄຊຊະນະ ເຊື້ອພະຍາດໂຄວິດ-19 ໄດ້ແນວໃດ? ໃນປະຈຸບັນ ຄວາມຮຸນແຮງ ໃນການແຜ່ເຊື້ອໂຄວິດ-19 ໃນເຢັຍລະມັນ ໄດ້ຜ່ອນຄາຍລົງ ໂດຍທີ່ ຈໍານວນຄົນຕິດເຊື້ອ ໃນແຕ່ລະມື້ ໄດ້ຫລຸດລົງ ຕໍ່າກົ່ວ ຊາວສາມພັນຄົນ ທີ່ເຄີຍມີມາ. ສາຍເຫດ ແມ່ນຍ້ອນ ສອງຢ່າງ ຄື: – ການປະຕິບັດມາດຕາການຕ້ານເຊື້ອ ຂອງປະຊາຊົນ ໄດ້ດີ ແລະ – ຄຽງຄູ່ກັນນັ້ນ ແມ່ນ ຈໍານວນ ປະຊາຊົນ ທີ່ ໄດ້ຮັບການສັກຢາຕ້ານເຊື້ອ ມີນັບມື້ນັບຫລາຍຂຶ້ນ. ການຈະເອົາຊະນະ ເຊື້ອໂຄວິດໄດ້ນັ້ນ ປະຊາຊົນ ຕ້ອງໄດ້ຖືກຊັກຢາຕ້ານເຊື້ອ ຫລາຍກ່ວາ 70 ເປີເຊັນ ຂຶ້ນໄປ ຂອງຈໍານວນພົນລະເມືອງທັງຫມົດ ແລະ ຖ້າທຸກຄົນ ໄດ້ຖືກສັກຢາຕ້ານເຊື້ອ ເມື່ອນັ້ນ ຄວາມເປັນອັນຕະລາຍ ຫລື ຄວາມຢ້ານກົວ ຕໍ່ເຊື້ອໂຄວິດ-19 ກໍຈະຫມົດໄປ. ມາເຖິງປະຈຸບັນ ປະຊາຊົນເຢັຍລະມັນ ປະມານ ແປດສິບລ້ານຄົນ…