ດີໃຈທີ່ໄດ້ມີໂອກາດພົບປະກັບ ທ່ານ ນາງ ຂັນທະລີ ສີລິພົງພັນ ຮອງລັດຖະມົນຕີກະຊວງສຶກສາ

ການພົບປະໄດ້ພາໃຫ້ຫວນຄິດເຖິງວັນເວລາກ່ອນຫນ້ານີ້ ທີ່ໄດ້ເຮັດວຽກງານການຈັດຕັ້ງແມ່ຍິງແລະຊາວນຸ່ມ ແລະ ເປັນອາຈານສອນຮ່ວມກັນ ທີ່ມະຫາວິທະຍາໄລຊັບພະວິຊາສອງທັນວາ ແລ້ວກໍໄດ້ພັດພາກຈາກກັນເປັນເວລາອັນດົນນານ ຈຶ່ງມີໂອກາດໄດ້ມາພົບຫນ້າພໍ້ຕາກັນ ແຕ່ກໍຍັງສະແດງອອກໃນຄວາມຮັກແພງອັນດູດດື່ມບໍ່ຫລົງລືມເຫມືອນເດີມ.

ເສັຍໃຈທີ່ມີເວລາມີຫນ້ອຍ ໄດ້ນໍາພາເພິ່ນທ່ຽວຊົມ ມະຫາວິທະຍາໄລແລບຊີກ (ທີ່ຕົນເອງ ແລະ ເມັຍ ໄດ້ສຶກສາຢູ່ ແລະ ນັກສຶກລາວເປັນຈໍານວນຫລວງຫລາຍໃນຕອນນັ້ນ), ໄດ້ຂຶ້ນດາດຟ້າຈອມຫໍສູງມະຫາວິທະຍາໄລຊົມວີວ, ໄດ້ຢ່າງທ່ຽວໃນຕົວເມືອງ, ໄດ້ຂີ່ລົດຜ່ານຖະຫນົນຫໍພັກອາດີດນັກສຶກສາລາວທີ່ເຄີຍອາໃສ ໄປເບິ່ງ ອານຸສາວະລີຈາຫລຶກການຕໍ່ສູ້ສົງຄາມປະຊາຊົນປະຫວັດສາດ ທີ່ກາຍເປັນບ່ອນທ່ອງທ່ຽວຈຸດນຶ່ງທີ່ລືຊື່ຂອງເມືອງແລບຊີກໃນປະຈຸບັນ.

ເປັນສ່ວນນຶ່ງທີ່ໃຫ້ເພິ່ນໄດ້ເຫັນເຖິງການຂະຫຍາຍຕົວ ທາງດ້ານການສຶກສາ ແລະ ສັງຄົມຂອງເຢັຍລະມັນ.