ບົດແນະນໍາ #ຕ້ານການແຜ່ເຊື້ອໂຄວິດ19 ຂໍແນະນຳ ວິທີການ ຕ້ານການລະບາດແຜ່ເຊື້ອໂຄວິດ19. (ເກັບກຳສັງລວມ ຂຽນຂຶ້ນ ໂດຍອີງໃສ່ ການປະຕິບັດຂອງຕົນເອງ ອີງໃສ່ຂໍ້ມູນຄວາມຮູ້ ແລະ ບົດຮຽນ ຂອງສາກົນ) ຢາກເຜີຍແຜ່ ໃຫ້ຄົນລາວເຮົາໄດ້ອ່ານ ເພື່ອຄວາມເຂົ້າໃຈ ຫລື ຢໍ້າຄືນ ທີ່ຫລາຍທ່ານອາດຈະໄດ້ເວົ້າບາງຈຸດມາແລ້ວ ເພື່ອນຳໃຊ້ປະຕິບັດ ຕາມຄວາມເຫມາະສົມ ຈະສາມາດຊ່ວຍ ໃນການປ້ອງກັນ ແລະ ຫລຸດຜ່ອນຄວາມຢ້ານ ທີ່ບໍ່ສົມເຫດສົມຜົນ. #ຄວາມເປັນອັນຕະລາຍຂອງເຊື້ອໂຄວິດ19 ຜູ້ອາວຸໂສ ຜູ້ທີ່ມີຄວາມສ່ຽງສູງ ຄືຜູ້ມີອາຍຸສູງກ່ວາ 60 ປີຂຶ້ນໄປທີ່ມີສຸຂະພາບບໍ່ດີ ແລະ ຜູ້ເຈັບປ່ວຍ ຫລື ມີສຸຂະພາບອ່ອນເພັຍ ມີພະຍາດໃນຕົວເອງ ແລະ ມີພູມຕ້ານທານຕໍ່າ. ຜູ້ຄົນທີ່ມີຄວາມສ່ຽງດັ່ງກ່າວນີ້ ເມື່ອຖືກຕິດເຊື້ອ ຖ້າບໍ່ໄດ້ຮັບການປິ່ນປົວໃຫ້ທັນເວລາ ສາມາດເປັນອັນຕະລາຍເຖິງແກ່ຊີວິດໄດ້. ຊາວນຸ່ມ (ເດັກນ້ອຍ) ທີ່ມີສຸຂະພາບແຂງແຮງດີ ຖ້າຕິດເຊື້ອ ອາດມີອາການເບົາບາງ ຫລື ບໍ່ມີອາການຫຍັງສະແດງອອກ ບໍ່ລົ້ມປ່ວຍ ເຖິງຂັ້ນຫາຍດີເອງໄດ້. ດັ່ງນັ້ນ ກຸ່ມຊາວນຸ່ມ ຈຶ່ງເປັນກຸ່ມທີ່ເປັນອັນຕະລາຍໃນການແຜ່ເຊື້ອ…