Monat: Mai 2021

ບົດຄວາມຄິດ ຕໍ່ກັບ ການຜະຫລິດ ໃນລະບົບ ແບບຍືນຍົງ. ຄໍາວ່າ ຍືນຍົງ ແມ່ນຫຍັງກັນແທ້? ພວກເຮົາເຄີຍໄດ້ຟັງ ໄດ້ອ່ານ ສິ່ງທີ່ເພິ່ນມັກເວົ້າກັນວ່າ ການເຮັດຖຸລະກິດ ການຜະຫລິດ ການຄ້າຂາຍຄົບວົງຈອນ “ແບບຍືນຍົງ“. ດັ່ງທີ່ທ່ານ ນາຍົກ ວັນຄໍາ ວິພາວັນ ເພິ່ນໄດ້ເວົ້າເຖິງ ການຜະຫລິດໃນລາວເຮົາ ເຮັດກັນກະແຈກກະຈາຍ ເພິ່ງຕົນເອງ ເຮັດໃຜເຮັດມັນ ເຮີ້ກັນເຮັດ ບໍ່ມີຕະຫລາດ ເປັນການຜະຫລິດ“ນອກລະບົບ“ “ບໍ່ຍືນຍົງ”. ຖ້າເວົ້າເຖິງການຜະຫລິດ ເຖິງຈະມີຕະຫລາດ ແຕ່ຍັງບໍ່ສາມາດເວົ້າໄດ້ວ່າ ມັນຈະຍືນຍົງໄດ້ແທ້ບໍ່? ດັ່ງນັ້ນ ພວກເຮົາມາທໍາຄວາມເຂົ້າໃຈກັນວ່າ ເສດຖະກິດ ທີ່ຈະໝັ້ນຄົງ ມີຄວາມຍືນຍົງໄດ້ນັ້ນ ມັນແມ່ນແນວໃດກັນແທ້? ຂໍຍົກຕົວຢ່າງວ່າ ທ່ານ ເອົາເງິນໄປຝາກທະນາຄານ ໄດ້ດອກເບັ້ຍ. ຕາບໃດ ທີ່ທ່ານ ສາມາດດໍາລົງຊີວິດຢູ່ໄດ້ ອາໃສກິນດອກເບັ້ຍ ເປັນເດືອນເປັນປີໄປ ໂດຍບໍ່ແຕະຕ້ອງກ້ອນເງິນທີ່ທ່ານເອົາໄປຝາກນັ້ນ, ເວົ້າໄດ້ວ່າ ທ່ານເຮັດທຸລະກິດແບບຍືນຍົງນັ້ນເອງ. ໃນການລົງທຶນໃສ່ການຜະຫລິດ ກໍ່ດັ່ງດຽວກັນ ຢືມເງິນມາລົງທຶນ ທໍາການຜະຫລິດເປັນສິນຄ້າ ມີຕະຫລາດ…

ເນື່ອງໃນໂອກາດ ວັນກໍາມະກອນສາກົນ ມີ ຄະຕິເຕືອນໃຈ ນໍາມາ ຊວນໃຫ້ຄິດ. ມີຄົນຖາມ ຜູ້ກໍ່ຕັ້ງ ປະເທດ ດູບາຍ ຊ່າຍ ຣາຮີດ ກ່ຽວກັບຄວາມເຫັນ ຂອງທ່ານ ຕໍ່ກັບ ອານາຄົດ ຂອງຊາດເພິ່ນ ວ່າຈະເປັນແນວໃດ? ທ່ານ ໄດ້ຕອບວ່າ: ພໍ່ຕູ້ໃຫຍ່ ຂອງຂ້າພະເຈົ້າ ໄດ້ຂີ່ໂຕອູດ ເປັນພາຫະນະ. ພໍ່ຂອງຂ້າພະເຈົ້າ ໄດ້ຂີ່ໂຕອູດ ເຊັ່ນກັນ. ຂ້າພະເຈົ້າ ຂີ່ລົດເບັ້ນ. ລູກຊາຍ ຂອງຂ້າພະເຈົ້າ ຂີ່ລົດ ຣັງໂຣເວີ້. ຫລານຊາຍ ຂອງຂ້າພະເຈົ້າ ກໍຈະຂີ່ ລົດຣັງໂຣເວີ້. ແຕ່ເຫລັ້ນ ຂອງຂ້າພະເຈົ້າ ອາດໄດ້ຂີ່ໂຕອູດຄືນ ເປັນພາຫານະ. ຄົນຜູ້ນັ້ນ ຖາມອີກວ່າ ເປັນຫຍັງ ທ່ານຈຶ່ງເວົ້າດັ່ງນັ້ນ? ຊ່າຍ ຣາຮີດ ຕອບຕໍ່ໄປວ່າ. ມັນມີຫຼັກການບາງຢ່າງ ທີ່ເຄີຍກໍານົດທຸກສິ່ງທຸກຢ່າງໃນຊີວິດ. ຕາມຄວາມເປັນຈິງແລ້ວ: ເວລາ ທີ່ຍຸ້ງຫຍາກລໍາບາກ ຈະຫລໍ່ຫລອມຄົນ ໃຫ້ເຂັ້ມແຂງ.…