Autor: vimalao (page 8)

ສິ່ງທີ່ທ່າທາຍທີ່ສຸດໃຫ້ແກ່ DB ໃນຫລາຍປີຜ່ານມາຕົ້ນຕໍແມ່ນບັນຫາໄພທໍາມະຊາດ ເປັນຕົ້ນ ໄຟນໍ້າຖ້ວມ, ພາຍຸ ແລະ ຫິມະຕົກຫນັກ ເຮັດໃຫ້ ທາງລົດໄຟຖືກທໍາລາຍເສັຍຫາຍຫນັກໃນແຕ່ລະປີຕ້ອງໄດ້ມີການສ້ອມແປງຄືນໃນມູນຄ່າເປັນຫລາຍໆຕື້ຢູໂຣ ທັງເຮັດໃຫ້ເສັຍລາຍໄດ້ຈາກຜົນກະທົບໃສ່ການສັນຈອນບໍ່ໄດ້. ອາກາດລະດູຮ້ອນສູງຂຶ້ນ ແລະ ອາກາດຫນາວຫິມະແຂງ ທັງໝົດລ້ວນແລ້ວແຕ່ສ້າງບັນຫາໃຫ້ແກ່ DB ທັງນັ້ນຄື: ອາກາດຮ້ອນທະວີຂຶ້ນໃນແຕ່ລະປີເຮັດໃຫ້ DB ຕ້ອງໄດ້ປັບປຸງ ແລະ ຕິດຕັ້ງລະບົບປັບອາກາດ ແລະ ແອເຢັນໃນບັນດາຕູ້ລົດໄຟໂດຍສານທັງຫມົດໃນຊຸມປີຜ່ານມາ ກໍເປັນມູນຄ່າອັນມາຫາສານ. ອາກາດໜາວຫິມະ ແລະ ນໍ້າແຂງ ກີດກັ້ນການສັນຈອນ ຈໍາເປັນເຮັດໃຫ້ DB ຕ້ອງໄດ້ປັບປຸງລະບົບປົດປ່ອຍຫິມະ ແລະທໍາລາຍນໍ້າແຂງໃນລາງລົດໄຟດ້ວຍລະບົບຄວາມຮ້ອນເຮັດໃຫ້ຫິມະແລະນໍ້າແຂງເປື່ອຍກໍຈໍາເປັນຕ້ອງໄດ້ລົງທຶນໃສ່ການຄົ້ນຄ້ວາວິຊາການນໍາໃຊ້ເຕັກນິກອັນທັນສະໄໝທີ່ຈໍາຕ້ອງໄດ້ໃຊ້ທຶນຮອນເຂົ້າໃສ່. ຄວາມຮຽກຮ້ອງຂອງສັງຄົມຕໍ່ການເດີນທາງ ຕ້ອງໃຫ້ສະດວກ ໄວຂຶ້ນ ຮັບປະກັນຂຶ້ນ ແລະ ຊື່ຕົງຕໍ່ເວລາ ແມ່ນໄດ້ກາຍເປັນບັນຫານໍາໄປສູ່ການຫັນເປັນທັນສະໄໝຂອງ DB ອັນສໍາຄັນເພື່ອອໍານວຍຄວາມສະດວກໃຫ້ແກ່ລູກຄ້າກໍຄືຜູ້ໂດຍສານ, ຊຶ່ງໃນຫລາຍປີຜ່ານມາ ຈະສັງເກດເຫັນໄດ້ວ່າ ສະຖານີລົດໄຟຫລາຍແຫ່ງໄດ້ຖືກປັບປຸງໃຫ້ທັນສະໄຫມ ແລະ ງົດງາມຂຶ້ນ ຫລືສ້າງຂຶ້ນໃໝ່ໃຫ້ຕິດພັນໂດຍກົງກັບສະໜາມບິນໃຫຍ່ສາກົນເຊັ່ນທີ່ເມືອງຟະຣັງຟວດອໍາມາຍແບກລິນ ມູນເຈີນ ແລະອື່ນໆ. ການຕິດຕໍ່ລະຫວ່າງຕົວເມືອງໃຫຍ່ ເຊັ່ນ ແອກຟອດ ແບກລີນ ໂຄ່ນ…

ການສໍ້ລາດບັງຫຼວງແມ່ນການສວຍໃຊ້ອຳນາດທີ່ໄດ້ຮັບມອບຫມາຍເພື່ອຜົນປະໂຫຍດຫຼືການໄດ້ປຽບສ່ວນຕົວ.ຖ້າເວົ້າເຖິງຄໍາວ່າສໍ້, ຈະສໍ້ແນວໃດ ແລະ ຜູ້ໃດເປັນຜູ້ສໍ້ ລ້ວນແຕ່ບົ່ງບອກເຖິງຄຸນລັກຊະນະຂອງຄົນບໍ່ດີທັງນັ້ນ ຈະຢູ່ໃນສັງຄົມໃດ ແລະ ໃນສະໃຫມໃດກໍຕາມ. ຄືດັ່ງທ່ານໄດ້ເວົ້ານັ້ນ ມັນບໍ່ສະເພາະແຕ່ສ້າງຄວາມເສັຍຫາຍໃຫ້ແກ່ຊັບສິນຂອງຊາດ ແລະ ຂອງປະຊາຊົນເທົ່ານັ້ນ ມັນເປັນການກົດຫນ່ວງຄວາມຈະເລີນຂອງຊາດ ຂາດຄວາມເປັນທໍາ ທັງເປັນແບບຢ່າງອັນບໍ່ດີໃຫ້ແກ່ຄົນໃນການນໍາວຽກງານລັດຫາທາງສວຍໃຊ້ຫນ້າທີ່ແລະອໍານາດເພື່ອສິດຜົນປະໂຫຍດຂອງຕົນເອງ ແຕ່ບໍ່ຖືກລົງໂທດ ກາຍເປັນສາຍຄະນວນໄຟລາມໃໝ້ໄປຕໍ່ ຮ້າຍແຮງໄປກ່ວານັ້ນ ຜູ້ສໍ້ໂກງ ມັນບໍ່ແມ່ນຄົນທໍາມະດາເຮັດ ແມ່ນຄົນໄດ້ຮຽນຮູ້ ມີຫນ້າທີ່ ມີອໍານາດ ຖືວ່າດື້ດ້ານເຮັດເພາະເຖິງຈະຖືກກ່າວປະນາມ ແລະ ມີການອົບຮົມບົ່ມສອນກັນທາງດ້ານການເມືອງແນວຄິດມາຕະຫລອດກໍຕາມ. ສັງຄົມມີແຕ່ໄດ້ຕັ້ງຄໍາຖາມໄດ້ວ່າ ເປັນຫຍັງມາເຖິງປະຈຸບັນມັນຍັງບໍ່ສາມາດແກ້ໄດ້ ແລະ ຄົງຈໍາເປັນຕ້ອງໄດ້ລໍຖ້າໄປ ໃຫ້ທ້ອງຂອງພວກເຂົາເບັງແຕກຕາຍເອງ ຄືທ້ອງພາມນັ້ນແລ້ວນໍທ່ານ.

ເວົ້າສູ່ກັນຟັງ ຄໍາຂັວນຕ້ານໂຄວິດປະສິດການແຜ່ເຊື້ອ: ເງື່ອນໄຂທີ່ຈະນໍາໄປສູ່ ການປ້ອງກັນຫລຸດຜ່ອນການແຜ່ເຊື້ອ ຕາມຄໍາຂັວນ 3 G ໃນເຢັຍລະມັນ ຄື – Geimpft, – Genesung und – Getestet ທຽບໃສ່ພາສາລາວ ກໍຈະເວົ້າໄດ້ແບບ 3 ສ ທີ່ວ່າ – ສັກຢາແລ້ວ, – ເສື່ອມເຊື້ອຫາຍດີແລ້ວ ແລະ – ສອບກວດປອດເຊື້ອແລ້ວ ເປັນເງື່ອນໄຂນໍາໄປສູ່ການຫລຸດຜ່ອນການລອກດາວ ໂຍະຍານໄປສູ່ການເປີດກ້ວາງພົວພັນກັນຄືນໃຫມ່ໃນສັງຄົມ.

ພາຍຫລັງປະເທດຊາດຖືກປົດປ່ອຍ ແລະ ຖືກສ້າງຕັ້ງຂຶ້ນໃນປີ 1975 ບັນດາປະເທດສັງຄົມນິຍົມຕ່າງໆໃນຕອນນັ້ນ ໃນທຸກໂຂງເຂດແຕ່ອາຊີເຖິງຢູໂຣບຕາເວັນອອກຮອດລາຕ້າຍອາເມລິກາ ພ້ອມທັງອົງການຈັດຕັ້ງສາກົນຈໍານວນນຶ່ງ ໄດ້ໃຫ້ການຊ່ວຍເຫລືອຮັບເອົານັກຮຽນລາວໄປຮຽນຕໍ່ ເປັນຕົ້ນຢູ່ເຢັຍລະມັນ ເຂົ້າຊັ້ນຕົ້ນ ຊັ້ນກາງວິຊາຊີບ ແລະ ຊັ້ນສູງ ຈົນຮອດປີ 1989, ຫລັງຈາກບັນດາປະເທດສັງຄົມນິຍົມຢູໂຣບຕາເວັນອອກໄດ້ພັງທະລາຍລົງ ແລ້ວການຮັບເອົາກໍຖືກຢຸດຕິລົງ. ດັ່ງນັ້ນຍ້ອນການສຶກສາຈຶ່ງເຮັດໃຫ້ຄົນລາວເຮົານຸ່ມນ້ອຍໃນຕອນນັ້ນຕ້ອງໄດ້ເຫີນຫ່າງອອກຈາກປະເທດຊາດໄປຢູ່ຕ່າງປະເທດ ທີ່ລັດທະບານໄດ້ສົ່ງໄປຮຽນ ແລະ ທຸກຄົນລ້ວນແລ້ວແຕ່ມີຄວາມພູມໃຈ ແລະ ດີໃຈທີ່ໄດ້ໄປຮຽນຕໍ່ຕ່າງປະເທດ. ມາເຖິງປະຈຸບັນ ເວົ້າລວມ ອາດີດນັກສຶກສາໃນສະໃໝDDR ສ່ວນໃຫຍ່ຢູ່ລາວ ແມ່ນໄດ້ເຂົ້າສູ່ຊ່ວງໄລຍະບໍານານແລ້ວ. ອາດີດນັກສຶກສານັກຮຽນຮູ້ຄົນລາວ ທີ່ດໍາລົງຊີວິດຢູ່ເຢັຍລະມັນ ຄືດັ່ງ ນ້ອງສຸລັດໄດ້ເລົ່າເຖິງນັ້ນ ໄດ້ເຕີມໃຫຍ່ຂະຫຍາຍຕົວສ້າງຄອບຄົວ ມີວຽກເຮັດງານທໍາໄດ້ດີຢູ່ໃນສັງຄົມຂອງປະເທດເຈົ້າພາບ ແຈກຢາຍກັນໄປທົ່ວເຢັຍລະມັນ ແຕ່ເໜືອເຖິງໄຕ້. ໃນປະຈຸບັນຜູ້ທີ່ເຄີຍຮູ້ຈັກຮັກແພງກັນໃນຜ່ານມາກໍ່ຍັງສືບຕໍ່ຜູກພັນຮັກແພງກັນຕະຫລອດມາ, ເຖິງວ່າຈະບໍ່ໄດ້ພົບພໍ້ກັນກໍຕາມຍ້ອນຢູ່ຫ່າງໄກກັນ ແລະ ມີພາລະກິດວຽກງານຂອງໃຜມັນ. ຕົນເອງມີຄວາມດີໃຈ ທີ່ຍາມໃດຄວາມຮັກແພງຂອງຄົນລາວພວກເຮົາໄດ້ໝັ້ນແກ່ນຕະຫລອດມາ. ໂດຍສະເພາະດີໃຈ ແລະ ພູມໃຈທີ່ຄົນລາວເຮົາດໍາລົງຊີວິດຢູ່ໃນສັງຄົມຂອງເຂົາເຈົ້າບໍ່ເຄີຍມີບັນຫາຫຍັງເກີດຂຶ້ນ ມີການຈັດຕັ້ງສະມາຄົມລາວຕ່າງໆ ພົວພັນດີກັບສະຖານທູດລາວ ພ້ອມກັນເຜີຍແຜ່ວັດທະນະທໍາຂອງຊາດລາວເຮົາ ທໍາບຸນສິນກິນທານ ບຸນປະເພນີ ຜູກຮັກຜູກແພງກັບເພື່ອນມິດປະເທດເຈົ້າພາບໄດ້ດີ ແລະ ຫາທາງຊ່ວຍເຫລືອບ້ານເກີດເມືອງນອນຂອງຕົນຢູ່ລາວເຮົາ ໃນຫລາຍຮູບຫລາຍແບບ. ພິເສດດີໃຈ…