Kategorie: ກາບກອນ (page 9)

ຂໍເຕີມເສີມບົດກອນຕາມຂ່າວ! ເຫັນຂ່າວແຈ້ງ ແຕກຕື່ນໂຄວິດ ໃນລາວເຮົາ ເນື່ອງນັນກັນຂຶ້ນ ເພິ່ນວ່າ ຄົນຕິດເຊື້ອ ຈໍານວນສູງຕື່ມ ທາງການ ພວມເຄັ່ງຮ້ອນ ຕາມຄົ້ນຕໍ່ໄປ ໃຜມີ ຍາດພີ່ນ້ອງ ຄວາມສ່ຽງມີສູງ ຄວນລະວັງ ຊ່ວຍຫາທາງປ້ອງ ຕີຖອຍເຊື້ອ ກັນໂຄວິດແຜ່ ສວມໃສ່ຜ້າ ປົກປ້ອງຊ່ວຍກັນ ແທ້ເດີ້ ໂຄວິດ ມັນແຜ່ເຊື້ອ ຕິດຕໍ່ກັນໄວ ເພິ່ນມີ ການສະເພາະກິດ ເບິ່ງແຍງຍາມເຝົ້າ ການແພດພ້ອມ ກະຕຽມເຕັມສ່ວນ ຂໍໃຫ້ ລາວພີ່ນ້ອງ ໃຈຕຸ້ມຕ່ອມກັນ ເຈົ້າເອີ້ຍ ໄປມາ ໄກຫ່າງບ້ານ ເດີນທ່ຽວຫົນໃດ ຄວນລະວັງ ເບິ່ງຫລັງແນມໜ້າ ຄົນໜາແໜ້ນ ເອົາໂຕອອກຫ່າງ ມືໝັ່ນລ້າງ ໄອກົ້ມປິ່ນໜີ ເຈົ້າເອີ້ຍ ມີອາການ ບອກຂ່າວແຈ້ງ ເຕືອນຕໍ່ທາງການ ແພດໝໍມີ ເພິ່ນຕຽມກັນໄວ້ ໃຜຕິດເຊື້ອ ທາງການຄົງຊ່ວຍ ຢ່າກຽດ ກັນກ່າວຮ້ອຍ ຕີຕ້ານໂຄວິດໜີ ເຈົ້າເອີ້ຍ @ວິມາດອກບົວແກ້ວ

ບົດກອນ ບາງຄັ້ງ ທີ່ຍັງຄິດ. Die Natur ist wieder schön grün. ບາງຄັ້ງ ຮຽມນີ້ ຢາກທ່ວງຈຶ້ງ ດຶງຈ່ອງເວລາ ສອງມື ຄົວໄປຫາ ນ່ວງນໍາກໍາໄວ້ ສຸມຈິດ ກັກກັນໃຫ້ ເວລາຢຸດແລ່ນ ແສນຈະ ຍາກຍິ່ງລໍ້າ ກໍາແໜ້ນບໍ່ວາງ ແທ້ແລ້ວ ບາງຄັ້ງ ຮຽມນີ້ ຢາກໂດ່ງຂຶ້ນ ດຶງຈ່ອງເດືອນງາຍ ໃຫ້ມັນ ກະຈາຍແສງ ຄໍ່າຄືນລົງພື້ນ ນອນຫລັບ ມືນຕາຂຶ້ນ ເອົາເດືອນເປັນເພື່ອນ ທຸກຄືນ ເດືອນສ່ອງແຈ້ງ ມອງໃຫ້ຊື່ນໃຈ ເຈົ້າເອີ້ຍ ບາງຄັ້ງ ຮຽມນີ້ ຢາກນ່ວງກັ້ນ ອົດປ່ອຍລົມຫາຍໃຈ ຕັນໃນອົກ ເຊື່ອມໄປຕາມເນື້ອ ໃຫ້ມັນ ເໜືອຈິດຕັ້ງ ນານປີສືບຕໍ່ ຂໍແຕ່ ໄພຫ່າງແລ້ວ ຫາຍໃຈຟື້ນຕໍ່ຄືນ ບາງຄັ້ງ ຮຽມນີ້ ຢາກເຄື່ອນຍ້າຍ ສັບປ່ຽນເວລາ ສິ່ງດີ ເກີດກາຍມາ…

Happy Lao New Year ມື້ຂຶ້ນປີໃໝ່ລາວ ຂໍວິ້ງວອນ ຢາກໃຫ້ ປະຊາຊົນ ຄົນລາວ ທຸກຄົນ ຮັ່ງ. ຢາກໃຫ້ ລາວເຮົາຫລຸດຜ່ານພົ້ນ ເຫີນຫ່າງຈາກຄວາມທຸກ ຫລາຍຍຸກດົນນານມາ ຊື່ລາວຄອງຄວາມດ້ອຍ ລໍຄອຍຄົນມາຄໍ້າ ຍຸກໃດຈະປົດປ່ອຍ ຄອຍຈັກປີຕໍ່ໜ້າ ລາວສິພົ້ນຫ່າງຈົນ ວ່ານາ ຢາກໃຫ້ ປວງຊົນລາວຮັ່ງແທ້ ປັນຍາເກັ່ງເຕັມປູມ ພູມຄັງຄວາມແນວຄິດ ເກັ່ງສະແຫວງຮຽນຮູ້ ມີຄູອາຈານກ້າ ວິຊາການສອນເກັ່ງ ເລັງນໍາການກໍ່ສ້າງ ລາວເປັນເຈົ້າຊ່ວຍກັນ ເຈົ້າເອີ້ຍ ຢາກໃຫ້ ການສຶກສາເລັ່ງກ້າວ ການນໍາຫ່ວງເຫັນໄກ ຕັດສິນໃຈຖືກທາງ ເບິ່ງມອງໄປເຫັນກວ້າງ ລວງແລວເດີນໄປໜ້າ ເບັດຫາທາງຖືກປ່ອງ ປັບປ່ຽນໃຫ້ຖືກຕ້ອງ ປະລະຖິ້ມສິ່ງເດີມ ແດ່ທ້ອນ ຄວາມຮັ່ງຮຽມກ່າວເວົ້າ ຄືຄວາມຮັ່ງ”ປັນຍາ“ ພັດທະນາແນວຄິດ ສົ່ງເສີມຄົນເຍົານ້ອຍ ຕີຖອຍຄວາມດອຍໜ້າ ບຸກເບີກຫາແນວໃໝ່ ຊອກທາງປົດປ່ອຍໃຫ້ ຄົນລາວພົ້ນຫ່າງຈົນ ແດ່ເຖີ້ນ ບາງຄວາມເຫັນ: ປະເທດລາວເຮົາ ຍັງບໍ່ທັນພົ້ນທຸກ ຍັງບໍ່ສາມາດ ຖືກຫລຸດພົ້ນ…

ຂໍອານຸຍາດເສີມຕໍ່ ບາງຄໍາຜະຫຍາພາສິດລາວເຮົາ ທີ່ບູຮານເພິ່ນ ໄດ້ຂີດຂຽນແຕ່ງໄວ້ ເປັນຄະຕິ ໃຫ້ຄົນລາວເຮົາໄດ້ຄິດ ກ່ອນຈະກະທໍາສິ່ງໃດລົງໄປ.   ກົບຢູ່ໃນໝໍ້ ເຂົາບໍ່ຕື່ມເຕີມໄຟ ດອກນ່າ ໃຊ້ຫລົວຟືນ ມັນສິ້ນເປືອງ ທັງຄັວນກ້ວາ ເຂົາປ່ອຍຕົວງູເຂົ້າ ລົງດອມນອນຮ່ວມ ຍາມເມື່ອ ກົບສິດີ້ນ ງູກ້ຽວຄ່ອຍກືນ ແທ້ແລ້ວ ຢ້ານແຕ່ ຕົກຕື່ນຮ້ອງ ຄືແມ່ໄກ່ໂຕນຮັງ ຄົນທັງຫລາຍ ບໍ່ໃສ່ໃຈ ສຽງຮ້ອງ ຢ້ານແຕ່ ຝົນນອງຫົ້ງ ໄປໂຮມ ແຕ່ໂພນປວກ ບວກໜູ ມີບໍ່ແພ້ ຝົນເວັ້ນ ແລ່ນກາຍ ໜອງບໍ່ມີຂອນຂັ້ນ ຊາວແຫເຂົາສິຫວ່ານ ລົງແລ້ວ ວົງວານໄດ້ແຕ່ເກື້ອ ຄົນໃບ້ກໍບໍ່ຢໍາ ແທ້ແລ້ວ ຜູ້ນໍາທາງເດີນໜ້າ ໃຫ້ທໍາຕົນ ເໝືອນນົກເຈົ່າ ຍາມເມື່ອບິນເວີ່ນຟ້າ ປະຊາເຊື້ອເລັ່ງຕາມ ຊັ້ນແລ້ວ ມີດົງ ເຂົາຕັດໄມ້ ເອົາຫຍັງມາເປັນປ່າ ພະຍາໄດ້ຂີ່ຊ້າງ ຄົນດຽວ ສັງສິຄ່ອງ ບາດວ່າ ຊ້າງຕົກຄອງ ໃຜ່ສິພ້ອມ…

ສະແດງຄວາມເສົ້າໃຈ ຕໍ່ການຈາກໄປ ຂອງທ່ານຫົງເຫີນ ຂຸນພິທັກ ຕົວເດັ່ນນັກປະພັນ ນັກກະວີລາວ. ເຈົ້າຜູ້ແນວໜໍ່ເຄົ້າ ກະວີແຫ່ງເມືອງລາວ ເປັນຕົວແທນພາທາງ ແຕ່ງຂີດຂຽນບົດເລື້ອງ ຜົນງານມີຫລາຍລົ້ນ ຄວາມຄິດເຫັນສອດສ່ອງ ປະຊາໃຜຕ່າງຮູ້ ຄຸນລໍ້າແກ່ຊາດລາວ ແທ້ແລ້ວ ຜ່ານມາ ຫລາຍເຫດການກໍ່ຂຶ້ນ ເຈົ້າເປັນຫ່ວງໄຂຄວາມ ສັງຄົມການປົກຄອງ ວັດທະນະທໍາ ຈ່ອງໜັກໃຈອວຍເຈົ້າ ອອກຄວາມເຫັນໄຂຂໍ້ ຢາກຕັກເຕືອນບອກກ່າວ ລາວຮັກລາວຈຶ່ງກ້າວ ເປັນທໍາສູ້ຊ່ວຍກັນ ແທ້ແລ້ວ ຫົງເຫີນເຈົ້າເວີ່ນຟ້າ ປີກອ່ອນໃຈຍັງເດັດ ຍົກປະເດັນແຜງລິດ ສົ່ງຄວາມໃນໃຈຕັ້ງ ຈອມພູເຈົ້າເຄີຍຂຶ້ນ ຜາຊັນເຈົ້າເຄີຍໄຕ່ ຮອຍຕີນປະປ່ອຍໄວ້ ກະວີເຊື້ອໄຕ່ຕາມ ເຈົ້າແລ້ວ ຂໍຍົກມືນ່ຽວນ້ອມ ອາໄລຫ່ວງຫວນຫາ ຈາລຶກຄຸນຄວາມດີ ທີ່ທ່ານມີປະໄວ້ ຂໍໃຫ້ ດວງວິນຍານຫົງເຈົ້າ ເຫີນສູງບິນໄປຕໍ່ ເຖິງທີ່ສຸກຍິ່ງລໍ້າ ສະຫວັນຟ້າຢູ່ສະບາຍ ດ້ວຍເຖີ້ນ

ທ່ານນາຍົກ ກັບບັນຫາປະຕູດຽວ ຫລາຍກຸນແຈ(3)(ບົດກອນ ແບບກອນອ່ານປູ່ປາງຄໍາ ກອນເຈັດ) ເພິ່ນວ່າ ນິຕິກໍາບົ່ງແຈ້ງ ພຶດຕິກໍາກໍ່ບັນຫາຄົນລັດເຮົາ ເຊື່ອມຊຶມຜິດຂໍ້ພາສີຄ້າງ ຫາຍໜີຕົກຮົ່ວເກັບບໍ່ໄດ້ ຄົນປ້ອງປ່ອງກິນ ແທ້ແລ້ວ ອັນວ່າ ປະຕູດຽວບົ່ງໄວ້ ອັດຜ່ານທາງທຽວແຕ່ວ່າ ກະແຈມີ ປ່ອຍໄຂກັນໄດ້ພາກັນເວົ້າ ເຮັດໄປທາງໃໝ່ກໍາບໍ່ແໜ້ນ ຜົນໄດ້ບໍດີ ເຈົ້າເອີ້ຍ ເພິ່ນວ່າ ຄວາມບໍ່ຄ້ອງ ສອດຄ່ອງນິຕິກໍາພຶດຕິກໍາ ຕ່າງນິຕິກໍາຊີ້ເປັນມາແລ້ວ ຕາມຄວາມບອກກ່າວເພິ່ນວ່າ ໃຜຕື່ມເວົ້າ ເຊີນຢໍ້າເພິ່ນຮັບເອົາ ແທ້ນ່າ ດ້ວຍເຫດນີ້ຫລາຍສິ່ງຄ້າງ ເຫີນຫ່າງຄວາມຈິງກົດໝາຍມີ ລ່າຍໄປຄົນກໍ້າຈໍາຕ້ອງ ພາກັນແກ້ ສົມດູນສອດຄ່ອງປະປ່ອຍໄວ້ ທະລຸໄດ້ບໍ່ຖືກທາງ ແທ້ແລ້ວ @ວິມາດອກບົວແກ້ວ

ຖິງຈະຊໍ້າ ຕ້ອງທໍາ ຄວາມເຂົ້າໃຈກັນ.(ບົດກອນ ແບບກອນອ່ານປູ່ປາງຄໍາ ກອນເຈັດ) ບາງຄັ້ງ ມີສິ່ງນ້ອຍ ເກີດໃຫຍ່ຊູໃຈຈາດອມກັນ ກ່າວຄໍາຫວານຊ້ອຍຄວາມຮັກ ແສນສຸດຊຶ້ງ ລືມໄລທຸກຢ່າງເໝືອນດັ່ງ ຝອຍອ່ອຍໃໝ້ ໄຟກຸ້ມອຸ່ນໃຈ ເຈົ້າເອີ້ຍ ບາງຄັ້ງ ມີສິ່ງນ້ອຍ ເກີດໃຫຍ່ຕໍາໃຈໂມໂຫກັນ ກ່າວຄໍາຄວາມຊໍ້າຄວາມຮັກ ກາຍເປັນແຄ້ນ ລືມຫລັງທຸກຢ່າງເໝືອນດັ່ງ ຟ້າພ່າແລ້ງ ຝົນຫລີ້ຢູ່ບົນ ພຸ້ນແລ້ວ ຍ້ອນວ່າ ຈິດເຮັ່ງຮ້ອນ ເກີດກໍ່ເປັນໄຟມັນລາມລຸກ ຕໍ່ກັນສອງກໍ້າຜົນແຮງຮ້າຍ ທໍາລາຍສອງຝ່າຍຍາດພີ່ນ້ອງ ເຄືອງຮ້ອນຕໍ່ຕາມ ແທ້ແລວ ຈໍາຕ້ອງ ຫັນອ່ວຍໜ້າ ຈາຕໍ່ດອມກັນດັບໄຟລຸກ ຜ່ອນລົງຕັດພື້ນຄວາມຮັກໝັ້ນ ເນີນນານຍາວຍິ່ງສັງສິ ປະປ່ອຍໃຫ້ ເປັນຫ້າງຫ່າງກັນ ບໍ່ເປັນແລ້ວ @ວິມາດອກບົວແກ້ວຄິດເຖິງບ້ານເກິນ ທີ່ມີນໍ້າງື່ມ ເປັນສາຍໃຈ ຜູກພັນຄວາມຮັກແພງຊາວລ່ອງງື່ມພວກເຮົາ. ຢາກໃຫ້ ວິກິດການໂຄວິດຜ່ານໄປໂດຍໄວ. 

ຊົມ​ເຊີຍ ການ​ນຳ​ຊຸດໃຫມ່ ຂອງ​ຊາດ. ການເລືອກຕັ້ງຜ່ານແລ້ວ ອອກລາຍຊື່ໃນສະພາຜົນ​ຂອງ​ການ​ຕົກ​ລົງ ເພິ່ນເປີດ​ເຜີຍ​ໄຂ​ແຈ້ງປະ​ທານ​ປະ​ເທດ​ພ້ອມ ລັດ​ທະ​ມົນ​ຕີ​ຄົນ​ໃຫມ່ສະມາ​ຊິກທົ່ວ​ຂັ້ນ ສ​ສ​ຊ​ພ້ອມພ່ຳ​ກັນ ເຈົ້າ​ເອີ້ຍ ປວງ​ຊົນ​ຊົມ​ຊື່ນ​ແມ້ງ ຄວາມ​ຫວັງ​ຕໍ່​ຕາມ​ຕິດຄົນ​ລະ​ດັບ​ສຶກສາສູງ ຮ່ວມນໍາມີຫລາຍຂຶ້ນປັນ​ຍາ​ຊົນຮຽນ​ຮູ້ ຜົນ​ງານ​ດີ​ສືບ​ຕໍ່ເປັນຕົວແທນຊ່ວຍໃຫ້ ການຫັນກ້າວປ່ຽນແປງ ທ່ານເອີ້ຍ ພູມໃຈເຖີດທ່ານເຈົ້າ ການ​ນຳ​ໃຫມ່ຊົງ​ຄຸນປວງປະຊາມອບສິດ ຊື່ສຽງດົງດັງແລ້ວຫາ​ທາງ​ດີທໍາສ້າງ ເປັນຂັວນໃຈຍຸກ​ໃຫມ່ສັງ​ຄົມ​ຫວັງ​ຕໍ່​ຕັ້ງ ປະ​ສົງ​ຍູ້​ຊ່ວຍ​ຊູ່ ແທ້​ແລ້ວ ຂໍອວຍພອນສົ່ງໃຫ້ ບັນດາທ່ານທັງຫລາຍກາຍໃຈຊົງພະລັງ ຈົ່ງແຂງແຮງເຮືອງກ້ານໍາພາປວງຊົນກ້າວ ປະເທດລາວເຮືອງຮຸ່ງປັບປຸງສິດເຜົ່າເຊື້ອ ຄົນລາວກ້າວຮ່ວມກັນ ເຈົ້າເອີ້ຍ @ວິມາດອກບົວແກ້ວ

ຢ່າກົວຢ້ານຕື່ນລາຍ.(ກອນທຽມແອກ ຕາມໂຄງແບບ ປູ່ປາງຄໍາ) ສັງມາ ປະປ່ອຍຊ້າງ ກາງເລົ່າດົງເລົາຕາແລມອງ ຊ່ອງນໍາຫານໍ້າດິນແດງແຫ້ງ ພົງໄພຮຽວໄຜ່ໃບລົ່ນຖິ້ມ ເຕັມກ້ອງໄຜ່ກອງ ແທ້ເດ້ ເສືອຄ່ອຍຢ້ອງ ຕານໍ່າແລນໍາມັນຫອດຫິວ ໄລ່ຮາຄວາຍຮ້າແນມເຫັນຊ້າງ ງາຍາວແສນຍ່າວບຸກລ່ວງແຄ້ວນ ມາແຍ້ງບ່ອນແຍງ ເປັນບໍ່ ເສືອເປັ່ງຮ້ອງ ດັງກ່ວາຄວາມກົວຫວັງທໍາຕົນ ໃຫຍ່ໂຕຕົວໂຕ້ທະຍານເຕັ້ນ ຕໍາກໍກົກກໍ່ຫວັງໄລ່ຊ້າງ ໜີເລົ້າປ່າເລົາ ແທ້ນ່າ ຊ້າງ ຈິດບໍ່ເພີ້ ຫລົງເຊື່ອມານເສືອມັນມີກົນ ຕື່ມຕົມຕາມຕົ້ມລາຍມັນແຈ້ງ ເປັນຄູນາບຄູ່ຊ້າງຮູ້ ຢືນຕໍ່ຕັ້ງ ສົມເຊື້ອປາບເສືອ ເຈົ້າເອີ້ຍ @ວິມາດອກບົວແກ້ວ

ສຸດທີ່ເສົ້າໃຈເມື່ອໄດ້ອ່ານຂ່າວ ການຈາກໄປ ຂອງນ້ອງ ຫັດປະໄຊ ໃນມື້ວານນີ້ ຢູ່ເມືອງຫລວງແບກລີນ ທີ່ຮູ້ຈັກຮັກແພງກັນມາແບບອ້າຍນ້ອງ ເລີ້ມແຕ່ເວລາການສຶກສາຄົ້ນຄ້ວາຢູ່ເມືອງດະເຣດສະເດັນ ນານກ່ວາສາມສິບປີ.ໄດ້ມີໂອກາດພົບກັນ ໃນບຸນປີໃຫມ່ລາວທີ່ແບກລີນ ໄດ້ລົມກັນ ດີໃຈທີ່ນ້ອງໄດ້ສ້າງຄອບຄົວ ໄດ້ລູກ ເຮັດວຽກງານ ແລະ ນ້ອງເປັນຜູ້ໃຫ້ການບັນເຖີງສຽງເພັງຕະຫລອດມາ.ບໍ່ຄາດບໍ່ຝັນວ່າ ນ້ອງຈະຈາກກັນໄປ ໃນເວລາອັນນຸ່ມນ້ອຍ ໄວເຊັ່ນນີ້. ຂໍໃຫ້ດວງວິນຍານຂອງນ້ອງຈົ່ງໄປສູ່ທີ່ສຸຂະຕິເຖິງສຸກດ້ວຍເຖີ້ນ.ຂໍແບ່ງເປົາຄວາມໂສກເສົ້າ ນໍາຄອບຄົວ ຄົນຮັກແພງ ແລະຍາດພີ້ນ້ອງ ຂອງນ້ອງທັງຫມົດນໍາດ້ວຍ. ລັບຕາ ຈິດຕໍ່ຕັ້ງ ຫວນເບິ່ງຄວາມຫລັງໃຈສະເທືອນ ລໍ່າມອງເຫັນໜ້າສຽງຈາເວົ້າ ດອມກັນອົບອຸ່ນຮຽນຮໍ່າຮູ້ ໄກບ້ານຫ່າງເມືອງ ແທ້ນ່າ ພວກເຮົາ ໄກຖິ່ນບ້ານ ຮຽນຮໍ່າສຶກສາຮັກແພງກັນ ຮ່ວມວົງກິນເຂົ້າໄປມາພໍ້ ຖາມຄວາມເປັນຢູ່ຕອບຕໍ່ເວົ້າ ເໝືອນນ້ອງຮ່ວມຄີງ ແທ້ແລ້ວ ເຫດປ່ຽນປີ້ນ ແຕກຫ່າງໄກກັນຈາກດະເຣດສະເດັນ ຫ່າງໄປຄົນກໍ້ານ້ອງນັ້ນ ອາໃສຢັ້ງ ແບກລີນຫລວງເມືອງໃຫຍ່ບຸກເບີກສ້າງ ສຸກຊື້ນຕໍ່ມາ ວ່ານ່າ ວານນີ້ ເຫັນຂ່າວແຈ້ງ ນ້ອງຫ່າງໄລລາພະຍາດໜັກ ກໍ່ກໍາດັບເນື້ອໂອ້ ຊີວິດນີ້ ມີຫຍັງຄົງທ່ຽງຮອດມິ່ງມື້ ຈໍາຕ້ອງຫ່າງໄປ ແທ້ນໍ  ຂໍຍົກມື ວອນກ່າວໄຫວ້ ເຖິງທ່ານອິນພົມນໍາເອົາ…

ຢືນໂດດດ່ຽວສູງໄດ້ ໄຮ້ປະໂຫຍດ ຢືນກໍ່ຄວາມໂກດຮ່ວມກັນໄດ້ ໄຮ້ຄຸນຄ່າ ຢືນດ້ວຍແນວຄິດພັດທະນາ ຊາດແລະປະຊາຈະຮຸ່ງເຮືອງ. @ວິມາດອກບົວແກ້ວ

ການເລືອກຕັ້ງຜ່ານແລ້ວ ອອກລາຍຊື່ໃນສະພາ ປັດສະຍາບັນດິດ ຮ່ວມນໍາມີຫລາຍຂຶ້ນ ປອ ສຈ ຈະເປັນຄື້ນ ກະຈາຍສຽງອອກໃຫມ່ ເປັນຕົວແທນຊ່ວຍໃຫ້ ການຫັນກ້າວປ່ຽນແປງ ແທ້ບໍ່? ຢືນດຽວໂດດດ່ຽວໄດ້ ຈະຫມົດຄ່າເສັຍຄຸນ ອຸດນູນກັນຢືນລວມ ຮ່ວມກັນພະລັງກ້າ ພາທາງບຸກບືນຫນ້າ ສົມຍານາມເຕີມຊື່ ຕີຄວາມລືກ່າວເວົ້າ ພຽງມີຊັ້ນຊື່ສູງ ທ່ານເອີ້ຍ ພູມໃຈເຖີດທ່ານເຈົ້າ ໄປນັ່ງໃນສະພາ ປວງປະຊາມອບສິດ ຊື່ສຽງດົງດັງແລ້ວ ຍັງແຕ່ແນວທໍາສ້າງ ເປັນຂັວນໃຈບ່າວໃຜ່ ຈົບສູງເຮັດເກັ່ງໄດ້ ສິສົມຊັ້ນຊື່ສຽງ ແທ້ນ່າ ມວນຊົນແລລໍ່າຈ້ອງ ຕົວແທນທ່ານຂອງຕົນ ພີ່ນ້ອງເອີ້ຍ ທຸກຄົນເຮົາຍິງຊາຍ ຈົ່ງເສີດຊູເປັນເຈົ້າ ເອົາຜົນງານເປັນເຄົ້າ ຕິດຕາມນໍາແນມເບິ່ງ ສສຊ ໃດເຮັດບໍ່ໄດ້ ຈໍາໄວ້ຢ່າເລືອກເອົາ ເທື່ອຫນ້າເດີ້ @ວິມາດອກບົວແກ້ວ

ຢາກເດ້ຢາກເຫັນຄົນເກັ່ງກ້າ ວາດກອນມ່ວນຊູນໃຈຢາກເຫັນຄົນເຮືອງໃສ ຈ່າຍພະຫຍາພາເວົ້າຢາກເຫັນຄົນຂ່ວຍເຕົ້າ ໄຂກະວີສອນສັ່ງສັງສິນໃຊໃຫຍ່ນ້ອຍ ມາປົກປ້ຶງເຜົ່າລາວ ແທ້ນາ @ວິມາດອກບົວແກ້ວ

ມື້ໃຫມ່ ຄວາມຫວັງໃຫມ່.   ໂອ້ ແສງສີທອງສ່ອງຟ້າ ເປັນວັນໃຫມ່ຕາມມາ ການເວລາຫມູນວຽນ ປ່ຽນລະດູເດີນຍ້າຍ ຄວາມຫນາວຫາຍລົງເລື້ອຍ ແສງຕາເວັນແດດອຸ່ນ ເທີດທູນຈິດຊ່ວຍໃຫ້ ໃຈແຂງກ້າຕໍ່ເດີນ ແທ້ແລ້ວ ສຸກທຸກມີທົ່ວແຄ້ວນ ດິນແດນແຫ່ງເມືອງຄົນ ປະປົນເຕັມກັນໄປ ປ່ຽນຮູບຊົງລວງລໍ້ ທໍາຈິດພໍພຽງໄດ້ ສຸກໃຈວາງປະປ່ອຍ ຄອຍດູແລຊ່ວຍຍູ້ ລູກຫລານໃຫ້ໃຫຍ່ສູງ ເຈົາເອີ້ຍ ຫາກເຈົ້າໄດ້ຫວ່ານກ້າ ລົງນາທົ່ງແຄມຫນອງ ຝົນຕົກມາຄອງເຫມືອງ ຈົ່ງລະວັງເອົາໄວ້ ນໍ້າໄຫລມາສິຖ້ວມ ເສັຍແຮງສຸມວຽກໃສ່ ຫາທາງຕັນກໍ່ໄວ້ ດິນນາໃຫ້ຫ່າງໄພ ຄວາມຫວັງຄືສິ່ງຄໍ້າ ບັນເທົາຊ່ວຍທາງຈິດ ການລິຄິດເປັນໄປ ບໍ່ມີໃຜເຫັນໄດ້ ວັນຄືນຫມູນໄປຫນ້າ ຄົນ ຫວັງຫາແນວສົດຊື່ນ ມືນຕາລຸກຕື່ນຂຶ້ນ ບຸນຄຸນລໍ່າແຕ່ລະວັນ ແທ້ແລ້ວ @ວິມາດອກບົວແກ້ວ

ຊົມເຊີຍການປ່າວຮ້ອງ ເລືອກຄົນນັ່ງໃນສະພາ ຊົນຊາດເຮົາຍິງຊາຍ ຈົ່ງເສີດຊູສິດເປັນເຈົ້າ ເລືອກຕົວແທນໄປແລ້ວ ຕິດຕາມນໍາແນມເບິ່ງ ສສ ໃດເຮັດບໍ່ໄດ້ ຈໍາໄວ້ຢ່າເລືອກເອົາ ເທື່ອຫນ້າເດີ້ ຄົນລາວໃນຕ່າງດ້າວ ເຫັນຂ່າວພຽງຄືຝັນ ຍົກຍໍມືຕໍາແສງ ສ່ອງມາຍັງໄກບ້ານ ຂໍຝາກຄວາມຫວັງໄວ້ ຄົນພາຍໃນທຸກທ່ານ ພາກັນຄິດເຫລືອກເຝັ້ນ ຕອງເອົາເຄົ້າແກ່ນນິນ ແດ່ທ້ອນ