ບາງແນວຄິດຕັດຮອນໃສ່ບົດກອນ: ຫລາຍບັນຫາ ທີ່ສະພາສະເຫນີແກ້ ການນໍາຈະເຮັດແທ້ ປະຊາຈ້ອງຕໍ່ຕາມ ແທ້ແລ້ວ.

ບາງແນວຄິດຕັດຮອນໃສ່ບົດກອນ: ຫລາຍບັນຫາ ທີ່ສະພາສະເຫນີແກ້ ການນໍາຈະເຮັດແທ້ ປະຊາຈ້ອງຕໍ່ຕາມ ແທ້ແລ້ວ. ຕົກຕະລຶງຟັງເພິ່ນເວົ້າ ຫລາຍເເນວກໍ່ບັນຫາ ກອງປະຊຸມສະພາ ຕ່າງຊອກຫາແນວເວົ້າ ເອົາບັນຫາຄົງຄ້າງ ມາເຜີຍແບຄືນໃຫມ່ ສສພ ເລັງໃຈຖາມຢໍ່ຈີ້ມ ທວງຫລາຍຂັ້ນທ່ານນໍາ ບັນຫາທວງເລັ່ງແກ້ ຟົດເດືອດໃສ່ເສດຖະກິດ ຫລາຍແນວໄປຜິດທາງ ຕ່າງເຂດໝາຍມອງໄວ້ ລັດວິສາຫະກິດຄວນໄດ້ ຈັດສັນກັນຄືນໃໝ່ ອັນໃດດີສືບຕໍ່ໄດ້ ອັນໃດເຈັ້ງຮ່ອນລົງ ເພິ່ນວ່ານ່າ ອັນທີ່ໜັກໜ່ວງແທ້ ຢືມເງິນເພິ່ນລົງທຶນ ມັນຫາກຈໍາເປັນທໍາ ເພື່ອຢາກແປງເມືອງບ້ານ ສະສົມນານມາແລ້ວ ເຖິງຍາມຈໍາເປັນຈ່າຍ ຫລາຍຕື້ຈັດສົ່ງໃຫ້ ຊັບສິນຄໍ້າສົ່ງເຂົາ ນັ້ນແລ້ວ ອັນນຶ່ງ ການກວດກາຈ່າວຮູ້ ຍັງມີຕໍ່ຕາມມາ ພວກຊອກຫາໂກງກິນ ຢູ່ຂອກແຄແຈຮົ້ວ ເລກປັບຕົວປິດໄວ້ ໄຂໄປແບບຫລຸດຄ່າ ເປັນບັນຫາບໍ່ແລ້ວ ຈະໂດນຫນ້າຕໍ່ໄປ ແທ້ບໍ່? ທ່ານນາຍົກກໍຮ່ວນຮູ້ ບັນດາສິ່ງສົກກະໂປະ ທັງໂຕການໃນພຸງ ໝູ່ໜອນເຈາະກິນໃສ້ ຫາຢາໃດມາແກ້ ຍັງຂາດຄຸນເສັຍຄ່າ ໂອນໍ ຊາດເມືອງລາວມິ່ງຂ້າ ຍັງຈະກົ້ວມົ່ນໄກ ຢູ່ບໍ? ລັດຖະມົນຕີ ທຸກທ່ານເວົ້າ…

ດີໃຈທີ່ໄດ້ມີໂອກາດພົບປະກັບ ທ່ານ ນາງ ຂັນທະລີ ສີລິພົງພັນ ຮອງລັດຖະມົນຕີກະຊວງສຶກສາ

ດີໃຈທີ່ໄດ້ມີໂອກາດພົບປະກັບ ທ່ານ ນາງ ຂັນທະລີ ສີລິພົງພັນ ຮອງລັດຖະມົນຕີກະຊວງສຶກສາ ແລະ ຫົວຫນ້າກົມພົວພັນການຕ່າງປະເທດຂອງກະຊວງ ທີ່ຕິດຕາມ ໄດ້ເດີນທາງໄປເຄື່ອນໄຫວ ຢູ່ເຢັຍລະມັນ ເຂົ້າຮ່ວມກອງປະຊຸມ ຂອງສະມາຄົມການສຶກສາຊຸມຊົນຊັ້ນສູງຂອງເຢັຍລະມັນ ປະຈໍາປີ 2022 ທີ່ຈັດຂຶ້ນຢູ່ເມືອງແລບຊີກ ໃນວັນທີ 20 ຫາວັນທີ 21.06.2022. ການພົບປະໄດ້ພາໃຫ້ຫວນຄິດເຖິງວັນເວລາກ່ອນຫນ້ານີ້ ທີ່ໄດ້ເຮັດວຽກງານການຈັດຕັ້ງແມ່ຍິງແລະຊາວນຸ່ມ ແລະ ເປັນອາຈານສອນຮ່ວມກັນ ທີ່ມະຫາວິທະຍາໄລຊັບພະວິຊາສອງທັນວາ ແລ້ວກໍໄດ້ພັດພາກຈາກກັນເປັນເວລາອັນດົນນານ ຈຶ່ງມີໂອກາດໄດ້ມາພົບຫນ້າພໍ້ຕາກັນ ແຕ່ກໍຍັງສະແດງອອກໃນຄວາມຮັກແພງອັນດູດດື່ມບໍ່ຫລົງລືມເຫມືອນເດີມ. ເສັຍໃຈທີ່ມີເວລາມີຫນ້ອຍ ໄດ້ນໍາພາເພິ່ນທ່ຽວຊົມ ມະຫາວິທະຍາໄລແລບຊີກ (ທີ່ຕົນເອງ ແລະ ເມັຍ ໄດ້ສຶກສາຢູ່ ແລະ ນັກສຶກລາວເປັນຈໍານວນຫລວງຫລາຍໃນຕອນນັ້ນ), ໄດ້ຂຶ້ນດາດຟ້າຈອມຫໍສູງມະຫາວິທະຍາໄລຊົມວີວ, ໄດ້ຢ່າງທ່ຽວໃນຕົວເມືອງ, ໄດ້ຂີ່ລົດຜ່ານຖະຫນົນຫໍພັກອາດີດນັກສຶກສາລາວທີ່ເຄີຍອາໃສ ໄປເບິ່ງ ອານຸສາວະລີຈາຫລຶກການຕໍ່ສູ້ສົງຄາມປະຊາຊົນປະຫວັດສາດ ທີ່ກາຍເປັນບ່ອນທ່ອງທ່ຽວຈຸດນຶ່ງທີ່ລືຊື່ຂອງເມືອງແລບຊີກໃນປະຈຸບັນ. ເປັນສ່ວນນຶ່ງທີ່ໃຫ້ເພິ່ນໄດ້ເຫັນເຖິງການຂະຫຍາຍຕົວ ທາງດ້ານການສຶກສາ ແລະ ສັງຄົມຂອງເຢັຍລະມັນ.

ບາງແນວຄິດຕໍ່ ການຈໍາຫນ່າຍພັນທະບັດ ທຫລ ປີ 2022.

ບາງແນວຄິດຕໍ່ ການຈໍາຫນ່າຍພັນທະບັດ ທຫລ ປີ 2022. ການອອກພັນທະບັດຜ່ານມາ ກໍມີບາງປະເທດເຂົາເຮັດ ແຕ່ບ້ານເຮົາ ບໍ່ຄືບ້ານເຂົາແຕກຕ່າງກັນຢູທີ່ ພື້ນຖານການຜະຫລິດ ແລະ ໂຄງຮ່າງເສດຖະກິດ. ບ້ານເຮົາຄົງຈະມີຜູ້ເຂົ້າໃຈ ໃນທິດສະດີເງີນເຟີ້ ແລ້ວສະເຫນີວິທີການຢັບຢັ້ງ ໃຫ້ລັດປະຕິບັດ. ສິ່ງນຶ່ງທີ່ ທິດສະດີເງິນເຟີ້ ບອກໃຫ້ຮູ້ວ່າ ຖ້າໃນສັງຄົມໃດນຶ່ງ ມີເງິນ (ນັບທັງເງິນກີບ ແລະ ເງິນຕ່າງປະເທດ) ໝູນວຽນຫລາຍໂພດ ຫລາຍກ່ວາ ສິນຄ້າທີ່ມີຈໍາຫນ່າຍ ຫລື ບໍ່ພຽງພໍ ກໍຄື ຄວາມຕ້ອງການຂອງຄົນໃນສັງຄົມມີສູງກ່ວາ ຄວາມສາມາດທີ່ຈະຖືກຕອບສະຫນອງໄດ້ໃຫ້ພຽງພໍ. ດັ່ງນັ້ນ ຈຶ່ງເຮັດໃຫ້ລາຄາສິນຄ້າແພງຂຶ້ນ ສົມທົບໃສ່ກັບຕົ້ນທຶນສູງໃນການຜະຫລິດ ແລະ ການຂົນສົ່ງ ຍ້ອນລາຄານໍ້າມັນແພງຂຶ້ນ ລາຄາສິນຄ້າຍິ່ງຖີບຕົວຂຶ້ນສູງ ເປັນຕົ້ນແມ່ນສິນຄ້ານໍາເຂົ້າ ເຮັດໃຫ້ເງິນ ໃນຈໍານວນເດີມ ບໍ່ສາມາດຊື້ໄດ້ຫລາຍຄືຜ່ານມາ ເອີ້ນວ່າເງິນອ່ອນຄ່າ ເປັນເງິນເຟີ້ ຫນ້ອຍ ຫລື ຫລາຍນັ້ນ ແມ່ນຖືກຈັດໄປຕາມອັດເປີເຊັນ ຖ້າກາຍ 2% ຂຶ້ນໄປ ເຕັກຫນ້າເລີຍຽຖືວ່າ ສັງຄົມພວມກ້າວໄປສູ່ວິກິດການໄຟເງິນເຟີ້ ນັ້ນເອງ.…

ຊວນຄິດ: ເວລາເປັນເງິນເປັນຄໍາແທ້ບໍ?

ຊວນຄິດ: ເວລາເປັນເງິນເປັນຄໍາແທ້ບໍ? ໃນການດໍາລົງຊີວິດຫາລ້ຽງຊີບຂອງຄົນເຮົາ ໃນການເຮັດວຽກເຮັດງານ ວິ້ງເຕັ້ນຊື້ ຂາຍເຮັດຖຸລະກິດ ຄົນສ່ວນຫລວງຫລາຍ ຈະຟ້າວຝັ່ງຂ້ຽວຂອດ ແລະ ມັກຈະເວົ້າກັນເລີຍໆວ່າ: “ເວລາເປັນເງິນເປັນຄໍາ“ ຫລື “ເວລາຄືເງິນຄືຄໍາ“. ຄວາມເວົ້າດັ່ງກ່າວ ຖືກຕ້ອງແທ້ບໍ? ຖ້າຍັງມີຄົນເຂົ້າໃຈແບບນີ້ຢູ່ຕະຫລອດໄປ ຢາກຂໍຝາກແນວຄິດຄວາມເຫັນ ໂດຍອີງໃສ່ຄວາມເຫັນ ຂອງຫລາຍໆຄົນຜູ້ໄດ້ຄົ້ນຄິດ ມາແລ້ວຕໍ່ບັນຫາດັ່ງກ່າວ ແລະ ໄດ້ປັບປ່ຽນໂຕເອງ ຍ້ອນຮູ້ໄດ້ເຖິງຄຸນຄ່າອັນແທ້ຈິງຂອງຊີວິດ ທີ່ຕິດພັນກັບ “ເວລາຂອງຊີວິດ“ ຄືຖ້າມັນຜ່ານໄປແລ້ວ ຈະບໍ່ກັບຄືນມາອີກ. ຫາກເຫັນວ່າ “ເວລາເປັນເງິນເປັນຄໍາ“ ແມ່ນບໍ່ຖືກຕ້ອງເສັຍແລ້ວ. ຖ້າເຫັນແຕ່ດັ່ງນີ້ໄປ ອາດຈະພາໃຫ້ຕົນເອງເປັນທຸກໄດ້. ເງິນຄໍາຫລືຊັບສິນ ຖ້າຫມົດໄປແລ້ວ ຍັງສາມາດຫາໃຫມ່ໄດ້ ແຕ່ ເວລາແຫ່ງຊີວິດຂອງຄົນເຮົາ ແຕ່ລະວິນາທີ ຫາກຜ່ານໄປ ແມ່ນຫມົດໄປ ລື້ມຄືນໃຫມ່ ຫລື ຫາໃຫມ່ບໍ່ໄດ້, ມັນຕ່າງຈາກການຫາເງິນ. ດັ່ງນັ້ນ ຈຶ່ງເວົ້າໄດ້ວ່າ ເວລາມີຄຸນຄ່າຕ່າງຈາກເງິນ ແຕ່ຄົນສ່ວນຫລາຍ ມັກເຂົ້າໃຈວ່າ ເສັຍເວລາແມ່ນເສັຍເງິນ ແຕ່ໃນຕົວຈິງແມ່ນເສັຍເວລາຊີວິດຂອງຕົນເອງ ທີ່ມີຢູ່ນັ້ນ ນັບມື້ນັບສັ້ນໄປເທົ່ານັ້ນ. ດັ່ງນັ້ນ ຄວນໃຊ້ເວລາຊີວິດຂອງຕົນເອງ…

ເພັງນີ້ຈະອອກໃຫມ່ຕ້ອນຮັບບຸນປີໃຫມ່ລາວທີ່ຈະມາເຖິງ

ເພັງນີ້ຈະອອກໃຫມ່ຕ້ອນຮັບບຸນປີໃຫມ່ລາວທີ່ຈະມາເຖິງ. ເປັນເພັງທໍາອິດໃນຊີວິດທີ່ໄດ້ແຕ່ງຂຶ້ນ. ເຊີນເພື່ອນເຟສ ຈົ່ງຕິດຕາມ ໃຫ້ກໍາລັງໃຈ ແລະ ຫວັງວ່າ ເພັງນີ້ ໃນຈັງວະບັດສະລົບ ຈະສາມາດປະກອບສ່ວນ ພາກັນຟ້ອນເຮັດໃຫ້ງານບຸນປີໃຫມ່ລາວປີນີ້ ຟົດຟື້ນຂຶ້ນຕື່ມ. My First Song . The song is coming soon for the Lao New Year.

ປັນຄວາມຊົງຈໍາອັນດີ ໄດ້ຕາງຫນ້າໃຫ້ແກ່ໂຮງຮຽນມູນລະປະຖົມສົມບູນບ້ານໂພນແຮ່

ປັນຄວາມຊົງຈໍາອັນດີ ໄດ້ຕາງຫນ້າໃຫ້ແກ່ໂຮງຮຽນມູນລະປະຖົມສົມບູນບ້ານໂພນແຮ່ ມອບໃບຍ້ອງຍໍ ໃຫ້ແກ່ຜູ້ຕາງຫນ້າ ຂອງໂຮງຮຽນແຮກສ່ຽວ ທີ່ເມືອງແອກຟອດ ປະເທດເຢັຍລະມັນ ທີ່ໄດ້ໃຫ້ການຊ່ວຍເຫລືອໂຮງຮຽນ ຕະຫລອດມາ. Schule am Adreasried Erfurt

ຫມັດໄຟ ສາມາດກະຈາຍ ເປັນແສງຕາເວັນໄດ້ ຫາກໃຈເຖິງ! ມີຄົນພ້ອມ.

ຫມັດໄຟ ສາມາດກະຈາຍ ເປັນແສງຕາເວັນໄດ້ ຫາກໃຈເຖິງ! ມີຄົນພ້ອມ. ຍາມແລງ ຕາເວັນແດງສ່ອງຟ້າ ຝາກຝັ່ງບົວລະພາ ສາຍທາລາເປັນສີຄາມ ສ່ອງລົງເປັນເງົາແຈ້ງ ມີລົມແຮງເຢັນຊ້ອຍ ພັດວອຍໆເມືອງແມ່ ຄິດເຫັນແພລ່ອງນໍ້າ ເວີນວັງກ້ວາງງື່ມເຮົາ ແທ້ເດ້ ຕາແລນໍາງື່ມຂ້ອຍ ສະອອນຍິ່ງໃນໃຈ ຄິດເຖິງໃນຄວາມຫລັງ ຜ່ານກາຍມາດົນແລ້ວ ແຖວແຄມງື່ມຕອນນັ້ນ ເປີດແປນກັນເຖິງຝັ່ງ ຍັງມີບ່ອນແລ່ນຫລິ້ນ ໄປທຽວຂຶ້ນໄຫລ່ກັນ ເຈົ້າເອີ້ຍ ຕອນນັ້ນ ໂຮງຮຽນລັດຖືກກໍ່ຕັ້ງ ມີຫລາຍບ່ອນປຸກແປງ ໜຸ່ມນ້ອຍ ຊອກສະແຫວງຫາຮຽນ ສົ່ງເສີມກັນໄປຫນ້າ ມາບາດນີ້ ໂຮງຮຽນຈະເປັນຮ້າງ ມູນລະປະຖົມໂພນແຮ່ ຈະເຫລືອແຕ່ຊື່ໄວ້ ຫາຍສູນສິ້ນເສື່ອມໄປ ແທ້ບໍ່? ມີສຽງຊວນເຊື່ອເວົ້າ ໂຮງຮຽນອ່ອນຈໍານວນຄົນ ຈະສົນຫຍັງປຸກແປງ ຈ່າຍເງິນໄປໝູນໃຊ້ ເລີຍເປັນໄປຄືແກ້ງ ຖະແຫລງໄປທາງໃຫມ່ ໂຮງຮຽນເລີຍບໍ່ໄດ້ ເງິນຫາຍສິ້ນເສື່ອມສູນ ສິເປັນບໍ່? ຄວາມຫວັງຍັງບໍ່ສິ້ນ ແສງຄົງສ່ອງຄືນມາ ສາຍທາລາສີທອງ ງື່ມເຮົາຜູກພັນໄວ້ ກໍາລັງໃຈລູກຫລານບ້ານ ເຄີຍຮຽນສຶກສາຜ່ານ ຄົງປະສານສື່ກ້ອງ ຫລາຍຄົນຮູ້ປ່າວກັນ ເຈົ້າເອີ້ຍ @ວິມາດອກບົວແກ້ວ

ສົມຄວນບໍ່ທີ່ຊື່ສຽງຕັ້ງແຕ່ໃດໆມາ ແລະ ມູນເຊື້ອອັນດີງາມ ຂອງໂຮງຮຽນມູນລະປະຖົມບ້ານໂພນແຮ່ບ້ານເກິນ ຈະຫາຍສາບສູນໄປ?

ສົມຄວນບໍ່ທີ່ຊື່ສຽງຕັ້ງແຕ່ໃດໆມາ ແລະ ມູນເຊື້ອອັນດີງາມ ຂອງໂຮງຮຽນມູນລະປະຖົມບ້ານໂພນແຮ່ບ້ານເກິນ ຈະຫາຍສາບສູນໄປ? ຄິດເຖິງເດ້ ຄິດເຖິງແນວຜ່ານພົ້ນ ເຫດການປ່ຽນແປງມາ ເປັນເວລາຕິດພັນ ຫ່າງກັນໃຈຍັງຊຶ້ງ ຕົກຕະລຶງບາງຄັ້ງ ສັງມາເປັນລາຍຕ່າງ ທາງເດີນແປງກໍ່ໄວ້ ສັງຈະສິ້ນເສື່ອມໄປ ເດ້ນໍ່ ມີຄົນມັກເບິ່ງຂ້າມ ຫລືໃຈປ່ຽນກົງໄປ ຄວາມສົນໃຈຜິດທາງ ຕ່າງແຕກກັນຫລາຍກໍ້າ ຫລືແນມນໍາຜົນໄດ້ ເລີຍລືມໄລຄຸນຄ່າ ລູກປະຊາຄົນປ່ອມດ້ອຍ ເງື່ອນໄຂຫນ້ອຍຕໍ່ໄປ ສິເປັນບໍ່? ແນ່ນອນ ການພັດທະນາປ່ຽນປີ້ນ ເປັນກົດແຫ່ງສັງຄົມ ມີແນວກົມກຽວກັນ ສິ່ງດີຮັກສາໄວ້ ລາຄາມີບອກໃຫ້ ຄວນນໍາໄປປຸກກໍ່ ຫາທາງສືບຕໍ່ໄວ້ ລູກຫລານໄດ້ຮໍ່າຮຽນ ແທ້ແລ້ວ ຄິດເຫັນ ຄົນເພິ່ນພຸ້ນ ສັດທາໃຫຍ່ເຊີຍຊູ ດູແລອຸດໜູນມາ ຄ່າຄຸນມີສູງລໍ້າ ທັງນໍ້າໃຈແຮງກ້າ ອຸທິດມາຊູຊ່ວຍ ຫາກຈະຫາຍປ່ວຍຖິ້ມ ສິອາຍບ້ານເພິ່ນແລ ທ່ານເອີ້ຍ ຄິດເຫັນ ບຸນຄຸນທຸກທ່ານເຈົ້າ ສາຍເລືອດແຫ່ງທຸລະຄົມ ລະດົມກັນໂຮມໃຈ ກໍ່ແປງໂຮງຮຽນຂຶ້ນ ຍໍຍື່ນດິນປຸກສ້າງ ຮັກສາມາສືບຕໍ່ ບໍ່ຂໍລືມຜູ່ໃຫ້ ຮັກສາໄວ້ຊື່ສຽງ ເຈົ້າເອີ້ຍ ຫວັງວ່າ…

ໂຮງຮຽນມູນລະປະຖົມໂພນແຮ່ບ້ານເກິນ

ໂຮງຮຽນມູນລະປະຖົມໂພນແຮ່ບ້ານເກິນ ໄດ້ຮັບການຊ່ວຍເຫລືອນັບແຕ່ປີ 1997 ເປັນຕົ້າມາ ໃນເບື້ອງຕົນ ແມ່ນຈາກຄອບຄົວວິມາລາວົງ ຕໍ່ມາ ໂຮງຮຽນເມືອງແອກຟອດ ປະເທດເຢັຍລະມັນໄດ້ປະກອບສ່ວນຊ່ວຍເຫລືອທຶນຮອນຈໍານວນຫລວງຫລາຍ ໃນການສ້ອມແປງກໍ່ສ້າງ ໃນແຕ່ລະປີຈົນມາເຖິງປະຈຸບັນ ເປັນການພົວພັນແບບແຮກສ່ຽວຂອງສອງໂຮງຮຽນ. ຄູສອນຈາກເຢັຍລະມັນໄດ້ມາຢ້ຽມຢາມໂຮງຮຽນບ້ານໂພນແຮ່ ແລະ ຄູສອນຈາກໂຮງຮຽນໂພນແຮ່ ກໍຖືກເຊີນໄປທັດສະນະສຶກສາຢູ່ເຢັຍລະມັນ ທັງຫມົດໄດ້ກາຍເປັນຄວາມຮັກແພງສາມັກຄີກັນມາໄດ້ດີຕະຫລອດ. ໃນບໍ່ດົນມານີ້ ຂ້າພະເຈົ້າເອງ ໄດ້ຮັບຂ່າວຈາກຍາດມິດທາງບ້ານເກິນວ່າ ໂຮງຮຽນໄດ້ຖືກຜົນກະທົບຈາກໂຄງການ ທີ່ຈະກໍ່ສ້າງເດີນບິນບ້ານເກິນຄືນໃຫມ່ ແຕ່ບໍ່ຮູ້ລະອຽດກ່ຽວກັບໂຄງການດັ່ງກ່າວວ່າໃຜຮັບຜິດຊອບ. ພ້ອມດຽວກັນນັ້ນກໍໄດ້ຮັບຂ່າວຈາກຫົວຫນ້າແນວໂຮມບ້ານໂພນແຮ່ ບອກໃຫ້ຮູ້ວ່າ ໂຄງການໄດ້ຕີລາຄາ ຄ່າຊົດເຊີຍໂຮງຮຽນ ແລະ ທີ່ດິນແລ້ວ ແລະ ມອບເງິນໃຫ້ແກ່ເມືອງທຸລະຄົມ ແລະ ໄດ້ມີການແບ່ງປັນກັນໃຫ້ແກ່ພາກສ່ວນຕ່າງໆຂອງເມືອງແລ້ວ (ມີເອກກະສານ ຈາກຄະນະອໍານວຍການ ແລະ ແນວໂຮມບ້ານໂພນແຮ່ ຍື່ນເຂົ້າ ຂາເຂົ້າຂາອອກຂອງກະຊວງສຶກສາໃນວັນທີ 23.11.2021 ຜ່ານມາ). ຫມາຍຄວາມວ່າ ຈະບໍມີການປຸກສ້າງໂຮງຮຽນຫລັງໃຫມ່ຂຶ້ນແທນແຕ່ຢ່າງໃດ ຊຶ່ງຕ້ານຕໍ່ຈຸດປະສົງຂອງປະຊາຊົນ ກໍຄືພໍ່ແມ່ນັກຮຽນບ້ານໂພນແຮ່. ຂ້າພະເຈົ້າເອງເມື່ອໄດ້ຮັບຂ່າວກໍໄດ້ມີການປຶກສາຫາລືກັບຄະນະອໍານວຍການແລະ ຄູອາຈານສອນ ທີ່ເມືອງແອກຟອດ ແລະ ໄດ້ຕົກລົງເປັນເອກກະພາບກັນວ່າ ສະເຫນີໃຫ້ມີການປຸກສ້າງໂຮງຮຽນຫລັງໃຫມ່ຂຶ້ນແທນ ດ້ວຍເງິນທີ່ໂຄງການຊົດເຊີຍໃຫ້ ເພາະຍັງມີຈຸດປະສົງ ຢາກສືບຕໍ່ການຊ່ວຍເຫລືອຕ່າງໆສືບຕໍ່ໄປ. ພ້ອມດຽວກັນນັ້ນ…

ບາງຮູບພາບແຫ່ງຄວາມຊົງຈໍາ ພາໃຫ້ຄິດເຖິງອານາຄົດ

ບາງຮູບພາບແຫ່ງຄວາມຊົງຈໍາ ພາໃຫ້ຄິດເຖິງອານາຄົດ ຂອງໂຮງຮຽນສົມບູນສຶກສາໂພນແຮ່ບ້ານເກິນ ໃນເມື່ອກ່ອນຕັ້ງແຕ່ ປີ 1997 ເປັນຕົ້ນມາ ຈົນເຖິງປະຈຸບັນ ໂຮງຮຽນບ້ານໂພນແຮ່ ໄດ້ມີການປ່ຽນແປງຫລາຍຢ່າງ ດ້ວຍການຊ່ວຍເຫລືອ ຈາກຄອບຄົວວິມາລາວົງ(ໃນເບື້ອງຕົ້ນ) ແລະ ຕໍ່ມາ ໄດ້ມີການສົມທົບທຶນການຊ່ວຍເຫລືອຢ່າງຫລວງຫລາຍປະກອບສ່ວນໃນການສ້ອມແປງກໍ່ສ້າງຕ່າງໆ ຈາກໂຮງຣຽນຂອງເມືອງແອກຟອດ ທີ່ປະເທດເຢັຍລະມັນ. ຕົນເອງພ້ອມດ້ວຍຄອບຄົວ ແລະ ຄູສອນຈາກເຢັຍລະມັນ ໄດ້ທຽວມາຢ້ຽມຢາມໂຮງຮຽນບ້ານເກິນ ບ້ານເກີດເມືອງນອນ ຈຶ່ງເຫັນໄດ້ຄວາມຕ້ອງການຕົວຈິງຂອງໂຮງຮຽນ ແລະ ໄດ້ຫາທາງຊ່ວຍເຫລືອຕະຫລອດມາ. ຄູສອນຈາກໂຮງຮຽນໂພນແຮ່ ກໍໄດ້ຖືກເຊີນໄປທັດສະນະສຶກສາຢ້ຽມຢາມໂຮງຮຽນທີ່ເຢັຍລະມັນ. ການພົວພັນທັງຫມົດໃນຜ່ານມາ ໄດ້ກາຍເປັນການຜູກຮັດຄວາມຮັກແພງ „ແບບແຮກສ່ຽວ“ ຂອງສອງໂຮງຮຽນຕະຫລອດມາ ຈົນເຖິງປະຈຸບັນ. ຍ້ອນໄດ້ຮັບຂ່າວ ວ່າໂຮງຮຽນສົມບູນສຶກສາໂພນແຮ່ບ້ານເກິນ ມີຜົນສະທ້ອນຈາກການຈະກໍ່ສ້າງເດີນບິນບ້ານເກິນຄືນໃຫມ່ ຊຶ່ງຈະເຮັດໃຫ້ ໂຮງຮຽນ ຖືກມ້າງ ໃນຕໍ່ຫນ້ານີ້ ແລະ ເສັຍທີ່ດິນໄປ. ເມື່ອໄດ້ຮັບຂ່າວດັ່ງກ່າວ(ເຖິງວ່າຍັງບໍ່ເປັນທາງການໃຫ້ຮູ້ນໍາກໍຕາມ!) ຕົນເອງພ້ອມດ້ວຍຄອບຄົວຍາດຕິພີ້ນ້ອງ ແລະ ບັນດາຄູອາຈານສອນຂອງໂຮງຮຽນເມືອງແອກຟອດ ປະເທດເຢັຍລະມັນ ສຸດທີ່ມີຄວາມເປັນຫ່ວງຕໍ່ອານາຄົດຂອງລູກຫລານ ຂອງຄູສອນ ແລະ ຂອງໂຮງຮຽນດັ່ງກ່າວ. ຍ້ອນຜູ້ຊ່ວຍເຫລືອ ທາງເຢັຍລະມັນ ຍັງມີຈຸດປະສົງ ຈະສືບຕໍ່ໃຫ້ການຊ່ວຍເຫລືອ ການສອນ…

ຈາກບາງຄວາມເຫັນໃນມື້ນັ້ນ ກໍເດືອນນຶ່ງແລ້ວ

ຈາກບາງຄວາມເຫັນໃນມື້ນັ້ນ ກໍເດືອນນຶ່ງແລ້ວ https://www.facebook.com/bouakeovimalavong/posts/4489327987811782 ມາເຖິງມື້ນີ້ ລັດຖະບານຈຶ່ງກໍານົດການເປີດປະເທດຕ້ອນຮັບນັກທ່ອງທ່ຽວ ທີ່ຈະເລີ້ມໃນ ວັນທີ່ 01. ມັງກອນ 2022 ເປັນຕົ້ນໄປ. ເປັນການລິເລີ້ມທົດລອງ ທີ່ຈະເປັນການກະຕຸ້ນຢ່າງແຮງ ຕໍ່ການທ່ອງທ່ຽວລາວ ໃຫ້ມີການເຫນັງຕີງຂຶ້ນ ຊຸກຫຍູ້ ເສດຖະກິດ ໃຫ້ສາມາດຄ່ອຍຟື້ນຕົວຄືນໃຫມ່ ຈະເຮັດໃຫ້ປະຊາຊົນມີລາຍໄດ້ ແຕ່ ການເປີດປະເທດ ຕ້ອງໄດ້ມີການປະຕິບັດມາດຕາການປ້ອງກັນການຕິດເຊື້ອ ສືບຕໍ່ໄປ ດ້ວຍຄວາມຮັບຜິດຊອບສູງ ຂອງທຸກຝ່າຍ ທັງຜູ້ໃຫ້ການບໍລິການ ແລະ ຜູ້ທ່ອງທ່ຽວ ກໍຄື ທຸກຄົນໃນສັງຄົມ. ຂໍໃຫ້ ການເປີດປະເທດຈົ່ງຖືກດໍາເນີນຂຶ້ນ ດ້ວຍຜົນສໍາເຫລັດອັນດີ ຮັບປະກັນ ເປັນກ້າວໆໄປ.

ທ່ານນາຍົກ ເວົ້າວ່າ ມີພະນັກງານສາມຊັ້ນ ແມ່ນຄວາມເພິ່ນບໍ່ນໍ?

ທ່ານນາຍົກ ເວົ້າວ່າ ມີພະນັກງານສາມຊັ້ນ ແມ່ນຄວາມເພິ່ນບໍ່ນໍ? ຟັງນາຍົກເພິ່ນເວົ້າ ການຈັດແບ່ງພະນັກງານ ອອກເປັນສາມປະການ ຕ່າງກັນຄົນລາວຂ້ອຍ ຟັງຄົນສອຍຫົວເຢີ້ຍ ເລີຍອາຍຕາງຄວາມກ່າວ ລາວເປັນລາວຮ່ວມເຊື້ອ ສັງມາປີ້ນປ່ຽນໄປ ເດ້ນໍ ເພິ່ນວ່າ ມີຄົນຢາກກໍ່ສ້າງ ເອົາໃຈໃສ່ການງານ ພະນັກງານເຈັດສິບເປີເຊັນ ເຄື່ອນໄຫວເປັນພໍແລ້ວ ເຫລືອນັ້ນແນວຕໍ່ຕ້ານ ຮັກສາເດີມຄອງເກົ່າ ຫລາຍຄົນໄດ້ແຕ່ເວົ້າ ຫາຄົນຮ້ອງບໍ່ມີ ເຈົ້າເອີ້ຍ ຫາກວ່າເປັນດັ່ງເວົ້າ ໃນຄວາມກ່າວເປັນຈິງ ຫລິງແລເມືອງລາວເຮົາ ຜ່ານມາເຖິງດຽວນີ້ ຈະດີຫຍັງຫລາຍຂຶ້ນ ຫາກຫລາຍຄົນຄືເກົ່າ 1ເປີເຊັນເທົ່ານັ້ນ ປອດໃສແທ້ເພື່ອປະຊາ ແມ່ນບໍ່? ຄິດເຫັນ ສຽວສະຫວາດກ່າວໄວ້ ນົກອ່ຽງໂມ່ງແຊວສຽງ ອອກສໍານຽງໃນໂພໄຊ ນັ່ນນອງກັນບົນຮ້ອງ ພາກັນແຊວແຊວຮ້ອງ ໂຕດຽວດັງໝົດໝູ່ ໝາກໂພໄຊລຸຫລົ່ນແລ້ວ ສຽງແຊວຮ້ອງຄ່ອຍມິດໄປ ແທ້ບໍ່? ນາຍົກເພິ່ນກ່າວໃຫ້ ພະນັກງານຈົ່ງປັບໃຈ ດັດແປງໄຂຕົນເອງ ຊູ່ກຸ່ມຄົນຫັນຫ້າວ ພະນັກງານລາວຄືເສົາຄໍ້າ ຢືນຊໍາຕົມລໍາສິເນົ່າ 70%ບຸກເຄັ່ງເຂົ້າ ໃຫ້ທັນກ້າວແລ່ນລົດໄຟ ລາວເຮົາເອີ້ຍ @ວິມາດອກບົວແກ້ວ

ບາງຄວາມເຫັນ ແມ່ນຫຍັງແທ້ ທີ່ສໍາຄັນໃຫ້ແກ່ການບໍລິການລົດໄຟ ລາວ-ຈີນ?

ບາງຄວາມເຫັນ ແມ່ນຫຍັງແທ້ ທີ່ສໍາຄັນໃຫ້ແກ່ການບໍລິການລົດໄຟ ລາວ-ຈີນ? ລາວເຮົາ ໄດ້ກາຍເປັນຈຸດຈັບຈ້ອງສາຍຕາ ຈາກຫລາຍໆສື່ມວນຊົນໃນສາກົນ ແລະ ໂດຍສະເພາະ ແມ່ນສື່ມວນຊົນຂອງໄທ ແຕ່ໃດມາ ແລະ ຍັງຈະມີສືບຕໍ່ໄປ, ໂດຍສະເພາະ ແມ່ນຂ່າວຄືບຫນ້າກ່ຽວກັບ ລົດໄຟ ລາວ-ຈີນ ທີ່ລາວໄດ້ລໍ້າໜ້າ ສ້າງຄວາມຕື່ນເຕັ້ນ ເຮັດໃຫ້ສື່ມວນຊົນຕ່າງໆມີການຕື່ນຂ່າວຫລາຍຍິ່ງຂຶ້ນ. ອັນທີ່ ມີຂ່າວເວົ້າເຖິງເລື້ອງຄວາມໄວ ຂອງລົດໄຟ ລາວ-ຈີນ ວ່າ ຖືກ ຫລື ຜິດ ນັ້ນ ໄດ້ກາຍເປັນກະແສຂ່າວດັງຂຶ້ນ ແລະ ມີຜູ້ຫາທາງອະທິບາຍຕ່າງໆນາໆ. ລົດໄຟ ຈະແລ່ນ ໄວຫລືຊ້າ ກໍສໍາຄັນ ມັນມີມາດຖານ ແລະ ຍີ່ຫໍ້ຂອງມັນ ທາງດ້ານເຕັກນິກ ທີ່ຈະຕ້ອງໄດ້ຖືກຈົດທະບຽນໄວ້ ພົວພັນໄປເຖິງ ເລື້ອງຄວາມປອດໄຟໃນການຈະຖືກນໍາໃຊ້ ແລະ ພົວພັນເຖິງຄຸນຄ່າໃນການ “ປະກັນໄພ“. ຄືການຊື້ລົດເກງ ມີແຮງມ້າແຕກຕ່າງກັນ. ລົດແຮງສູງກໍຕ້ອງໄດ້ຈ່າຍປະກັນໄພສູງ ແຮງຕໍ່າກໍຈ່າຍຕໍ່າ. ການບໍລິການລົດໄຟ (ຈະໄວຫລືຊ້າ) ສໍາຄັນສຸດ ແມ່ນການຮັບປະກັນ “ການໄປມາໃຫ້ຕົງຕໍ່ເວລາ…

ຊ້າງເຜືອກ ຫີນຟູ ງູໄຫຍ່ ໄຂປິດສະຫນາ ພະຍາ ສີໂຄດຕະບອງ.

ຊ້າງເຜືອກ ຫີນຟູ ງູໄຫຍ່ ໄຂປິດສະຫນາ ພະຍາ ສີໂຄດຕະບອງ. ຟັງເອົາເດີ້ລາວຂ້ອຍ ມີຫຍັງຮໍາຮອນຊ່ອຍ ແດ່ທ້ອນ ປິດສະໜາຈະຄ່ອຍແຈ້ງ ສົມໃຈແມ້ງດັ່ງໝາຍ ເຈົ້າເອີ້ຍ! (ບົດກອນ ຈາກພື້ນຖານກອນອ່ານປູ່ປາງຄໍາ ກອນສິບ) ບາດນີ້ ຮຽມຢາກຂໍກ່າວເວົ້າ ໄຂປ່ອງຄໍາທໍານາຍ ອະທິບາຍປິດສະໜາ ເພິ່ນກ່າວມາດົນແລ້ວ ແນວນາມ ສີໂຄດຕະບອງເຈົ້າ ເປັນພະຍາລືຊື່ ເລືອງລືຄວາມເກັ່ງກ້າ ວິຊາລົ້ນລື່ນຄົນ ເຈົ້າເອີ້ຍ ເຈັບແສບສາບແຊ່ງໄວ້ ຕອນເມື່ອຖືກຫລາວແທງ ເຂົາແປງກົນຫລອກລວງ ອ່ອຍດວງມະເຫສີເຈົ້າ ຄວາມລັບເຂົາປອງໄດ້ ເຜີໃຈຕາຍຫລົງເຊື່ອ ເຫລືອພຽງຄວາມສາບແຊ່ງໄວ້ ມາເຖິງເທົ້າທຸກວັນ ນີ້ແລ້ວ ເຈົ້າສີໂຄດຕະບອງ ຮໍ່າຮ້ອງ ຂານກ່ອນດັບຊີວາ ອໍາລາເມືອງວຽງຈັນ ໃສ່ໂທດກໍາປະໄວ້ ສາບແຊ່ງ ເມືອງລາວໃຫ້ ຈະເລີນໄປທຽບເທົ່າ ຊ້າງພັບຫູ ງູແມບຫລີ້ນ ເພິ່ນເວົ້າ ສົມໃຈແຄ້ນແກ່ກໍາ ນັ້ນແລ້ວ ເຈົ້າສີໂຄດກ່າວຢໍ້າ ລາວຈະຮຸ່ງເຮືອງໃສ ໄດ້ນັ້ນ ຍືນຍົງຍາວນານໄປ ເມື່ອມີແນວມາແກ້ ແປເປັນປິດສະໜາປະໄວ້ ຊ້າງເຜືອກ…

ງູເຫລືອມໃຫຍ່ເຂົ້າລາວ ເຫດການປະຫວັດສາດແຫ່ງການກ້າວໄປ.

ງູເຫລືອມໃຫຍ່ເຂົ້າລາວ ເຫດການປະຫວັດສາດແຫ່ງການກ້າວໄປ. Die erste Laos-China Schnellbahn ist in der Hauptstadt Vientiane angekommen. ຄົນລາວເຮົາ ຄວາມຕື່ນເຕັ້ນ ໃຈຊື່ນບານໃນ ລົດໄຟລາວຈີນ ແລ່ນເຖິງວຽງວັງແລ້ວ ສຽງແຊວຮ້ອງ ໄປຕາມທາງຜ່ານ ເໝືອນງູໃຫຍ່ເຂົ້າບ້ານ ເລືອລ້ຽວລ່ວງໄປ ເຈົ້າເອີ້ຍ ຄົນຊ່າເວົ້າ ອອກຂ່າວກັນໄປ ໃນລາວເຮົາ ແມ່ນຄາວພວມກ້າວ ເມືອງລາວລິ້ງ ກາຍເປັນເມືອງຜ່ານ ຕິດຕໍ່ບ້ານ ສາກົນກ້າວຕໍ່ໄປ ແທ້ແລ້ວ ລາວ-ຈີນ ໂຮມຮ່ວມສ້າງ ປະກອບສ່ວນລົງທຶນ ບຸກບືນທໍາ ເພື່ອຄວາມຈະເລີນກ້າວ ລາວກາຍເຂົ້າ ສາຍໃໝຈີນໃໝ໋ ຂໍຈົ່ງໄດ້ ຜົນໃຊ້ຊ່ວຍລາວ ເຈົ້າເອີ້ຍ ອີກບໍ່ຊ້າ ວັນຊາດໃໝ່ທັນວາ ເເລ້ວນ່າ ລົດໄຟ ພາຄົນລາວ ແລ່ນເໜືອເຖິງໃຕ້ ຄົນລາວ ໄທ ຈີນ ດ້ວຍ ສາກົນມາທ່ຽວ ລົດໄຟທຽວບໍ່ຢັ້ງ ລາຍໄດ້ແລ່ນໄວ ດ້ວຍເຖີ້ນ…